သူ့ကြိုးပမ်းချက်အောင်မြင်ကြောင်း လက်မထောင်ပြနေသည့် အမေရိကန်သမ္မတဟောင်း ဂျင်မီကာတာ(ယာ)ကို ဂိုမက်စ်(ဝဲ)နှင့်အတူ ဘော်စတွန် လေယာဉ်ကွင်းတွင် တွေ့ရစဉ်။ Photo : AFP

တရုတ်နိုင်ငံမှတစ်ဆင့် မြောက်ကိုရီးယား နိုင်ငံဆီသို့ တရားမဝင် ဝင်ရောက်မှုဖြင့် ဖမ်းဆီးခြင်း ခံထားရသော အသက် ၃ဝ အရွယ်ရှိ အမေရိကန်နိုင်ငံသား အိုင်ဂျလွန် မာလီဂိုမက်စ်အား မြောက်ကိုရီးယား အစိုးရက သြဂုတ် ၂၇ ရက်က ပြန်လွှတ်ပေးလိုက်ကြောင်း နိုင်ငံတကာသတင်းဌာမှ ထုတ်ပြန်သော သတင်းများအရ သိရသည်။ ဂိုမက်စ်သည် အာဖရိကန်အမေရိကန် ကပြားတစ်ဦးဖြစ်ပြီး သူ့အား မြောက်ကိုရီးယားအစိုးရက အလုပ်နှင့်ထောင်ဒဏ် ၈ နှစ်အပြင် ဒဏ်ငွေ ကန်ဒေါ်လာ ၇သိန်း ပေးဆောင်ရန် အပြစ်ပေးခြင်း ခံထားရသည်။  ဂိုမက်စ် လွတ်မြောက်ရေး အတွက် အမေရိကန်သမ္မတဟောင်း ဂျင်မီကာတာက မြောက်ကိုရီးယား နိုင်ငံသို့ ၂ ရက်တာ ခရီးထွက်ကာ ကြိုးပမ်းခဲ့ခြင်းဖြစ်ပြီး လူသားချင်း ညှာတာထောက်ထားခြင်းအားဖြင့် ယခုကဲ့သို့ ဆောင်ရွက်ခဲ့သော သမ္မတဟောင်းအား ကျေးဇူးတင်ကြောင်း အမေရိကန်နိုင်ငံခြားရေး ဝန်ကြီးဌာနက ထုတ်ပြန်သည့် ကြေညာချက်တွင် ထည့်သွင်း ဖော်ပြခဲ့သည်။ ပြုံယမ်းမြို့မှ ထုတ်လွှင့်သော မြောက်ကိုရီးယားရုပ်သံ အစီအစဉ်များတွင်လည်း ပြုံယမ်းလေဆိပ်ရှိ လေယာဉ်ပေါ်သို့ မတက်မီ ဂျင်မီကာတာနှင့် ပွေ့ဖက် နှုတ်ဆက်နေသော ဂိုမက်စ်၏ ပြည် တော်ပြန်သတင်းကို ထုတ်လွှင့်ပြသ ခဲ့ကြပါသည်။ အမေရိကန်လက် ထောက် နိုင်ငံခြားရေးဝန်ကြီး ဖိလစ် ဂျေခရိုလေကမူ ”သမ္မတဟောင်း ဂျင်မီကာတာရဲ့ မြောက်ကိုရီးယား ခရီးစဉ်ဟာ ကိုယ်ရေးကိုယ်တာခရီး တစ်ခုသာဖြစ်ပြီး အစိုးရက တရား ဝင်စေလွှတ်တဲ့ ခရီးမဟုတ်ပါဘူး။ အခုကြိုးပမ်းမှုဟာလည်း သူ့ သဘောအရလုပ်ခဲ့တဲ့ ကြိုးပမ်းမှု တစ်ခုသာဖြစ်ပါတယ်”ဟု စာနယ်ဇင်းသမားများအား ပြောကြားခဲ့ကြောင်း သိရသည်။ ၂ဝဝ၉ ခုနှစ်မတ်လအတွင်းက ထိန်းသိမ်းထားခဲ့သော အမေရိကန် စာနယ်ဇင်းသမား နှစ်ဦးဖြစ်ကြသည့် လော်ရာလင်းနှင့် ယူနာလီးတို့ နှစ်ဦးကိုလည်း အမေရိကန်သမ္မတဟောင်း ဘီလ်ကလင်တန်၏ ကြိုးပမ်းမှုကြောင့် မြောက်ကိုရီးယားတို့ က ၂ဝဝ၉ ခုနှစ် သြဂုတ် ၄ ရက်က ပြည်တော်ပြန်ခွင့် ပေးခဲ့ဖူးပါသေးသည်။ ထို့ကြောင့်ပင်လျှင် ၂ဝဝ၉ နှင့် ၂ဝ၁ဝ ခုနှစ်များဝယ် နိုင်ငံ တကာရှိ အမေရိကန်အကျဉ်းသားများ လွတ်မြောက်စေရေးအတွက် အမေရိကန်အစိုးရပိုင်းမှ လက်ရှိ တာဝန်ထမ်းဆောင်နေသူများနှင့် အငြိမ်းစားများက လိုက်လံကြိုးပမ်း ဆောင်ရွက်နေကြခြင်းမှာ ‘အမေရိကန် စတိုင်သစ်’တစ်ခု ဖြစ်လာနေကြောင်း နိုင်ငံတကာသတင်းဌာန အချို့က ဆိုလာကြခြင်း ဖြစ်တန်ရာသည်။
PN-002
Ref : AFP, VOA, epochtimes

ဟက်ကာ

မက္ကဆီကို ပင်လယ်ကွေ့ ရေ ပြင်ပေါ်က ရေနံချေးတွေကို အကုန် အစင် မရှင်းလင်းရသေးခင် မက္ကဆီ ကိုမယ်ကတော့ မယ်စကြဝဠာဖြစ် သွားချေပြီ။ မယ်အမေရိကန် ‘ရီမာ ဖခီး’သာ မယ်စကြဝဠာ ဖြစ်ခဲ့ပါက ပထမဆုံးသော အစ္စလာမ် မယ် စကြဝဠာ ဖြစ်ပေလိမ့်မည်။ အစွန်း ရောက် တာလီဘန်တွေကြောင့် ၉/၁၁ အကြမ်းဖက်မှု တုန်းက ပြို ပျက်ခဲ့သော ကမ္ဘာ့ကုန်သွယ်မှု ဗဟို အဆောက်အအုံကြီး တွေနားက ဗလီတစ်ခု ပြန်လည်ပြုပြင်ရန် အိုဘားမားက သဘောတူထောက် ခံခဲ့သဖြင့် ပူညံပူညံ အသံတွေ မစဲ သေးမီတွင်ပင် နျူးအော်လန်တွင် ကျင်းပမည့် ကက်ထရီးနားမုန်တိုင်း အထိမ်းအမှတ် အောက်မေ့ဖွယ် အခမ်းအနားကိုလည်း အိုဘားမား က ကူညီဦးမည် ဟုဆိုပြန်၏။ အမေ ရိကန်သမ္မတဟောင်း ဂျင်မီကာတာ ကလည်း မြောက်ကိုရီးယားတွင် အကျဉ်းကျနေသော အမေရိကန် နိုင်ငံသားတစ်ဦးကို သူ့သဘောနှင့် သူခေါ်ထုတ်လာနိုင်ပြန်သည်။ ထို သို့ခေါ်ထုတ်နိုင်ကြခြင်းပင်လျှင် အမေရိကန်တို့၏ ‘စတိုင်သစ်’ တစ်ခုဖြစ်နေပြီလော။ သို့တည်း မဟုတ် ‘အငြိမ်းစားတွေ လည်း ဒီလောက်တော့ စွမ်းပါသေးတယ်’ဟု လူသိအောင် လုပ်နေသည်လော။ ကမ္ဘာက အထင်ကြီး စိတ်ဝင်စားလာ စေရန် ‘မားကက်တင်း’ ဆင်းနေကြ သည်လော။ မည်သို့ပင်ဆိုစေ ၂ဝ၅ဝ တွင် တရုတ်ထက်သာစေ ရန် ကြိုးစားနေကြသည် ကတော့ သေချာသလောက်ရှိ၏။ ဆိုရှယ် လစ်စနစ်အပေါ်တွင် အခြေခံထား သော ဈေးကွက်စီးပွားရေး စနစ်ကို အရင်းရှင်နိုင်ငံတွေ မနည်းအမီလိုက် နေကြပုံရသည်။ အရင်းရှင်စီးပွားရေး စနစ်၏ ပင်ကိုသဘောကြောင့် ဖြစ် လာရသည်ဟု ဆိုကြသည့် ကမ္ဘာ့ ငွေကြေး အကျပ်အတည်းမှ လွတ်မြောက်လာကြပြီ ဆိုသော်ငြား အမေရိကန်တစ်ဝန်း အလုပ်လက်မဲ့ ဦးရေက လျော့မသွားသေး။ ဂလို ဘယ်လိုက်ဇေးရှင်းကြောင့် ဖြစ်လာ ရသော လူတန်းစားအသစ်ဖြစ်သည့် အဆင့်မြင့်လခစားအမှုထမ်းတွေက ယခင်လူလတ်တန်းစားနေရာကို ဝင်လာကြသဖြင့် ကမ္ဘာ့လူလတ် တန်းစား ဦးရေပိုလို့ပင် တိုးလာသ ယောင်ထင်နေရသော်ငြား လူလတ် တန်းစား စစ်စစ်ဖြစ်သည့် အသေး စားလုပ်ငန်းရှင်တွေ လျော့ကျသွား သည် ကတော့ သေချာသည်ဟု လည်း ဆိုကြစေကာမူ၊ မဟာ ကော်ပိုရေးရှင်းတွေကတော့ြ<ွကယ်ဝ သည်ထက်ြ<ွကယ်ဝလာနေကြပုံ ရ၏။ ယင်းတို့၏ စက်ရုံ၊ အလုပ်ရုံ များမှ ထုတ်လွှတ်လျက်ရှိသည့် အခိုးအငွေ့ပေါင်းစုံကြောင့် ကမ္ဘာ့ လေထုထဲတွင် ကာဗွန်ဒိုင်အောက် ဆိုဒ်ပမာဏကလည်း တိုး၍တိုး၍ လာနေလေသော်ငြား ကိုပင် ဟေဂင် ညီလာခံကြီးမှာမူ မရေမရာနှင့်သာ အဆုံးသတ်သွားခဲ့သည်။ သည်နှုန်း အတိုင်းသာ ဆက်တိုးလာနေပါက မိမိတို့၏ ကမ္ဘာကြီးမှာ ရေခဲခေတ်ကို ပြန်ရောက် သွားမည်ဟု သုတေသီ တို့က ဆိုနေကြသလို ကမ္ဘာအနှံ့ အပြား မကြုံစဖူး ရာသီဥတု ဖောက် ပြန်မှုတွေကလည်း ဆက်တိုက်ဆို သလိုပင် ဖြစ်နေကြပြန်လေရာ ‘၂ဝ၁၂’ လို ရုပ်ရှင်ကားမျိုးတွေ လည်း ဆက်တိုက်ပင် ပေါ်ထွက် လာကြပြန်တော့သည်။ လူတုပ် ကွေးရောဂါကို ကမ္ဘာ့ကပ်ရောဂါ အဖြစ်မှ အောင်နိုင်ပြီဟု ကြွေးကြော် နိုင်ကြ ပေလင့် ကစား ဆိုမာလီ ပင်လယ်ဓားပြတွေကတော့ အေဒင် ပင်လယ်ကွေ့ဝယ်ရှိနေကြမြဲပင်။ ”အရင်ဦးတဲ့ ဟာတွေ အရင် (first things first) ဆိုတဲ့ ရှေး ဟောင်းဥပဒေသအတိုင်း လိုက်နာ တဲ့အခါမှာတော့ အင်မတန်ရှုပ်ထွေး တဲ့ ပြဿနာတွေကို စီမံခန့်ခွဲရတာ အတော်အဆင်ပြေလာတယ်ဗျ”ဟု အမေရိကန်နိုင်ငံ၏ ၃၄ ယောက် မြောက်သမ္မတ အိုက်ဆင်ဟောင်ဝါ က ပြောခဲ့ဖူးသည်။ ယင်းကို မော်စီ တုန်းကလည်း ‘ဝိရောဓိ အခြေခံ သဘောတရား’ဟု ဆိုဖူးသည်။ စတီဇင်ကိုဗေး၏ ‘စွမ်းဆောင်ရည် မြင့်မားသူတို့၏ အမူအကျင့် ၇ ခု’ စာအုပ်တွင်လည်း တတိယအချက် အဖြစ်သူက ရေးသားထားသေးသည်။ အမြှုပ်တစီစီနှင့် ဆူဝေနေသော ထမင်းအိုးကိုငှဲ့ရန် ပြင်နေစဉ်တွင်ပင် တယ်လီဖုန်းကလည်း တကျည်ကျည် မြည်လာသည်။ အခန်းတံခါး ခေါက် သံကိုလည်း အဆက်မပြတ်ကြား လာရသည်။ အိမ်ခန်းထဲရှိ ကလေး ကလည်းအသံကုန်အော်ငိုနေပြီ။ ရေ တိုင်ကီမှ ရေလျှံကျနေသံကိုလည်း တဝုန်းဝုန်းကြားလာရသည်။ တစ် ပြိုင်တည်းဆိုသလိုပင် ဗိုက်ထဲက လည်း ရစ်၍ရစ်၍ နာလာသည်တွင် ဘာကို အရင်စလုပ်ရမည်နည်း။ ဗလာဒီမီယာ ပူတင်ကတော့ ၂ဝ၁၂ ခုနှစ် ရွေးကောက်ပွဲအတွက် ယခုကတည်းကပင်လျှင် လူထုကြား ထဲဆင်းနေပြီဆို၏။
ဟက်ကာ