လ၏နေရာတိုင်းတွင် ရေရှိကြောင်း အထောက်အထားများကို သိပ္ပံပညာရှင်များက ထပ်မံတွေ့ရှိရပြီ ဖြစ်ကြောင်း သိရသည်။ လေ့လာ ဆန်းစစ်မှုများတွင် လ၏မီးတောင်ဟောင်းများ အတွင်းရှိ ကျောက်တုံးများသည် ဓာတုဗေဒပြောင်းလဲမှု ဖြစ်စဉ်အနေဖြင့် ရေဖွဲ့စည်းပုံ ပုံစံ အတိုင်းရှိနေကြကြောင်း သိရသည်။ ယင်းစမ်းသပ်မှုက သိပ္ပံပညာရှင်များအား လ၏အတွင်းတွင်ရော အပြင်၌ပါ ရေရှိကြောင်း ပိုမိုယုံကြည်စေရန် ဖြစ်လာသည်။ ဆိုလိုသည်မှာ တစ်နေ့တွင် လပေါ်၌လူသားတို့၏ အာကာသစခန်းကို အလွယ်တကူ တည်ဆောက်နိုင်ရန် အခြေအနေမျိုးနှင့် နီးကပ်လာပြီဖြစ်သည်။ လပေါ်တွင် ရေရနိုင်လျှင် အာကာသတွင် သုံးရန် ရေကို ကမ္ဘာမြေမှ အသွားအပြန် သယ်နေရသည်ထက် ပိုမိုအဆင်ပြေမည့် နည်းလမ်းဖြစ်သည်။ ရေရလျှင် အသက်ရှူရန် အသက်တမျှ လိုအပ်သည့် အောက်ဆီဂျင် ရနိုင်မည်ဖြစ်သကဲ့သို့ ဟိုက်ဒရိုဂျင်ကို အာကာသယာဉ်များ၏ လောင်စာအဖြစ် ပြောင်းယူနိုင်ကာ အာကာသတွင်းရှိ ဂြိုဟ်များကို ပိုမိုလေ့လာနိုင်မည့် အခွင့်အလမ်းရှိ လာနိုင်မည်ဖြစ်သည်။ ကယ်လီဖိုးနီး ယား နည်းပညာသိပံ္ပမှ ပါမောက္ခ ဂျော့ရော့စ်မန်းက သဘာဝ ကယ် လစီယမ်ဖလိုရိုက် ဖော့စဖိတ်ကို အပူပေးလိုက်ပါက ဟိုက်ဒရောဆိုက် အိုင်ကွန်များသည် ပြိုကွဲသွားကာ ရေပြန်ထွက်ပေါ်လာကြောင်း ပြောကြားသည်။ လနှင့်ကမ္ဘာသည် ဓာတုဖြစ်စဉ်များ၊ ဘူမိဗေဒသဘော တရားများ နီးစပ်စွာတူညီပြီး ယခုမှ စ၍ မှတ်တမ်းများကို ပြန်လည် လေ့လာအကဲဖြတ်ရန် လိုကြောင်း ၄င်းမှပင် ပြောကြားသည်။ အန်ဒီဗား ဒုံးပျံယာဉ်နှင့် လသို့လိုက်ပါခရီးထွက် ရသည်မှာ ဈေးကြီးလှသော်လည်း သိပ္ပံပညာရှင်များသည် လ၏ ကျောက်တုံးများအား ရေအဖြစ် အလွယ်တကူ ပြောင်းလဲနိုင်လာပါက အနာဂတ်တွင် လူသားတို့ လပေါ်အခြေချနိုင်မည့် အခြေအနေသည်ပင် အလှမ်းမဝေးလှတော့ဟု ဆိုနိုင်သည်။။ ယခုအခါမူ ရေဖိုး သည်ပင်ဒေါ်လာသောင်းချီနေသည်။ သို့သော် ကျောက်တုံးကျောက်ခဲကို ရေအဖြစ်ပြောင်းနိုင်သည့်တိုင်အောင် ငွေ့ပျံနှုန်းများသည့် ဟိုက်ဒရိုဂျင် နှင့်ကလိုရင်းကို မည်သို့ထိန်းချုပ်မည်ဆိုသည့် အကျိုးဆက်များကို ချင့်ချိန်စဉ်းစားနေရသောကြောင့် ကျောက်ခဲမှရေထုတ်ရန် သီအိုရီမှာ စိန်ခေါ်မှုများ ရှိနေသေးသည်။
ZMO, Ref: Dailymail
ူ
