ဒါရိုက်တာ ကြည်စိုးထွန်းနဲ့တွေ့ရင် ကျွန် တော်က ရုပ်ရှင် အကြောင်းပြော၊ သူက စာပေ အကြောင်းပြောနဲ့ အဆင်ကိုပြေလို့။ တက္ကသိုလ် တက်နေကတည်းက ကျွန်တော့် သူငယ်ချင်း အဆိုကျော် ပန်းချီဆရာ ခင်ဝမ်း နဲ့ ဦးကြည်စိုးထွန်း နဲ့က လှည်းတန်း အပြင် ဆောင်မှာ အတူတူ နေခဲ့ကြလို့ ခင်ဝမ်းဆီ သွားရင်းက သူ့ကို သိနှင့် ပြီးသားပါ။ နောက်ပိုင်း လူချင်းကွဲသွားပြီး သူနာမည်ကြီး ဒါရိုက်တာဖြစ်မှ ပြန်ဆုံကြတယ်။ ကျွန်တော်သာ ရုပ်ရှင် ဝါသနာပါပြီး ဗီဒီယိုကားတိုလေး တစ်ထွာ တစ်ညိုသာ မရိုက် ဖြစ်တာ။ ဆရာ ကြည်စိုးထွန်း ကတော့ အကယ်ဒမီတွေ တစ်သီကြီး ရတဲ့အပြင် ‘မောင်ကျောက်ခဲ’ ဇာတ်ဆောင်နဲ့ စာတွေ ဟောတစ်ပုဒ် ဟောတစ်ပုဒ်နဲ့ ဂျာ နယ်တွေ မှာ ရေးနေတာ လူကြိုက်များတဲ့ စာရေးဆရာပါ ဖြစ်နေပြီ။ စာပေဟောပြောပွဲ တွေမှာလည်း အဟောကောင်း၊ အပြောကောင်း စူပါကြီး လိုဖြစ်လို့။ တစ်နေ့က သူ့နဲ့ ကြုံတုန်း ဆုံတုန်း စကားစမြည် ပြောရင်းက သူ ကျောင်းအုပ်ကြီး လုပ်နေတဲ့ Laurel Art of Academy မှာနိုင်ငံခြား ရုပ်ရှင်ကားတွေ တစ်ပတ် တစ်ကားပြသ မယ့် အစီအစဉ် အကြောင်း သိလိုက်ရတယ်။
”ခင်ဗျားလည်း လာဗျာ။ ခင်ဗျားကြည့် ချင်တဲ့ ရုပ်ရှင်တွေ ရှိရင်လည်းပြော။ ကျွန်တော် တို့ စုထားဆောင်းထားတဲ့ အထဲမှာ ရှိရင်ပြမယ်။ ရုပ်ရှင် ပညာရှင်တွေကလည်း ဘယ် ကားက ဘယ်လို ရိုက်ထားတာ ဘယ်လို ကောင်းတယ် ဆိုတာတွေပြောမယ်”
ဒါနဲ့ သူချိန်းဆိုတဲ့ ၁၅.၂.၂ဝ၁၂မှာ သူတို့ Laurel ကျောင်းကို ရောက်သွားတယ်။ ကျွန်တော့် အရင် ဒါရိုက်တာကြီး ဦးပြည့်စုံ၊ ဒါရိုက်တာ ဦးထွန်းလှိုင်၊ ရုပ်ရှင် သင်တန်းတွေ ဖွင့်နေတဲ့ ရွှေပုပ္ပား ဦးအုန်းခိုင်တို့တောင် ရောက် နှင့်နေကြပြီ။ ဆရာဦးပြည့်စုံဆို သွေးသောက် မဂ္ဂဇင်းကို ထုတ်ဝေခဲ့တဲ့ နာမည်ကျော် စာရေး ဆရာကြီး တစ်ယောက် ဖြစ်သလို လူကြိုက်များ တဲ့ ရုပ်ရှင်ကားတွေ အများကြီး ရိုက်ကူးခဲ့တဲ့ ဒါရိုက်တာ ဖြစ်တဲ့အပြင် ‘ရုပ်ရှင် ဇာတ်ညွှန်း ကောင်းတစ်ပုဒ်’ လို ရုပ်ရှင်ပညာ စာအုပ်တွေ ရေးခဲ့သူလည်း ဖြစ်ပါတယ်။ ခုထိလည်း ရုပ်ရှင် ဆောင်းပါးတွေ ရေးနေတုန်းပဲ။ ဒါရိုက်တာ ဦးထွန်းလှိုင် ကတော့ ပြောမနေပါနဲ့တော့။ ဆရာထွန်းလှိုင်ရေးခဲ့ တဲ့ ရုပ်ရှင် ဆောင်းပါးတွေ ဖတ်ပြီး ကျွန်တော်တို့ ကမ္ဘာကျော် ရုပ်ရှင်ကား တွေအကြောင်း သိလာပြီး ရုပ်ရှင်ကား ကောင်းကောင်း ကြည့်တတ်လာတာ ဆရာ့ ကျေးဇူးပဲ။ ဆရာက ၁၈နှစ် သားလောက်က တည်းက အမေရိကန် ရုပ်ရှင်ပညာရှင် တွေနဲ့ အတူတူ ရုပ်ရှင် အတွေ့အကြုံတွေ စာတွေ့ ရောလက်တွေ့ပါ သိပ်ကို ကြွယ်ဝခဲ့တဲ့သူပဲ။ အခုတောင် ၇ဝ အရွယ်ပိုင်းလောက် အထိ ဘယ်ရုပ်ရှင်က ဘယ်ဒါရိုက်တာ၊ ဘယ်မင်းသမီးနဲ့ ဘယ်မင်းသားနဲ့ ရိုက်ခဲ့တာ၊ ဇာတ်ညွှန်းက ဘယ်လို၊ ကင်မရာ ရှုထောင့်က ဘာကောင်း တယ် စသည်ဖြင့် ကရားရေလွှတ် တတွတ်တွတ် အလွတ် ပြောပြနိုင်တဲ့ တကယ့် သက်ရှိ ရုပ်ရှင်စွယ်စုံ ကျမ်းကြီး တစ်ဆူပေါ့။ ရွှေပုပ္ပား ဦးအုန်းခိုင် ဆိုရင်လည်း သူ့ရဲ့ ရွှေပုပ္ပားခြံထဲမှာ ရုပ်ရှင်သမားတွေ လွတ်လွတ်လပ်လပ် ရိုက်ကူးခွင့် တစ်သက်လုံး ခွင့်ပြုထားတဲ့ တကယ့် ရုပ်ရှင် ဝါသနာအိုး စေတနာရှင်ကြီးပဲ။ ဒါရိုက်တာ ဦးဝင်းဖေနဲ့ စီ၆ဝ အခွေ၅ခွေ လောက်ကြာအောင် ကျွန်တော် အင်တာဗျူး လုပ်ခွင့်ရခဲ့ တာလည်း ဦးအုန်းခိုင်ရဲ့ ဘောက်ထော် ခြံထဲမှာပဲ။ အခုနောက်ပိုင်းမှာ လည်း ဒါရိုက်တာ မောင်တင်ဦးတို့၊ ဇာတ်ညွှန်း ကိုငြိမ်းမင်းတို့ကို ခေါ်ပြီး ဦးအုန်းခိုင် ရုပ်ရှင် သင်တန်းတွေ ပေးခဲ့တာ ကျွန်တော်တို့လည်း အမြဲ ရောက်ခဲ့ပါတယ်။ ဒီပညာ ရှင်ကြီးတွေနဲ့ ဆုံပြီး ကမ္ဘာကျော် ရုပ်ရှင်ကားကောင်းတွေ ကြည့်ခွင့်ရမယ် ဆိုတဲ့ အခွင့်အရေးမျိုး ဆရာကြည်စိုးထွန်း ဖန်တီးပေးတာ တော်ရုံ တန်ရုံစေတနာ မဟုတ် ဘူးနော်။ သူတို့စု ဆောင်းထားတဲ့ ရုပ်ရှင်ကားပေါင်း ၂ဝ၄ကား စာရင်းကို ကျွန်တော်တို့ကို ပြတယ်။ ‘ကွေ့ မြစ်တံတား’ (The Bridge On The River Kwai)တို့၊ ‘ကလီယိုပက်ထရာ’(Cleopatra) တို့၊ ‘ဘင်ဟာ’(Benhur)တို့၊ ‘ဒေါက်တာ ဇီဗားဂိုး’ (Doctor Zhivago) တို့ပါတာပေါ့။ ဂန္ထဝင် ရုပ်ရှင်ကားကြီးတွေဖြစ်တဲ့ ‘ရာရှိုမုန်’ (Rashomon)တို့၊ ‘စက်ဘီးသူခိုး’(Bicycle Thief)တို့၊ ‘ဆီတီဇင်ကိန်း’(Citizen Kane) တို့လည်းပါတယ်။ အိန္ဒိယဒါရိုက်တာ’ဆက် တျာဂျစ်ယေး’ရဲ့ ‘ပက်သာပန် ချာလီ’ (Pather Pachali)တို့ ‘ဥရန်ခါ တိုလာ’တို့ ‘မာသာအိန္ဒိယ’ တို့လည်း ကြည့်ရ ဦးမယ်လေ။ သေနတ်ပစ် ကားကောင်းတွေ ဖြစ်ကြတဲ့ ‘Fistful Of Dollars’ တို့၊ ’For A Few Dollars More’ တို့ ‘The Good, The Bad and The Ugly တို့လည်း ပြန်ကြည့်ချင်တာနဲ့ အတော်ပဲ။ ဒီဇာတ်ကား တွေထဲက တစ်ကားစီကို Laurel ကျောင်းမှာ တနင်္ဂနွေ နေ့တိုင်းပြမယ်။ နံဘေးကလည်း ရုပ်ရှင်ပညာ ရှင်ကြီးတွေက ဇာတ်ကား နောက်ခံက အစ ရိုက်ကူးပုံ၊ တည်းဖြတ်ပုံ၊ သရုပ်ဆောင် ပုံတွေကို ရှင်းပြ ဦးမယ်။ တကယ်ပညာ လည်းရ ဖျော် ဖြေမှုလည်း ရစေတဲ့ Edutainment ဆိုတာ ဒီအစီအစဉ်ပဲပေါ့။
ဒီဇာတ်ကား စာရင်းကိုကြည့်ပြီး ကျွန်တော်တို့ ငယ်ငယ်က ဒီရုပ်ရှင်တွေ ကြည့်ခဲ့ဖူးတာ သွားသတိရတယ်။ အဲဒီတုန်းက ရုပ်ရှင် ရုံတွေက များမှများ။ အခုဆူးလေ ဘုရားလမ်း က ကုန်သည်ကြီးများ ဟိုတယ် နေရာမှာဆိုရင် ဂလုပ်ရုံ(ဂုဏ်ရုံ)နဲ့ ပလာဒီယံရုံ (ပပဝင်းရုံ)တို့ ရှိတယ်။ အခုစင်ထရယ် ဟိုတယ်နေရာမှာက ရွိုင်ရယ်ရုံ (တော်ဝင်ရုံ) နဲ့ ကာလ်တန်ရုံ (ယုဇန ရုံ)တွေ ရှိတယ်။ အဲဒီ ရုံ၎ရုံက အင်္ဂလိပ်ကား တွေပဲပြတယ်။ ကားကောင်း ကားသန့် ဆိုရင် တော့ ဂလုပ်ရုံနဲ့ ကာလ်တန်ရုံတွေမှာ အပြ များတယ်။ နောင် ဝဇီရာရုံ ဖြစ်လာမယ့် အိပ်ဆယ်လ်စီယာရုံ ဆိုရင်လည်း ‘ပညတ်တော် ဆယ်ပါး’ (The Ten Commandments) တို့၊ ‘ဘင်ဟာ’ (Benhur) တို့လို ဒါရိုက်တာကြီး ‘စီစီဘီဒီမီလ်’ရဲ့ ဇာတ်ကားမျိုးတွေ ပြပါတယ်။ သမ္မတရုပ်ရှင် ရုံမှာဆိုလည်း ဟောလီးဝုဒ် လက်ရွေးစင် ကားကြီးတွေ ပြတဲ့အပြင် တနင်္ဂ နွေ မနက်ရုပ်ရှင် (Sunday Morning Show) ဆိုတဲ့ မနက် ၉နာရီ ခွဲ ပွဲတောင်ပြသေးတယ်။ ကျွန်တော် မှတ်မိသေးတာက ကျွန်တော်တို့ ၇တန်း၊ ၈တန်း အရွယ်က မြို့ထဲကို တစ်ပတ် တစ်ခါပဲ အိမ်က ထွက်ခွင့်ပေးတယ်။ ဒါ ကြောင့် တနင်္ဂနွေနေ့ ဆိုရင် သမ္မတရုံမှာ ‘မောနင်းရှိုး’ ကြည့်၊ ပြီးရင် ၁၂ခွဲ ပွဲရုပ်ရှင် တစ်ရုံ ရုံပြောင်းကြည့်၊ နောက် တစ်ခါ ၃နာရီခွဲပွဲ တစ်ရုံရုံ ထပ်ကြည့်ပြီး တစ် နေ့တည်း ၃ပွဲလောက် ကြည့်တာ များတယ်။ ကျွန်တော့်လိုပဲ ကျွန်တော့် အရွယ် လူငယ် တော်တော်များများ တနင်္ဂနွေနေ့မှာ ရုပ်ရှင် ၃ ပွဲလောက် ကြည့်သူတွေ များပါတယ်။
ကျွန်တော်တို့ တက္ကသိုလ်ရောက်လာ တော့ တက္ကသိုလ်နဲ့ နီးတဲ့ မြေနီကုန်းမှာ ဝိဇယ ရုံနဲ့ ဆန်းသီရိရုံကို အားကိုးရပြန်ရော။ အထူး သဖြင့် ဝိဇယရုံမှာ ဆိုရင် မြို့ထဲက ကျလာတဲ့ ကားကောင်း ကားသန့်တွေ ပြန်ပြတတ်တယ်။ ဝိဇယရုံဟာ ရုပ်ရှင် သင်္ချိုင်းပဲ။ ဝိဇယပြပြီးရင် နောက်တစ်ခါ အဲဒီကား ထပ်ကြည့်ရဖို့ မလွယ် တော့ဘူး။ အဲဒီတုန်း က ဗီဒီယိုတို့၊ ဘာတို့လည်း မရှိတော့ ကျွန်တော်တို့က ရုပ်ရှင်ရုံပဲ အားကိုးရတာပဲ။ ဒါကြောင့် ကောင်းတဲ့ကား ဆို ၄၊၅ ခါကြည့်တယ်။ မင်းသား ‘အိုမာရှ ရစ်(ဖ်)’ ပါတဲ့ ‘ဒေါက်တာ ဇီဗားဂိုး’တို့၊ ‘ယူးလ် ဘရင်းနား’ရဲ့ ‘တားရပ်(စ်)ဗူလ်ဗါ’ တို့ဆို ရင် ပြကွက် အသေးစိတ်တွေအထိ မှတ်မိနေ တတ်တယ်။ တက္ကသိုလ် ကျောင်းသား ဘဝမှာ မြို့ထဲကိုလာ ည၉နာရီခွဲပွဲ ရုပ်ရှင်ကြည့်ပြီး အပြန်လမ်းစရိတ် မကျန်တော့လို့ လမ်းပေါ်မှာ သီချင်း တကြော်ကြော် အော်ဆိုရင်း ကုန်းကြောင်း လျှောက်ပြန်ခဲ့ ရတာတွေ လည်း ခုပြန် စဉ်းစားကြည့်ရင် လွမ်းစရာကြီး ၊ပျော်စရာကြီး။
တစ်နေ့ကပဲ စာအုပ်စင် ရှင်းရင်းနဲ့ ၁၉၆၄ ခုနှစ်က ဒိုင်ယာရီ စာအုပ်လေးအဟောင်း ပုံကြားက ထွက်လာပါတယ်။ အဲဒီတုန်းက ကျွန်တော်က ၉တန်း။ အဲဒီခေတ် အခေါ်တော့ ‘တန်းမြင့်ကျောင်းထွက်’ (High Shool Final) စာမေးပွဲဖြေရမယ့် အတန်းပေါ့။ အဲဒီ ခေတ်တုန်းက ဒီစာမေးပွဲ အောင်ရင် အစိုးရ ရုံးတွေမှာ စာရေး ရာထူး လျှောက်လို့ ရတယ်။ အစိုးရစစ် စာမေးပွဲမို့ ကိုယ့်ကျောင်းမှာ မဖြေရဘဲ တခြားစာစစ် ဌာနတွေမှာ သွားဖြေရတယ်။ ကျွန်တော်က ဗဟန်း အထက(၁)မှာ သွား ဖြေရတယ်။ ၂.၂.၁၉၆၄က စစစ်တာ ၉. ၂.၁၉၆၄ ကျ မှ ပြီးတယ်။ မြန်မာစာ၊ အင်္ဂလိပ် စာ (၁)၊ အင်္ဂလိပ် စာ(၂)၊ ရူပဗေဒ၊ ဓာတုဗေဒ၊ သင်္ချာ(၁)၊ သင်္ချာ (၂) စသည်ဖြင့် ၇ရက် ဖြေရတယ်။ နံနက်၉နာရီ က ၁၂နာရီ ထိဖြေရတာ ကျွန်တော်က ၁၁နာရီ ခွဲဆို ရင် စာမေးပွဲခန်း ကထွက်ပြီ။ ပြီးတော့ နေ့ တိုင်း ရုပ်ရှင်ရုံ တန်းသွား တာချည်းပဲ။ ဒိုင်ယာရီ အရ ကျွန်တော် ကြည့် ခဲ့တဲ့ကားတွေ ပြော ပြဦးမယ်။ ၂ရက် နေ့ ပလေဒီယံမှာ On the Double ကား၊ ၃ရက်နေ့ ဂလုပ်ရုံမှာ North To Alaska၊ ၄ရက်နေ့ နေပြည်တော်မှာ Square Peg၊ ၅ရက်နေ့ ကာလ်တန်ရုံမှာ Love is my Profession၊ ၆ရက်နေ့ သီတာရုံမှာ ချစ်မေတ္တာ၊ ၇ရက်နေ့ ရာဇ်ရုံမှာ Hel-lions ၊၉ရက်နေ့ ဘုရင့်ရုံမှာ ဘယ်ရပ်ဌာ နေစသဖြင့် စာမေးပွဲ ဖြေပြီးတိုင်း ရုပ်ရှင် ကြည့်ခဲ့တာ ဒိုင်ယာရီမှာ တွေ့ရပါတယ်။ ၆.၆. ၁၉၆၄ နေ့မှာ H.S.F. အောင်စာရင်း အစိုးရက ထုတ်ပြန်ပါတယ်။ အတန်းသား ၆ဝ ရှိတဲ့ ကျွန်တော့် အတန်း တစ်ခုလုံးမှာ ကျွန်တော် တစ်ယောက်တည်းပဲ အောင်ပါတယ်။ ရုပ်ရှင် နေ့တိုင်းကြည့်ပြီး အကျများတဲ့ စာမေးပွဲ တစ်ခု အောင်လာတာ အခု ပြန်စဉ်းစား ကြည့်တော့ ပြုံးမိပါသေးရဲ့။
ကျွန်တော်က ရုပ်ရှင်ကြည့် ဝါသနာရှင် သက်သက်ပါ။ ရုပ်ရှင်ကြည့်၊ ရုပ်ရှင် စာအုပ်တွေ ဝယ်ဖတ်။ Photoplay တို့ Filmfare တို့လို ပေါ့ပေါ့ပါးပါး ရုပ်ရှင်၊ မဂ္ဂဇင်းတွေက အစ၊ Film and Filmingလို အဆင့်မြင့် ရုပ်ရှင် မဂ္ဂဇင်းတွေမျိုးထိ နိုင်ငံခြားက တကူး တက မှာဖတ်ဖူးပါတယ်။ ခုချိန်လို နိုင်ငံတကာ ရုပ်ရှင်တွေ ကို လွတ်လွတ် လပ်လပ် ဝယ်ယူနိုင် တဲ့ကာလမျိုး မှာတော့ ညတိုင်းလိုလို အနည်း ဆုံး ရုပ်ရှင် တစ်ကားတော့ ကြည့်ပြီးမှ အိပ် ပျော်ပါတယ်။
အခု Laurel ကျောင်းမှာ ဆရာ ဦးကြည်စိုးထွန်း စီစဉ်တဲ့ ရုပ်ရှင်ပြသမှု မျိုးကတော့ ကျွန်တော်တို့ ရုပ်ရှင်ဝါသနာအိုးတွေ အတွက် တကယ့်ရွှေ အခွင့်အရေးကြီးပါပဲ။ ရုပ်ရှင်ပညာ ရှင်ကြီးတွေရဲ့ အကဲဖြတ် သုံးသပ်ချက်တွေကို ပါ ပညာယူရမှာ ဆိုတော့ တခြားနိုင်ငံ တွေမှာ ဆိုရင် ကြေးကြီး ကြီးပေးပြီး သွားတက်ရမှာ သေချာပါတယ်။ အခု လောလောဆယ်တော့ Laurel ကျောင်းမှာ လစဉ် ပထမပတ် တနင်္ဂနွေနေ့တိုင်းမှာ ကမ္ဘာကျော် ရုပ်ရှင် ကားကြီးတွေ တစ်ကားစီ ပြမယ်လို့ သိရပါတယ်။ ပထမဆုံး အနေနဲ့ ကမ္ဘာအေး ဘုရားလမ်း၊ ပုလဲကွန်ဒိုဝင်းက Laurel Art Academy မှာ ၄.၃.၂ဝ၁၂နေ့ကျရင် Citizen Kane ဇာတ်ကား စပြမယ် ဆိုတော့ သွားရောက် ကြည့်ရှု ပညာယူရဦး မှာပေါ့။
ဟိန်းလတ်
