တရုတ်ကယ်ဆယ်ရေးဆေးအဖွဲ့ကိုကျေးဇူးတင်ကြောင်းနစကဥက္ကဌပြော

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က အင်အားပြင်းငလျင်လှုပ်ခတ်ပြီးနောက် အချိန်မီကူညီပေးခဲ့သည့် တရုတ်နိုင်ငံယူနန်ပြည်နယ်မှ ကယ်ဆယ်ရေးဆေးအဖွဲ့ဝင်များကိုကျေးဇူးတင်ကြောင်းပြောကြားခဲ့သည်။

ဗိုလ်ချုပ်မှူးကြီး မင်းအောင်လှိုင် သည် နေပြည်တော်ရှိ ဥတ္တရသီရိပုဂ္ဂလိကဆေးရုံသို့သွားရောက်ခဲ့ပြီး ကယ်ဆယ်ရေးလုပ်ငန်းများဆောင်ရွက်ရန် ထိခိုက်သည့်နေရာကို ပထမဆုံးနှင့်အမြန်ဆုံးရောက်ရှိခဲ့သည့် တရုတ်ကယ်ဆယ်ရေးအဖွဲ့ကို ကျေးဇူးတင်ရှိကြောင်းပြောကြားခဲ့သည်။

တရုတ်နိုင်ငံအနောက်တောင်ပိုင်း ယူနန်ပြည်နယ်မှ ကယ်ဆယ်ရေးအဖွဲ့သည် မြန်မာကယ်ဆယ်ရေးတပ်ဖွဲ့များနှင့်ပူးပေါင်းဆောင်ရွက်ခဲ့ရာ တနင်္ဂနွေ နေ့ ဒေသစံတော်ချိန် နံနက် ၅ နာရီကနေပြည်တော်၌ အသက်ကြီးသူတစ်ဦးကို ပြန်လည်တွေ့ရှိခဲ့ကြောင်း သိရသည်။

အဆိုပါအမျိုးသားသည် ဆေးရုံအပျက်အစီးများအောက်တွင် နာရီ ၄၀ နီးပါး ပိတ်မိနေခဲ့ခြင်းဖြစ်ကာမြန်မာနိုင်ငံသို့ရောက်ရှိပြီးနောက် တရုတ်ကယ်ဆယ်ရေးအဖွဲ့မှ ပထမဆုံးအသက်ရှင်လျက်ကယ်တင်နိုင်ခဲ့သူလည်းဖြစ်သည်။

အဖွဲ့ဝင် ၃၇ ဦးပါ အဆိုပါတရုတ်အဖွဲ့သည် အသက်ရှင်မရှင် စမ်းသပ်ကိရိယာများ၊ ငလျင်ကြိုတင်သတိပေးစနစ်များ၊ခရီးဆောင်ဂြိုလ်တုဖုန်းများနှင့်ဒရုန်းများပါယူဆောင်လာသည်ဟုလည်းသိရသည်။

Source : ရှင်းဟွာ