တိလေးဘရန်ဒီဆုံးတာ (၁)လပြည့်အနေနဲ့ ကရုဏာနှလုံးသားလှုမှုကူညီရေးနဲ့နာရေးကူညီမှုပရဟိတ အသင်းမှာအလှူငွေများ လှူဒါန်းခဲ့တဲ့ဝေလာရီ
ဝေ့လာရဲ့အချစ်ရဆုံးတိလေး ဘရန်ဒီက ဇွန်လ ၆ ရက်နေ့မှာဆုံးပါးသွားခဲ့တာဖြစ်ပြီးအခုလို ဆုံးပါးသွားတဲ့ ၁ လပြည့်နေ့လေးမှာ ကုသိုလ်လေးအနေနဲ့ ကျိုက်မရောမြို့ ကရုဏာနှလုံးသား လှုမှုကူညီရေးနှင့် နာရေးကူညီမှုပရဟိတအသင်းကို အလှုငွေ (၂ သိန်း ) ကျပ်ကို ဝေလာရီတို့က လှူဒါန်း ပေးခဲ့တာဖြစ်ပါတယ်။
အခုလို အကြောင်းအရာနဲ့ ပတ်သက်ပြီး ဝေလာရီက
” ဝေလာ့ ချစ်ဆုံးလေး မီးမီးဘရန်ဒီ ဆုံးတာ (၁)လပြည့်ကုသိုလ်လေးအနေနဲ့ကျိုက်မရောမြို့ ကရုဏာနှလုံးသား လှုမှုကူညီရေးနှင့် နာရေးကူညီမှုပရဟိတအသင်းကို အလှုငွေ (၂ သိန်း ) ကျပ်လှုဒါန်းခဲ့ပါတယ်
မီးမီးဘရန်ဒီလေး မမတို့ပြုပေးတဲ့ ကုသိုလ်ကောင်းမှု အစုစုကို မြင်နိုင် သိနိုင် ကြားနိုင်ပါစေ”လို့ သူမလက်ရှိအသုံးပြုနေတဲ့ လူမှုကွန်ယက်စာမျက်နှာမှာ ရေးသားခဲ့ပါတယ်။
တိလေးဘရန်ဒီလေးအနေနဲ့ ဝေလာရီတို့ထံကို ၄၅ရက်သားအရွယ်မှာရောက်ရှိခဲ့တာဖြစ်ပြီးလိမ္မာရေးခြားာရှိလွန်းတဲ့အတွက်ဝေလာရီရဲ့ချစ်ခင်မှုကိုအပြည့်အဝရရှိထားသူလေးဖြစ်ပါတယ်။
