တိုင်းရင်းသားအားလုံး စည်းလုံးညီညွတ်စွာ ကြိုးပမ်းမ ည်ဆိုပါက ဖွံ့ဖြိုးတိုးတက်သော နိုင်ငံတော်သစ်ကြီး ဖော်ဆောင်နိုင်မည်ဟု နစကဥက္ကဌပြော
တိုင်းရင်းသားအားလုံး စည်းလုံးညီညွတ်စွာဖြင့် ကြိုးပမ်းဆောင်ရွက်မည်ဆိုပါက ဖွံ့ဖြိုးတိုးတက်သည့် အနာဂါတ်ပြည်ထောင်စု နိုင်ငံတော်ကြီးကို ဖော်ဆောင်နိုင်မည်ဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။
ဩဂုတ်လ (၂၂)ရက်က နေပြည်တော်တွင် တိုင်းရင်းသား လက်နက်ကိုင်အဖွဲ့ (၃)ဖွဲ့နှင့် ဒုတိယအကြိမ် ငြိမ်းချမ်းရေးဆွေးနွေးစဉ် တပ်မတော်ကာကွယ်ရေး ဦးစီးချုပ်က ပြောကြားခဲ့ခြင်း ဖြစ်သည်။
ထို့အပြင် တိုင်းရင်းသားများအနေဖြင့် နိုင်ငံတော်ဖွံ့ဖြိုးတိုးတက်ရေးအတွက် တစ်သွေးတစ်သားတည်း ၊ တစ် စိတ်တစ်ဝမ်းတည်း သဘောထားတူညီစွာဖြင့် ကြိုးပမ်းဆောင်ရွက်သွားရန်လည်း တိုက်တွန်းပြောကြားသွားသ ည်။
ယနေ့ဩဂုတ်လ (၂၂) ရက် နံနက်ပိုင်းတွင် ရခိုင်ပြည် လွ တ်မြောက်ရေးပါတီ၊ လားဟူဒီမိုကရက်တစ် အစည်းအ ရုံး၊ ပအိုဝ်းအမျိုးသား လွတ်မြောက်ရေးအဖွဲ့ချုပ်မှ တာ ဝန်ရှိသူများနှင့် တပ်မတော်ကာကွယ်ရေးဦးစီးချုပ် ဗိုလ် ချုပ်မှူးကြီး မင်းအောင်လှိုင်တို့သည် ဒုတိယအကြိမ် ငြိမ်း ချမ်းရေးဆွေးနွေးကြခြင်း ဖြစ်သည်။
အဆိုပါ တွေ့ဆုံဆွေးနွေးပွဲတွင် တက်ရောက်လာသည့် တိုင်းရင်းသား လက်နက်ကိုင်အဖွဲ့ ခေါင်းဆောင်များက တိုင်းပြည်ငြိမ်းချမ်းရေးနှင့် နယ်မြေဒေသအားလုံးဖွံ့ဖြိုးတိုးတက်ရေးအတွက် ကောင်းမွန်သည့် ငြိမ်းချမ်းရေးဆိုင်ရာ လက်တွေ့တိုးတက်မှုတစ်ခုကို ဖော်ဆောင်နိုင်ရေး ဆွေးနွေးဆောင်ရွက်သွားမည်ဖြစ်ကြောင်း ပြောကြားခဲ့ကြသည်။
ထို့အပြင် လက်ရှိအချိန်သည် တပ်မတော်နှင့် အစိုးရအ နေဖြင့် ငြိမ်းချမ်းရေးနှင့် ဖွံ့ဖြိုးတိုးတက်ရေးအတွက် ရဲရဲဝံ့ဝံ့ဆောင်ရွက်နိုင်မည့် အချိန်အခါကောင်း ဖြစ်ကြောင်းလည်း ပြောကြားခဲ့ကြောင်း သိရသည်။
ယနေ့ ဆွေးနွေးပွဲသို့ PNLO မှ ဥက္ကဋ္ဌ ခွန်သူရိန်၊ ဒုဥက္ကဋ္ဌ ခွန်ထွန်းတင်၊ ALP မှ ဒုဥက္ကဋ္ဌ ဒေါ်စောမြရာဇာလင်း၊ ဗဟိုအလုပ်အမှုဆောင် ကော်မတီဝင် ခိုင်စိုးမြ၊ LDU မှ ဥက္ကဋ္ဌ ကျာဆော်လမွန်၊ အထွေထွေအတွင်းရေးမှူး ကျာယာကု တ်တို့ တက်ရောက်ခဲ့ပြီး ဒုတပ်ချုပ် ဒုတိယဗိုလ်ချုပ်မှူးကြီး စိုးဝင်း၊ ဗိုလ်ချုပ်ကြီး မြထွန်းဦး၊ ဒုတိယဗိုလ်ချုပ်ကြီး မိုးမြင့်ထွန်း၊ ဒုတိယဗိုလ်ချုပ်ကြီး ရာပြည့် တို့လည်း တက်ရောက်ခဲ့ကြောင်း သိရသည်။