စင်္ကာပူ၊မတ် ၃၀
စင်္ကာပူနိုင်ငံခြားရေး၀န်ကြီး ဗီဗီယန်ဘာလားခရစ်ရှနန်က ကယ်ဆယ်ေရး လုပ်ငန်းများကို လွယ်ကူစွာ လုပ်ဆောင်နိုင်ရန် မြန်မာနိုင်ငံ၌ အပစ်အခတ်ရပ်စဲရေး ကို ချက်ချင်းလုပ်ဆောင်ရန်တောင်းဆိုလိုက်ကြောင်းသိရသည်။
မြန်မာနိုင်ငံအလယ်ပိုင်း စစ်ကိုင်းမြို့၌ သောကြာနေ့က ပြင်းအား ၇ ဒသမ ၇ အဆင့်ရှိ ငလျင်ကြီးတစ်ခု လှုပ်ခတ်ခဲ့ရာ ထိုင်းနိုင်ငံကိုလည်းထိခိုက်ခဲ့ပြီးမြန်မာနိုင်ငံတွင် လူပေါင်း ၁,၇၀၀ ေ-သဆုံးခဲ့သည်ဟုလည်း နိုင်ငံတာ်စီမံအုပ်ချုပ်ရေးကောင်စီကထုတ်ပြန်ကြေငြာခဲ့သည်။
ဒေါက်တာဘာလားခရစ်ရှနန်သည် အာဆီယံနိုင်ငံခြားရေးဝန်ကြီးများ၏ အထူးအရေးပေါ်အစည်းအဝေးသို့ တနင်္ဂနွေနေ့ကတက်ရောက်ခဲ့ပြီးအဆိုပါအစည်းအဝေးကို အာဆီယံဥက္ကဋ္ဌမလေးရှားကခေါ်ယူကျင်းပခဲ့ခြင်းလည်းဖြစ်သည်။
ယခုသဘာဝဘေးကိစ္စနှင့်ပတ်သက်၍ ကယ်ဆယ်ရေးလုပ်ငန်းများကို ထိထိမိမိဆောင်ရွက်နိုင်ရန်အတွက် ကျန်လက်နက်ကိုင်တပ်ဖွဲ့များကလည်း နှစ်ပတ်ကြာအပစ်အခတ်ရပ်စဲပေးထားမည်ဟုလည်း သတင်း ထုတ်ပြန်ကြေငြာခဲ့သည်။
ဒေါက်တာဘာလားခရစ်ရှနန်က ငလျင်ကြောင့်မြန်မာနှင့်ထိုင်းနိုင်ငံတို့ရှိ အသက်အိုးအိမ်စည်းစိမ်များ ဆုံးရှုံးခဲ့ရမှုအတွက် အထူးဝမ်းနည်းကြောင်း ပြောကြားခဲ့ပြီး အာဆီယံအဖွဲ့ဝင် နိုင်ငံများနှင့်အတူ စည်းလုံးညီညွတ်စွာ ရပ်တည်လျက်ရှိပါကြောင်း လည်းပြောကြားခဲ့သည်။
Source : စီအင်န်အေ