ကနေဒါနိုင်ငံ အွန်တာရီယိုပြည်နယ်တွင် သီတင်းပတ်ကုန်ပိုင်းက တိုက်ခတ်ခဲ့သော ရေခံမုန်တိုင်းကြောင့် တနင်္ဂနွေနေ့တွင် လူဦးရေ ၃ သိန်းကျော် လျှပ်စစ်ဓါတ်အား ပြတ်တောက်မှုနှင့် ကြုံတွေ့ခဲ့ရသည်။
Environment Canada က အော်တာဝါနှင့် ကွေဘေး၊ အွန်တာရီယိုပြည်နယ် အစိတ်အပိုင်းများအတွက် ရေခဲမုန်တိုင်း သတိပေးချက်ကိုထုတ်ပြန်ခဲ့ကာ ရေခဲမိုးများ ရွာသွန်းမည်ဟု ပြောကြားခဲ့သည်။ ရေခဲသီးများရောနှောပါဝင်သည့် ရေခဲမုန်တိုင်းသည် အချို့ဒေသများတွင် တနင်္လာနေ့ မနက်ပိုင်းအထိ ဖြစ်ပေါ်နိုင်သည်ဟုလည်း ဆိုသည်။
လျှပ်စစ်ဓါတ်အားပြတ်တောက်ရခြင်း၏ အဓိကအကြောင်းအရင်းသည် ရေခဲမိုးများ ရွာသွန်း၍ သစ်ပင် အကိုင်းအခက်များ ကျိုးကျမှုကြောင့် ဖြစ်ရသည်။ အွန်တာရီယို အလယ်ပိုင်းတွင် ရေကြီးနိုင်သည့် အန္တရာယ်ရှိနေကြောင်း ကိုလည်း Hydro One က သတိပေးထားသည်။
တနင်္ဂနွေနေ့ နေ့ မွန်းလွဲပိုင်းအထိ သုံးစွဲသူပေါင်း ၃၅၀,၀၀၀ ကျော်သည် လျှပ်စစ်ဓါတ်အား ပြတ်တောက်မှုကို ကြုံတွေ့ခဲ့ရပြီး ဧပြီလ ၁ ရက်နေ့တွင် ဓါတ်အားပြန်လည်ရရှိမည်ဟု မျှော်လင့်ရသည်။
ကာလကြာရှည်ရွာသွန်းသည့် ရေခဲမုန်တိုင်းကြောင့် အွန်တာရီယိုပြည်နယ် Orilli မြို့ကို အရေးပေါ်အခြေအနေ ကြေညာခဲ့သည်။ ရေခဲမိုးကြောင့် ကားလမ်းများ အန္တရာယ်များသော အခြေအနေဖြစ်ပေါ်ခြင်း၊ သစ်ပင်များနှင့် ရေအားလျှပ်စစ်လိုင်းများ ကျိုးကျ ပြတ်တောက်ခဲ့ကာ အစိုးရနှင့် ပုဂ္ဂလိက အခြေခံအဆောက်အအုံများ သိသိသာသာ ပျက်စီးထိခိုက်မှုဖြစ်ခဲ့ကြောင်း သိရသည်။
Ref: Sharijah24