ဖနောင်ပင်၊မတ် ၃၀
ကမ္ဘောဒီးယားနိုင်ငံခြားရေးဝန်ကြီး ပရက်ဆိုးလ်ခွန်က မြန်မာနိုင်ငံအတွက် ကနဦးအရေးပေါ်အကူအညီအဖြစ် ကန်ဒေါ်လာတစ်သိန်းပေးအပ်သွားမည်ဟု တနင်္ဂနွေနေ့ကပြောကြားခဲ့သည်။
မြန်မာနိုင်ငံ၌ ငလျင်လှုပ်ခတ်မှုအပြီး ဗီဒီယိုကွန်ဖရင့်မှတစ်ဆင့်ကျင်းပသည့် အာဆီယံနိုင်ငံခြားရေးဝန်ကြီးများ အထူးအရေးပေါ်အစည်းအဝေးတွင် ဒုတိယ၀န်ကြီးချုပ်လည်းဖြစ်သည့် ဆိုးလ်ခွန်ကယခုလိုပြောကြားခဲ့ခြင်းလည်းဖြစ်သည်။
မြန်မာနိုင်ငံတွင် ငလျင်လှုပ်ခတ်မှုကြောင့် လူပေါင်း ၁,၇၀၀ ခန့် ေ-သဆုံးကာ ၃,၄၀၀ ဒဏ်ရာရခဲ့ပြီး ၃၀၀ ခန့်ပျောက်ဆုံးနေဆဲဖြစ်ကြောင်း နိုင်ငံတော်စီမံအုပ်ချုပ်ရေးကောင်စီကထုတ်ပြန်ခဲ့သည်။
ကမ္ဘောဒီးယားသည် မြန်မာငလျင်လှုပ်ခတ်မှုအပြီးတွင် မြန်မာနှင့်ထိုင်းတို့ကိုကူညီရန် အခြားအာဆီယံအဖွဲ့ဝင်နိုင်ငံများနှင့် စည်းလုံးညီညွတ်စွာရပ်တည်ခဲ့ကြောင်းလည်း၎င်းကဆက်လက်ပြောကြားခဲ့သည်။
“သူတို့ကိုကူညီဖို့ ကျွန်တော်တို့လုပ်သမျှက ကျွန်တော်တို့စည်းလုံးညီညွတ်မှုရဲ့ သက်သေဖြစ်ပြီး မြန်မာနဲ့ထိုင်းတို့ဟာ ဒီအကျပ်အတည်းကို တစ်ယောက်တည်း ရင်ဆိုင်နေရတာမဟုတ်ဘူးဆိုတဲ့သတင်းစကားပါပဲ” ဟုလည်း၎င်းကဆိုခဲ့သည်။
Source : ရှင်းဟွာ