ကမ္ဘောဒီးယားနှင့်လာအိုတို့ စာချုပ် ၇ခု ချုပ်ဆို

လာအိုဒီမိုကရက်တစ်သမ္မတနိုင်ငံ ဝန်ကြီးချုပ် ဒေါက်တာ ဆွန်ဆိုင်း ဆီပန်ဒန် အား ကမ္ဘောဒီးယားနိုင်ငံ ၀န်ကြီးချုပ် ဟွန်မာနက်က သွားရောက်တွေ့ဆုံခဲ့သည်။

ကမ္ဘောဒီးယားနိုင်ငံ ၀န်ကြီးချုပ် ဟွန်မာနက်သည် လာအိုဒီမိုကရက်တစ်သမ္မတနိုင်ငံသို့ တရားဝင်ခရီးစဉ်အဖြစ် မတ်လ ၂၅ ရက်မှ ၂၆ ရက်အထိ သွားရောက်တွေ့ဆုံဆွေးနွေးခဲ့ခြင်းဖြစ်သည်။

နှစ်နိုင်ငံတွေ့ဆုံပွဲအတွက် လက်ရှိတရားဝင် ခရီးစဉ်သည် ဘက်စုံနှင့် ရေရှည်တည်တံ့သော မဟာဗျူဟာမြောက် မိတ်ဖက်ဆက်ဆံရေးကို အခြေခံ၍ ချစ်ကြည်ရင်းနှီးမှုနှင့် ပူးပေါင်းဆောင်ရွက်မှု နှောင်ကြိုးများ ပိုမိုခိုင်မာစေရန် ရည်ရွယ်ကြောင်း လာအိုဝန်ကြီးချုပ်က ပြောကြားခဲ့သည်။

ဆွေးနွေးပွဲတွင် နိုင်ငံရေး၊ ကာကွယ်ရေး၊ လုံခြုံရေး၊ စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှု ၊ ပညာရေး၊ ခရီးသွားလုပ်ငန်း ချိတ်ဆက်မှု၊ စွမ်းအင်၊ လမ်းပန်းဆက်သွယ်ရေးနှင့် နယ်စပ်ရေးရာ စသဖြင့် နယ်ပယ်များစွာတွင် ပူးပေါင်းဆောင်ရွက်မှု အားကောင်းလာစေရန် အမြင်ချင်းဖလှယ် ဆွေးနွေးခဲ့ကြသည်။

စီးပွားရေးနှင့် ကူးသန်း ရောင်းဝယ်ရေး ကဏ္ဍများအတွက် နှစ်နိုင်ငံ ပူးပေါင်းဆောင်ရွက်ရေး ပူးတွဲကော်မတီ (၁၅) ကြိမ်မြောက် အစည်းအဝေး ကျင်းပရေး၊ JTC ကုန်သွယ်မှု ကော်မတီ ပြန်လည်စတင်ရေး၊ စီးပွားရေး ပေါင်းစည်းမှုချဲ့ထွင်ရေး၊ကမ္ဘောဒီးယား-လာအို ၏ဘဏ္ဍာရေးဝန်ဆောင်မှု၊ ကုန်းလမ်းကုန်စည်ပို့ဆောင်ရေး၊ ကမ္ဘောဒီးယား-လာအို တိုက်ရိုက်လေကြောင်း ခရီးစဉ်များ တိုးမြင့်ရေးတို့ပါဝင်သည်။

နှစ်နိုင်ငံအကြား လူကုန်ကူးခြင်းနှင့် မူးယစ်ဆေးဝါး ရောင်းဝယ် ဖောက်ကားမှု ကဲ့သို့သော နယ်စပ်ဖြတ်ကျော် ရာဇ၀တ်မှု တိုက်ဖျက်ရေး ပူးပေါင်း ဆောင်ရွက်ရေးတို့ကိုလည်း ဆွေးနွေးခဲ့ကြသည်။

နှစ်နိုင်ငံခေါင်းဆောင်များရှေ့တွင် စာချွန်လွှာ ၇ စောင်ကို လက်မှတ်ရေးထိုးခဲ့ကြရာ ပညာသင်ဆုဖလှယ်ခြင်းများ၊လာအိုမှ စွမ်းအင်ဝယ်ယူခြင်းများပါဝင်သည်။

Ref: Samdech Hun Sen of Cambodia FB