မန္တလေးငလျင်ကြီးဒဏ်သင့် မန္တလေးတိုင်း၊ နေ ပြည်တော်နှင့် စစ်ကိုင်းတိုင်းတို့မှ ငလျင်ဒဏ်သင့်သူများနှင့် ရှာဖွေကယ်ဆယ်ရေးလုပ်ငန်းဆောင်ရွက်ပေးနေသည့် လူမှုကူညီရေးအသင်းတို့ထံသို့ ကျိုက်ထီးဆောင်းဆရာတော်ကြီးမှ ပထမအကြိမ်အဖြစ် အလှူငွေများကို ပြီးခဲ့သည့် ရက်ပိုင်းအတွင်းက ပေးအပ်လှူဒါန်းခဲ့ကြောင်း သိရသည်။
ကျိုက်ထီးဆောင်းဆရာတော်ကြီးနှင့် ငါးသုံးလီတပည့် ဒကာ၊ ဒကာမများစုပေါင်း၍ မန္တလေးငလျင်ကြီးဒဏ်သင့် မန္တလေးမြို့ရှိ မစိုးရိမ်တိုက်သစ်အတွက် အလှူတော်ငွေကျပ်သိန်း(၃၀၀)၊ ငလျင်ဒဏ်သင့်သူများကုသမှုခံယူနေကြသည့် မန္တလေးပြည်သူ့ဆေးရုံကြီးနှင့် မန္တလေးအရိုးအထူးကုဆေးရုံကြီးရှိ လူနာ(၄၀၀)ဦးအတွက် အလှူငွေကျပ်သိန်း(၄၀၀)၊ မန္တလေးပြည်သူ့ဆေးရုံကြီးသို့ အလှူတော်ငွေကျပ်သိန်း(၁၀၀)တို့ကို လှူဒါန်းခဲ့ကြောင်း သိရသည်။
ထို့ပြင် နေပြည်တော်ကုတင်(၁၀၀၀)ဆေးရုံသို့ အလှူတော်ငွေကျပ်သိန်း(၁၅၀)၊ ကျန်းမာရေးဝန်ကြီးဌာနသို့ အလှူတော်ငွေကျပ်သိန်း(၃၀၀)၊ စစ်ကိုင်းပြည်သူ့ဆေးရုံကြီးတွင် ဆေးကုသမှုခံယူနေကြသည့် ငလျင်ဒဏ်သင့်လူနာ(၁၀၀)ဦးအတွက် အလှူတော်ငွေကျပ်(၁၀၀)သိန်း၊ စစ်ကိုင်းပြည်သူ့ဆေးရုံကြီးသို့ အလှူတော်ငွေကျပ်သိန်း(၁၀၀)တို့ကိုလည်း လှူဒါန်းပေးခဲ့ကြောင်း သိရသည်။
ထို့အတူ ကျိုက်ထီးဆောင်းဆရာတော်ကြီးမှ ငလျင်ဒဏ်သင့်ဒေသများတွင် ရှာဖွေကယ်ဆယ်ရေးလုပ် ငန်းများဆောင်ရွက်လျက်ရှိသည့် ဘိုဘိုဝင်း(မော်လမြိုင်)ဦးဆောင်သည့်အဖွဲ့၊ မွန်(၂)ဖွဲ့၊ ကရင်(၂)ဖွဲ့ တို့အား ငွေကျပ်(၇၅)သိန်းနှင့် ငွေကျပ်သိန်း(၄၀) တန်ဖိုးရှိ လုပ်ငန်းသုံးဆက်စပ်ပစ္စည်းများကိုလည်း လှူဒါန်းပေးခဲ့ကြောင်း သိရသည်။