ဂျပန်တွင် ရောဂါကူးစက်မှုအသစ်များ တိုးနေသော်လည်း ကိုဗစ်-၁၉ ကန့်သက်ချက်များ ဖြေလျှော့ပေးလာ

ဂျပန်တွင် ရောဂါကူးစက်မှုအသစ်များ တိုးနေသော်လည်း ကိုဗစ်-၁၉ ကန့်သက်ချက်များ ဖြေလျှော့ပေးလာ

ဂျပန်နိုင်ငံတွင် ကိုဗစ်-၁၉ ကပ်ရောဂါ ကူးစက်မှု မြင့်တက်နေသော်လည်း ရောဂါကူးစက်‌ နေသူများနှင့် အနီးကပ်ထိတွေ့ဆက်ဆံမှုများနှင့် ပတ်သက်၍ ကန့်သတ်ချက်များ ဖြေလျှော့မည့် အစီအစဉ်များကို ဂျပန်အာဏာပိုင်က ဇူလိုင်လ ၂၂ ရက် သောကြာနေ့တွင် ကြေငြာခဲ့သည်။

စည်းမျဉ်းအသစ်အရ ရောဂါကူးစက် နေသူနှင့် အနီးကပ်ထိတွေ့မိသူများသည် ထိတွေ့ပြီးနောက် ဒုတိယနေ့နှင့် တတိယနေ့တွင် ရောဂါစမ်းသပ်ရာ၌ ရောဂါလက္ခဏာမပြပါက ကွာရန်တင်း ဝင်ရန် မလိုအပ်တော့ပေ။ ယခင်သတ်မှတ်ချက်အရ လက္ခဏာတွေ့ရှိပါက ငါးရက်ကြာ ကွာရန်တင်း ဝင်ရမည် ဖြစ်သည်။

ထို့အပြင် ရောဂါကူးစက်ခံရသူနှင့် ထိတွေ့မိသော်လည်း ရောဂါရှိမရှိ မစမ်းသပ်ရသေးသူများအတွက် မိမိကိုယ်ကို သီးသန့်ခွဲနေရမည့်ကာလကိုလည်း ခုနှစ်ရက်မှ ငါးရက်သို့ လျှော့ချပေးခဲ့သည်။

ဂျပန်နိုင်ငံသည် သောကြာနေ့၌ ကိုဗစ်-၁၉ ရောဂါကူးစက်ခံသူပေါင်း ၁ သိန်း ၉ သောင်းကျော် ဝန်းကျင်အထိ စံချိန်တင်မြင့်တက်လာကြောင်း ထုတ်ပြန်ခဲ့သည်။ သို့ရာတွင် သွားလာရေးဆိုင်ရာ ကန့်သက်ချက်များကို တင်းကျပ်ရမည့်အစား အစိုးရက ဝန်းထမ်းအင်အား မလုံလောက်ခြင်းမှ ဖြစ်ပေါ်လာမည့် စီးပွားရေး အကျိုးသက်ရောက်မှုအပေါ် ကာကွယ်ရန် ကန့်သတ်ချက်များကို လျှောချပေးခဲ့သည်။

ဂျပန်ဝန်ကြီးချုပ် ဖူမီယို ကီရှီဒါက “ကျွန်တော်တို့ ဒီအချိန်မှာ သွားလာလှုပ်ရှားမှုတွေနဲ့ ပတ်သက်တဲ့ ကန့်သတ်ချက်အသစ်တွေကို ချမှတ်သွားဖို့ မစဉ်းစားသေးဘူး” ဟု ခါရူအီးဇာဝါ ရှိ ခဲဒန်းရန်း စီးပွားရေးခန်းမ၏ နွေရာသီဖိုရမ်တွင် သောကြာနေ့၌ ပြောကြားခဲ့သည်။

Source: NikkeiAsia

Telegram တွင်ဖတ်ရန် >>
https://t.me/popularjournal