တိုကျို၊ မေ ၃၀
ရုရှားအာဏာပိုင် တို့သည် ဂျပန်ငါးဖမ်းသင်္ဘော တစ်စီးကိုဖမ်းဆီးခဲ့ပြီး ရုရှားနိုင်ငံ အရှေ့ဖျား ဆာခါလင်ပြည်နယ်ရှိ ဆိပ်ကမ်း တစ်ခုသို့ ခေါ်ဆောင် သွားခဲ့ကြောင်း သိရသည်။
အဆိုပါ ဂျပန်ငါးဖမ်းသင်္ဘောသည် ရုရှားတို့၏ သီးသန့် စီးပွားရေးဇုန် နယ်နိမိတ် အတွင်းဝယ် ငါးဖမ်းမှုများ လုပ်ဆောင်နေသဖြင့် ဖမ်းဆီးရခြင်းဖြစ်ကြောင်း ရုရှားဖက်မှ သောကြာနေ့က သတင်းထုတ်ပြန်ခဲ့သည်။
အဆိုပါ သင်္ဘောအား သတိပေး ပစ်ခတ်မှုများပြုလုပ်ခဲ့ပြီးနောက် သင်္ဘော ကိုဖမ်းဆီး၍ တက်ရောက် စစ်ဆေးရာတွင် ထူးခြားသော ဂဏန်းများကို သင်္ဘောပေါ်တွင် တွေ့ရသည်ဆို၏။
သင်္ဘောကို ဆာခါလင်ပြည်နယ် တောင်ပိုင်းရှိ ကော်ဆာကော့ဗ်ဆိပ်ကမ်းတွင် ထိန်းသိမ်း ထားကြောင်း ရုရှားတို့ကဆိုသည်။
ဂျပန်ငါးဖမ်း သင်္ဘောမှာ ဂျပန်နိုင်ငံ မြောက်ဖျား ဟော့ကိုင်းဒိုးခရိုင် ဝါကာနာအီ မြို့ရှိ သမဝါယမ အသင်းတစ်ခုက ပိုင်ဆိုင်သော အီဟိုမာရူး အမည်ရှိ သင်္ဘောဖြစ်သည်။
သင်္ဘောပေါ်တွင် သင်္ဘောသား ၁၄ ဦးပါဝင်ကြသည်။
သင်္ဘောကိုပိုင်ဆိုင်သော သမဝါယမအသင်းကမူ သတ်မှတ်ထားသည့် ဥပဒေများကို ချိုးဖောက်ခြင်း မရှိကြောင်း ချက်ခြင်းပြန်လွှတ်ပေးရန် တောင်းဆိုမှုပြုခဲ့သည်။
သင်္ဘောသည် ဆိုယာ အငူ အရှေ့ဖက် ကီလိုမီတာ ၈၀ အကွာအဝေးရှိ ဂျပန်တို့၏ သီးသန်းစီးပွားရေးဇုန် နယ်နိမိတ်ထဲတွင် ငါးဖမ်းနေခြင်းဖြစ်ကြောင်း သမဝါယမအသင်းက ဆိုထားသည်။
Ref: Russia seizes Japanese fishing boat