ဂျယ်ရှန်ကာနှင့်ကုလသမဂ္ဂအထူးကိုယ်စားလှယ်ဂျူလီဘစ်ရှော့တို့တွေ့ဆုံ

မတ် ၂၆

အိန္ဒိယပြည်ပရေးရာဝန်ကြီး ဂျယ်ရှန်ကာ သည် အင်္ဂါနေ့တွင် ဒေလီမြို့၌ မြန်မာနိုင်ငံဆိုင်ရာ ကုလသမဂ္ဂအတွင်းရေးမှူးချုပ်၏ အထူးသံတမန် ဂျူလီ ဘစ်ရှော့ နှင့်တွေ့ဆုံခဲ့ပြီး နယ်စပ်တည်ငြိမ်ရေး၊ ဒုက္ခသည်အခြေအနေ၊ နိုင်ငံဖြတ်ကျော် ရာဇ၀တ်မှုများနှင့် စီးပွားရေးဆိုင်ရာ အထောက်အပံ့များ ပေးအပ်နိုင်ရေးတို့ကို ဆွေးနွေးခဲ့ကြသည်။

တွေ့ဆုံစဉ်အတွင်း ဂျယ်ရှန်ကာနှင့်ဂျူလီဘစ်ရှော့တို့သည် နိုင်ငံရေး အခြေအနေများကို အမြင်ချင်းဖလှယ် ဆွေးနွေးခဲ့ကြသည်။

ဂျယ်ရှန်ကာ က “မြန်မာနိုင်ငံဆိုင်ရာ ကုလသမဂ္ဂ အထူးသံတမန် ဂျူလီ ဘစ်ရှော့ နဲ့ ယနေ့ညနေပိုင်းမှာ ဒေလီမှာ တွေ့ဆုံရတာ ဝမ်းမြောက်မိပါတယ်။ နယ်စပ်တည်ငြိမ်ရေး၊ ဒုက္ခသည် အခြေအနေ၊ မြန်မာနိုင်ငံက နိုင်ငံတကာနယ်စပ် ဖြတ်ကျော် ရာဇ၀တ်မှုတွေနဲ့ စီးပွားရေး အထောက်အပံ့တွေ ပေးအပ်ဖို့ ဆွေးနွေးခဲ့ပါတယ်။ နိုင်ငံရေး အခြေအနေတွေကိုလည်း အမြင်ချင်းဖလှယ် ဆွေးနွေးခဲ့ကြပါတယ်” ဟု X တွင်ရေးသားထားခဲ့ပါသည်။

ပြီးခဲ့သည့်နှစ်ဧပြီလတွင်ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ်က သြစတြေးလျနိုင်ငံသား ဂျူလီ ဘစ်ရှော့ကို ၎င်း၏ မြန်မာနိုင်ငံဆိုင်ရာ အထူးသံတမန်အဖြစ် ခန့်အပ်ကြောင်း ကြေညာခဲ့သည်။

ယခုနှစ်ဖေဖော်ဝါရီလတွင် အိန္ဒိယနှင့် မြန်မာတို့သည် ဆေးဝါး၊ ပဲမျိုးစုံ၊ ရေနံထွက်ပစ္စည်း များနှင့် မကြာသေးမီက စတင်ထုတ်လုပ်ခဲ့သော ရူပီ-ကျပ် ကုန်သွယ်မှု ဖြေရှင်းရေး သွယ်ဝိုက်ငွေပေးချေမှုစနစ် ကိုတိုးမြှင့် အသုံးပြုခြင်းတို့ဖြင့် နှစ်နိုင်ငံ အကျိုးစီးပွားကို မြှင့်တင်နိုင်သော အခွင့်အလမ်းများကို အသုံးပြုနိုင်ရေး ကို ဆွေးနွေးခဲ့ကြသည်။

အဆိုပါ ဆွေးနွေးပွဲသို့ အိန္ဒိယနိုင်ငံ၏ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စု ဝန်ကြီး ဂျီတင် ပရာစာဒါ နှင့် မြန်မာနိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ ဝန်ကြီး ဦးမင်းမင်း တို့ တက်ရောက်ခဲ့ပါသည်။ ထိုအစည်းအဝေးတွင် နှစ်နိုင်ငံ ကုန်သွယ်မှု ကို မြှင့်တင်ရန် အလားအလာများကို အလေးပေး ပြောကြားခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ သတင်းထုတ်ပြန်ချက်အရ သိရသည်။

တွေ့ဆုံစဉ် အိန္ဒိယနှင့် မြန်မာ ခေါင်းဆောင်များသည် နှစ်နိုင်ငံ ကုန်သွယ်မှု မြှင့်တင်ရေးအတွက် ပူးပေါင်းဆောင်ရွက်နိုင်မည့် အလားအလာများ၊ နယ်ပယ်များကို ဆွေးနွေးခဲ့ကြပြီး နယ်စပ်ကုန်သွယ်ရေး လမ်းကြောင်းများမှတစ်ဆင့် နယ်စပ်ကုန်သွယ်မှု ပြန်လည်စတင်ရန်၊ နယ်စပ်ကုန်သွယ်မှု၏အရေးပါမှုသည် အရေးကြီးကြောင်း အသိအမှတ်ပြုကာ ယင်းကိစ္စရပ်ကို အကောင်အထည်ဖော်ရန် သဘောတူညီခဲ့ကြသည်။

Ref: အိန္ဒိယနာရေးတစ်