မန္တလေးမြို့တွင် ယနေ့ ဧပြီ ၁၃ ရက်နေ့လည်ပိုင်းက ငလျင်လှုပ်ခတ်နေချိန်မဟုတ်ဘဲ ဆေးရုံသုံးပစ္စည်းအရောင်းဆိုင်၏မြေညီထပ် မြေကြီးထဲကျွံကျသွားခဲ့မှုဖြစ်ပွားခဲ့ကြောင်း နန်းတော်ရှေ့လူမှုကယ်ဆယ်ရေးအသင်းထံမှ သိရသည်။
မန္တလေး ငလျင်ကြီး ပြီးနောက် ငလျင်ငယ်များစွာ လှူပ်နေသည်မှာ ယနေ့ ဆိုလျှင် ၁၆ ရက်ပင်ရှိလာနေပြီဖြစ်သည်။
မန္တလေးမြို့၊ ၂၆ လမ်း၊ ၇၆ လမ်းနှင့် ၇၇ လမ်းကြားရှိ ရီရှင်း ဆေးရုံသုံးပစ္စည်းအရောင်းဆိုင်၏မြေညီထပ်မှာ နေ့လည် ၁ နာရီ ၁၅ မိနစ်ခန့်က ငလျင်လှုပ်ခတ်နေချိန်မဟုတ်ဘဲ မြေကြီးထဲသို့ကျွံကျသွားခဲ့ကြောင်း သိရသည်။
” အဲဒီ ဆေးရုံသုံးပစ္စည်းအရောင်းဆိုင်ကပိတ်ထားတာပါ။ လူနေထိုင်တာမရှိပါဘူး။ နောက်ပြီး ပစ္စည်းတွေကိုရွှေ့နေကြတာသိပ်မကျန်တော့ဘူး။ ၄ ထပ်အဆောက်အဦးပါ။ အခုမြေကြီးထဲကျွံကျသွားတာက မြေညီထပ်ပါ”ဟု နန်းတော်ရှေ့လူမှုကယ်ဆယ်ရအသင်းမှတာဝန်ရှိသူတစ်ဦးဖြစ်သည့် ကိုသိန်းထွန်းအောင်က ပြောသည်။
ဖြစ်စဥ်ကြောင့် လူထိခိုက်ဒဏ်ရာရရှိမှုမရှိခဲ့ကြောင်း နန်းတော်ရှေ့လူမှုကယ်ဆယ်ရေးအသင်းထံမှ သိရသည်။
သို့သော်လည်း ငလျင်ထိ အဆောက်အအုံများ၊ မြေပျော့ သည့်နေရာများ ကို သတိထားကြဖို့နိုးဆော်လျှက်ရှိကြသည်။