မတ် (၂၈) ရက် ငလျင်လှုပ်မှုကြောင့် ပျက်စီးသွားသော နေပြည်တော် အပြည်ပြည်ဆိုင်ရာ လေဆိပ်နှင့် မန္တလေး အပြည်ပြည်ဆိုင်ရာ လေဆိပ်တို့သည် မကြာမီ ပြည်တွင်း ခရီးသွား ဝန်ဆောင်မှုများ ပြန်လည်စတင်နိုင်တေ့မည်ဖြစ်ကြောင်း သိရသည်။
ငလျင်လှုပ်ခတ်ပြီးနောက် လေဆိပ်နှစ်ခုအား အသုံးပြုမှုများကို ခေတ္တရပ်နားထားရပြီး နေပြည်တော် လေဆိပ်ကိုအရေးပေါ် ကယ်ဆယ်ရေးလေယာဥ်အချို့သာ စွန့်စွန့်စားစား ဆင်းသက်ခဲ့ခြင်း ရှိသည်။
လေကြောင်း ပို့ဆောင်ရေး ညွှန်ကြားမှု ဦးစီးဌာနမှ မန္တလေး အပြည်ပြည်ဆိုင်ရာ လေဆိပ်ကို ဧပြီလ (၄) ရက်နေ့ ဒေသစံတော်ချိန် နံနက် (၆) နာရီတွင် ပြန်လည်ဖွင့်လှစ်မည်ဖြစ်ပြီး နေပြည်တော် အပြည်ပြည်ဆိုင်ရာ လေဆိပ်ကို ဧပြီလ (၅) ရက်နေ့ ဒေသစံတော်ချိန် နံနက် (၆) နာရီတွင် ပြန်လည် လည်ပတ်မည် ဖြစ်ကြောင်း ထုတ်ပြန်ထားသည်။
လေယာဥ်လက်မှတ် ပြန်အမ်းငွေ တောင်းနေကြသူများလည်း ရှိသကဲ့သို့ လေယာဥ်ဆွဲပါက သွားကြမည့်သူလည်း များနေကြောင်း လက်မှတ်အရောင်း ကုမ္မဏီတခုကပြောကြားသည်။