မတ်လ (၂၈) ရက် နေ့လယ်ပိုင်းက လှုပ်ခတ်ခဲ့သည့် အင်းအားပြင်းငလျင်ကြောင့် ထိခိုက်ပျက်စီးမှုမြင့်မားခဲ့သည့် ကယ်ဆယ်ရေးအင်အားနည်းနေပြီး အပျက်အစီးများအောက် ပိတ်မိနေသူအားလုံးကို ကယ်ဆယ်ထုတ်နိုင်ခြင်းမရှိသေးဘဲ အချို့ကိုသာ ကယ်ထုတ်နိုင်သေးကြောင်း သိရသည်။
လက်ရှိတွင် တိုင်းမီးသတ်တပ်ဖွဲ့မှတာဝန်ရှိသူများ ဦးစီးသည့် ကယ်ဆယ်ရေးအဖွဲ့များနှင့် အရပ်ဘက် လူမှုကူညီရေး အဖွဲ့အစည်းအချို့ အဆိုပါနေရာတွင် ကယ်ဆယ်ရေးလုပ်ငန်းများ ဆောင်ရွက်နေသော်လည်း အပျက်အစီးအင်အားနှင့် လူအင်အား မမျှတသည့်အခြေအနေကို တွေ့ရသည်။
” အသက်ရှင်လျက်နဲ့ (၄၈) ဦးကယ်ထုတ်နိုင်ခဲ့ပြီး ေ-သဆုံး (၁၀) ဦး ထုတ်ပြီးပါပြီ။ အောက်မှာ ဆက်ပြီးတော့ ကယ်ထုတ်စရာတွေ ရှိနေပါသေးတယ်။ တရုတ်က အဖွဲ့တွေလာရင် ကျွန်တော်တို့ ပူးပေါင်းပြီးဆောင်ရွက်သွားဖို့ ပြင်နေပါတယ်” ဟု မန္တလေးတိုင်းဒေသကြီး မီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။
အဆိုပါ အထပ်မြင့်ကွန်ဒိုပြိုကျမှုတွင် ကိုယ်တိုင်ပါဝင်ခဲ့ပြီး အသက်ဘေးမှ လွတ်မြောက်ခဲ့သူအချို့၏ ပြောပြချက်နှင့် ပေါ်ပြူလာနယူးစ်မှ သတင်းထောက်၏ မျက်မြင်တွေ့ရှိရမှုအခြေအနေအရ အပျက်အစီးများအောက်တွင် ပိတ်မိနေသူများနှင့် အုပ်ပုံများအကြားပိမိကာ ေ-သဆုံးနေသူများရှိနေပြီး အရေအတွက် ဆယ်နှင့်ချီကာ ရှိနေနိုင်သည့် အခြေအနေဖြစ်သည်။
အထပ် (၁၁) ထပ်ရှိသည့် အဆိုပါ Sky Village ကွန်ဒိုမှာ ပြီးခဲ့သည့် မတ်လ (၂၈) ရက် နေ့လယ်ပိုင်းက လှုပ်ခတ်ခဲ့သည့် ပြင်းအား ၇.၇ ရစ်ခ်ျတာစကေးအဆင့်ရှိ အင်အားအလွန်ပြင်းထန်သည့် ငလျင်ကြောင့် ကွန်ဒိုတစ်ခုလုံးနီးပါး ပြိုကျပျက်စီးသွားခဲ့ခြင်းဖြစ်ပြီး လူအမြောက်အများ ေ-သကြေပျက်စီးကာ အိုးမဲ့အိမ်မဲ့ဖြစ်ခဲ့ရသည့် အခြေအနေဖြစ်သည်။
ဓာတ်ပုံ – ပေါ်ပြူလာ