ငလျင်ကြောင့် မူလလက်လုပ်လက်စားနှင့် ဝန်ထမ်းများအား ပုံမှန်ဝင်ငွေရရှိနိုင်မည့် အသေးစားလုပ်ငန်းငယ်များဖြင့် ထော က် ပံ့ပိုးကူညီမည်

ငလျင်ကြောင့် မူလလက်လုပ်လက်စားနှင့် ဝန်ထမ်းများအား ပုံမှန်ဝင်ငွေရရှိနိုင်မည့် အသေးစားလုပ်ငန်းငယ်များဖြင့် ထောက်ပံ့ကူညီသွားမည်ဖြစ်ကြောင်း မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးက ယနေ့တွင် အသိပေးထားသည်။

ယင်းသည် မိသားစုဆိုင်ရာထူထောင်မှုလုပ်ငန်းများကို ရေရှ ည်ဆောင်ရွက်ခြင်းဖြစ်ပြီး ထိခိုက်ဒါဏ်ရာရသူများနှင့် အ ခြားကျန်းမာရေးအခြေအနေပေါ်မူ တည်၍ လူပုဂ္ဂိုလ်ရေးဆိုင်ရာ ထူထောင်မှုများပြုလုပ်ပေးသွားမည်ဖြစ်ကြောင်း ဆိုသည်။

မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးအနေ ဖြင့် ရေတိုကူညီထောက်ပံ့ရေးလုပ်ငန်းများကို ငလျင်လှုပ်ခတ်ပြီး နောက်တစ်ရက်မှစ၍ ယနေ့အချိန်အထိ ကူညီဆော င်ရွက်ပေးလျက်ရှိ ကြောင်း သိရသည်။

ထို့သို့ ကူညီဆောင်ရွက်ပေးရာ၌ ကွယ်လွန်သူတစ်ဦးလျှင် ကျပ်(၅)သိန်းပေး အပ်ခြင်းအပါအဝင် ထိခိုက်ဒါဏ်ရာပြင်း ထန်သူများကို ကျပ်(၃)သိန်းစီထောက်ပံ့ပြီး၊ ရေရှည်ကုသရမည့်လူနာများကိုဆေးရုံဆေးခန်းများနှင့်ချိတ်ဆက်၍ ကုသစရိတ်များကျခံပေးအပ်သွားမည်ဖြစ် ကြောင်း သိရသည်။

ထို့အပြင် စားသောက်ရေးလိုအပ်သည့်နေရာများကိုလည်း စားသောက်စရိတ်လများလှူဒါန်းခဲ့ပြီး၊ အပျက်အစီးများရှင်း လင်းရေးလုပ်ငန်းများနှင့်တည်ဆောက်ရေးလုပ်ငန်းများအတွက် ရှေ့‌ပြေးအချက်အလက်ရှာဖွေခြင်းနှင့် မြေပြင်ရှိရှင်းလင်းရေးများဆောင်ရွက်နေသည့် အစုအဖွဲ့များနှင့်ပူပေါင်းဆောင်ရွက်လျက်ရှိသည်ဟု အသိပေးထားသည်။

ထို့ကြောင့် ရေတိုရေရှည်ထောက်ပံ့ရေးနှင့် ရေတို-ရေရှည်ကုသရေး ပြန်လည်ထူ ထောင်ရေးလုပ်ငန်းများကို ထိထိရောက်ရောက် ပြည့်ပြည့်ဝဝဆောက်ရွက်နိုင်ရေးအတွက် အလှူငွေများ နည်းများမဆိုပါဝင်ကြရန် မြန်မာနိုင်ငံလုံးဆို င်ရာ အစ္စလာမ်ဘာသာရေးအဖွဲ့ကြီးက တိုက်တွန်းနှိုး‌ဆော်ထားသည်။