ပြီးခဲ့သည့် မတ် ၂၈ ရက်ကလှုပ်ခတ်ခဲ့သည့် အင်အားအလွန်ပြင်းထန်သောငလျင်ဒဏ်ကြောင့် နေပြည်တော်ရှိ လွှတ်တော်အဆောက်အဦးများလည်း ပျက်စီးမှုများဖြစ်ပေါ်ခဲ့ရကြောင်း သိရသည်။
ထိုသို့ ပျက်စီးမှုများဖြစ်ပေါ်ခဲ့သည့် လွှတ်တော်အဆောက်အဦးများအား နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ယနေ့ ဧပြီ ၁ ရက်နံနက်ပိုင်းက ကြည့်ရှုစစ်ဆေးခဲ့သည်။
ပျက်စီးမှုများအားကြည့်ရှုစစ်ဆေးပြီးနောက် နစက ဥက္ကဋ္ဌမှ ထိခိုက်ပျက်စီးမှုများဖြစ်ပေါ်ခဲ့သည့် လွှတ်တော်အဆောက်အဦးများအား စနစ်တကျပြန်လည်ပြုပြင်တည်ဆောက်ရမည်ဖြစ်ကာ ပြုပြင်မှုများဆောင်ရွက်ရာတွင် အဆင့်အလိုက်စနစ်တကျဆောင်ရွက်ရမည်ဟု မှာကြားသည်။
ထို့ပြင် ရေရှည်တည်တံ့စေရေးနှင့် ခိုင်ခိုင်မာမာဖြစ်စေရေးတို့အတွက်လည်း ဆောင်ရွက်ရမည်ဖြစ်ကာ ထိခိုက်ပျက်စီးခဲ့မှုများနှင့် ပြန်လည်ပြုပြင်တည် ဆောက်မှုအခြေအနေများကို စနစ်တကျဖြင့် မှတ်တမ်းထားရှိရမည်ဟုလည်း မှာကြားခဲ့သည်။
နစက ဥက္ကဋ္ဌမှ ငလျင်ဒဏ်ကြောင့်ပျက်စီးခဲ့သည့် ပြည်သူ့လွှတ်တော်အဆောက်အဦး၊ ပြည်ထောင်စုလွှတ်တော်အဆောက်အဦး၊ အမှတ်(၁)ဂိတ်အဝင်တံတားနှင့် မုခ်ဦး၊ အမျိုးသားလွှတ်တော်အဆောက်အဦးတို့ကို ကြည့်ရှုစစ်ဆေးခဲ့သည်။