အလွန်ပြင်းထန်စွာလှုပ်ခတ်ခဲ့သည့် ငလျင်ဒဏ်ကြောင့် စစ်ကိုင်းတိုင်း၊ စစ်ကိုင်းတိုင်းရှိ ဘုန်းတော်ကြီးကျောင်းနှင့် သီလရှင်ကျောင်းပေါင်း(၂)ထောင်ကျော်အလုံးစုံပျက်စီးဆုံးရှုံးခဲ့ကြောင်း အပြည်ပြည်ဆိုင်ရာဗုဒ္ဓဘာသာပညာရေးစင်တာ(IBEC)ထံမှ သိရသည်။
” စစ်ကိုင်းတောင်ရိုး၊ မင်းဝံတောင်ရိုးပေါ်က ဘုန်း ကြီးကျောင်း၊ သီလရှင်ခကျောင်းပေါင်း(၂၀၀၀) ကျော်လုံးဝပျက်စီးခဲ့ရတဲ့အတွက် မြတ်ဗုဒ္ဓသာသနာတော်အတွက် ကြီးမားသောပျက်စီးဆုံးရှုံးမှုကြီးဖြစ်ခဲ့ရပါတယ်။ အခုလို ပျက်စီးဆုံးရှုံးမှုတွေအတွက်လည်း အရေးပေါ်ကူညီကယ်ဆယ်ရေးနဲ့ပြန်လည် ထူထောင်ရေးလုပ်ငန်းစဥ်တွေကို IBEC ကူညီကယ်ဆယ်ရေးစင်တာက အင်တိုက်အားတိုက်ဆောင်ရွက်နေပါတယ်”ဟု IBEC ဆရာတော်က မိန့်ကြားထား သည်။
ထို့ပြင် စစ်ကိုင်းတိုင်းအတွင်း၌ ပြိုကျနေသည့်အ ဆောက်အဦးများအတွင်း ပိမိေ-သဆုံးနေသူများနှင့် ပျောက်ဆုံးနေသူများအား ရှာဖွေကယ်ဆယ်ကူညီမှုများပြုလုပ်ရန်ရောက်ရှိနေသည့် မလေးရှားနိုင်ငံမှကယ်ဆယ်ရေးအဖွဲ့ဝင်များအား IBEC ဆရာတော် ၏ လမ်းညွှန်မှုဖြင့် IBEC မှ ဆရာ၊ ဆရာမများက စကားပြန်အဖြစ်တာဝန်ယူကာ ပူးပေါင်းဆောင်ရွက်ပေးလျက်ရှိကြောင်း သိရသည်။
ထို့အတူ ငလျင်ဒဏ်ကြောင့် ၈၂ ရာခိုင်နှုန်းကျော်ပျက်စီးဆုံးရှုံးခဲ့မှုကြောင့် အကူအညီလိုအပ်နေသည့် ရဟန်း/ရှင်/လူပေါင်း(၁၂၀၀၀၀)ကျော်အတွက် ကူညီမှုများပြုလုပ်ပေးနိုင်ရန် IBEC ဆရာတော်ဦးဆောင်မှုဖြင့် IBEC ကူညီကယ်ဆယ်ရေးနှင့်ပြန်လလည်ထူထောင်ရေးစင်တာဖွင့်လှစ်၍ ကယ်ဆယ်ရေးနှင့်ပြန်လည်ထူထောင်ရေးလုပ်ငန်းများကို အ ရေးပေါ် ဆောင်ရွက်လျက်ရှိကြောင်း သိရသည်။
ထို့အတူ ကူညီထောက်ပံ့မှုများ များစွာလိုအပ်လျက်ရှိ၍ IBEC ဆရာတော်မှ နိုင်ငံတကာအကူအညီများနှင့် ချိတ်ဆက်ဆက်သွယ်ဆောင်ရွက်လျက်ရှိပြီး လိုအပ်သည့်အကူအညီများထောက်ပံ့ပေးနိုင်ရန် ဆောင်ရွက်တော်မူလျက်ရှိကြောင်း သိရသည်။