ငလျင်ဒဏ်ကြောင့် ထိခိုက်ဒဏ်ရာရရှိခဲ့သည့် ပြည်သူများ၊ နိုင်ငံ့ဝန်ထမ်းများနှင့် တပ်မတော်သားများအား နစက ဥက္ကဌ အားပေး

ငလျင်ဒဏ်ကြောင့် ထိခိုက်ဒဏ်ရာရရှိခဲ့သည့် ပြည်သူများ၊ နိုင်ငံ့ဝန်ထမ်းများ၊တပ်မတော်သားနှင့် မိသားစုဝင်များ နေပြည်တော်ရှိ တပ်မတော်ဆေးရုံကြီး၌ ဆေးဝါးကုသမှုခံယူနေသည့်အပေါ် နစက ဥက္ကဌ ဗိုလ်ချုပ်မှူးကြီးမင်းအောင်လှိုင်က ယနေ့တွင် လိုက်လံကြည့်ရှု့ကာအားပေးစကား သွားရောက် ပြောကြားခဲ့သည်။

ထိုသို့ သွားရောက်ခဲ့ရာတွင် တစ်ဦးချင်း လိုက်လံတွေ့ဆုံ၍ ထိခိုက်ဒဏ်ရာရရှိခဲ့သည့် အခြေအနေများနှင့် ကျန်းမာရေးတိုးတက် ကောင်းမွန်မှု အခြေအနေများကို နွေးထွေးစွာ မေးမြန်း အားပေးစကား ပြောကြားပြီး ထောက်ပံ့ငွေများလည်း ပေးအပ်ခဲ့သည်။

ထို့အပြင် ဆေးဝန်ထမ်းတပ်ဖွဲ့ညွှန်ကြားရေးမှူးနှင့် တာဝန်ရှိသူများအား ဆေးရုံတက်ရောက် ကုသမှုခံယူနေရသူများ၏ ကျန်းမာရေးအခြေအနေများအား မပြတ်စောင့်ကြည့်၍ လိုအပ်သည့်ကုသမှုများဆောင်ရွက်ပေးသွားရန်၊ နေရေး၊ စားရေးနှင့် အုပ်ချုပ်မှုကိစ္စရပ်များ အဆင်ပြေစေရေး ဆောင်ရွက်ပေးသွားရန် မှာကြားခဲ့သည်။

နေပြည်တော်၊ တပ်မတော်ဆေးရုံကြီး၌ ငလျင်ဒဏ်ကြောင့် ပြည်သူများ၊ နိုင်ငံ့ဝန်ထမ်းများ၊ တပ်မတော်သားများနှင့် မိသားစုဝင် စုစုပေါင်း (၆၀၀) ဦးခန့်အား လိုအပ်သည့် ဆေးဝါးကုသမှုများ ဆောင် ရွက်ပေးနိုင်ခဲ့ပြီး ၊ ယင်းအနက် ခွဲစိတ်ကုသမှုခံယူရန်လိုအပ်သူ (၃၀) ဦးရှိကာ (၄၂) ဦးအား လိုအပ်သည့် ကျန်းမာရေးစောင့်ရှောက်မှုများ ဆောင်ရွက်ပေးလျက်ရှိကြောင်း သိရသည်။