ငလျင်ဘေးဒဏ်အားပြင်းထန်စွာခံစားနေရသည့် မြန်မာနိုင်ငံအတွက် တရုတ်အစိုးရမှ အရေးပေါ်လူသားချင်းစာနာမှုအကူအညီအဖြစ် ယွမ်သန်း (၁၀၀)ပံ့ပိုးကူညီရန်ဆုံးဖြတ်ခဲ့သည်ဟု မြန်မာနိုင်ငံဆိုင်ရာ တရုတ်သံရုံး၏ထုတ်ပြန်ချက်အရ သိရသည်။
ထို့ပြင် ငလျင်လှုပ်ပြီးချိန်၌ပျက်စီးဆုံးရှုံးမှုများအား ကူညီကယ်ဆယ်မှုနှင့် ပြန်လည်ထူထောင်မှုများပြု လုပ်နိုင်ရန် တရုတ်အစိုးရမှ ပထမဆုံးကယ်ဆယ်ရေးအဖွဲ့အား မတ် ၂၉ ရက်ကစေလွှတ်ခဲ့ပြီး ယင်း ကယ်ဆယ်ရေးအဖွဲ့ဝင်များသည် လက်ရှိအချိန်၌ မြန်မာနိုင်ငံမှကယ်ဆယ်ရေးအဖွဲ့ဝင်များနှင့်ပူးပေါင်း ၍ ရှာဖွေကယ်ဆယ်မှုများပြုလုပ်လျက်ရှိသည်။
တရုတ်အစိုးရ၏ ပထမဆုံးကယ်ဆယ်ရေးအဖွဲ့၌ တဲများ၊ စောင်များ၊ အရေးပေါ်ဆေးဘက်ဆိုင်ရာအ ထုပ်များ၊ အစားအစာနှင့် သောက်သုံးရေစင်များစသည့် ဘေးဒဏ်သင့်ဒေသများတွင် အရေးတကြီးလိုအပ်နေသောထောက်ပံ့ပစ္စည်းများပါဝင်သည်။
ထို့ပြင် တရုတ်အစိုးရသည် ၎င်းတို့၏ ပထမအသုတ်ကူညီရေးပစ္စည်းများအား မတ် ၃၁ ရက်(မ နက်ဖြန်)တွင် စတင်ပို့ဆောင်ပေးသွားမည်ဖြစ်ကာ မြန်မာနိုင်ငံ၏ လိုအပ်ချက်များအရ နောက်ထပ်အကူအညီများကိုလည်း ဆက်လက်ပံ့ပိုးပေးသွားမည်ဖြစ်သည်။
မြန်မာနိုင်ငံ၌ငလျင်လှုပ်ခတ်ပြီးချိန်တွင် တရုတ်နိုင်ငံ၊ ယူနန်ပြည်နယ်မှ ဒေသဆိုင်ရာကယ်ဆယ်ရေးအဖွဲ့များသည် မတ် ၂၉ ရက်နံနက်ပိုင်း၌ပင် မြန်မာနိုင်ငံအတွင်း ကူညီကယ်ဆယ်မှုများပြုလုပ်နိုင်ရန် အပြည်ပြည်ဆိုင်ရာကယ်ဆယ်ရေးအပြည်ပြည်ဆိုင်ရာကယ်ဆယ်ရေးအဖွဲ့များအနက် ပထမဆုံးရောက်ရှိကူညီလျက်ရှိသည်။