ငလျင်ဒဏ်ခံစာနေရသည့် မြန်မာနိုင်ငံပြည်သူများအတွက် ကမ္ဘာ့ဘောလုံး အဖွဲ့ချုပ်(ဖီဖာ) ဥက္ကဋ္ဌ အင်ဖန်တီနိုနှင့် အာရှဘောလုံးအဖွဲ့ချုပ် ဥက္ကဋ္ဌ ရှိတ်ဆာလ်မန်ဘင် အီဗရာဟင် ခါလီဖာတို့က ဝမ်းနည်းကြောင်း သဝဏ်လွှာများပေးပို့ခဲ့ကြောင်း သိရသည်။
ထို့အပြင် နိုင်ငံတကာ ဘောလုံးအဖွဲ့ချုပ်များဖြစ်သည့် ဗီယက်နမ်၊ ဘင်္ဂလားဒေရှ့်၊ ထိုင်း၊ အင်ဒိုနီးရှား၊ နီပေါ၊ မြောက်မာရီယားနား နိုင်ငံဘောလုံးအဖွဲ့ချုပ် ဥက္ကဋ္ဌများကလည်း ဝမ်းနည်းခြင်း သဝဏ်လွှာများ အသီးသီးပေးပို့ခဲ့ကြကြောင်း သိရသည်။
လက်ရှိကြုံတွေ့နေရသည့် အခက်အခဲများအား စာနာထောက်ထားမှုဖြင့် ပေးပို့လာသော ဝမ်းနည်းခြင်း သဝဏ်လွှာများအတွက် ငလျင်ဘေးသင့် ပြည်သူများကိုယ်စား မြန်မာနိုင်ငံ ဘောလုံးအဖွဲ့ချုပ်က ကျေးဇူးအထူး တင်ရှိကြောင်း အသိပေးကြောင်းကြားခဲ့ကာ၊ လက်ရှိတွင် ပြည်တွင်း ဘောလုံးပွဲနှင့် သင်တန်းများအားလုံးကို ယာယီရပ်ထားကာ ငလျင်ဘေးသင့် ပြည်သူများအား ပံ့ပိုးကူညီမှုများ ပြုလုပ်လျက်ရှိကြောင်း သိရသည်။
ယခု ၂၀၂၅ခုနှစ် မတ်လ (၂၈) ရက်က စစ်ကိုင်းနှင့် မန္တလေး မြို့များအား ဗဟိုပြု၍ အထက်မြန်မာပြည် နှင့် ရှမ်းပြည်နယ်တို့တွင် အပြင်းအထန် လှုပ်ခတ်ခဲ့သည့် အင်အား ၇ ဒဿမ ၇ ရစ်ချ်တာစ ကေးရှိ ငလျင်ကြောင့် ဘေးသင့်ဒေသများရှိ အသက်အိုးအိမ် များ ဆုံးရှုံးခဲ့ရကာ ယနေ့အချိန်အထိ ရှာဖွေကယ် ဆယ်ရေးများ လုပ်ဆောင်နေကြရသည်။