ငလျင်ဒဏ်ခံပြည်သူများအတွက်ဝါရင့်တရုတ်လွှတ်တော်အမတ်ဝမ်းနည်း

ပေကျင်း၊ ဧပြီ ၃

အမျိုးသားပြည်သူ့ကွန်ဂရက်လွှတ်တော် အမြဲတမ်းကော်မတီ ဒုတိယဥက္ကဋ္ဌ ဇန် ချင်ဝေ သည် မြန်မာနိုင်ငံတွင် အားပြင်းငလျင်လှုပ်ခတ်မှုကြောင့် ဒုက္ခရောက်ခဲ့ရသူများအတွက်ဝမ်းနည်ကြောင်း ပေကျင်းမြို့ရှိ မြန်မာသံရုံး၌ ဗုဒ္ဓဟူးနေ့တွင်ပြောကြားခဲ့သည်။

ဇန် သည် မတ်လ ၂၈ ရက်က ဖြစ်ပွားခဲ့သောငလျင်ကြောင့် လူအများထိခိုက်သေဆုံးမှုများနှင့် ပစ္စည်းဥစ္စာများ ဆုံးရှုံးခဲ့ရမှုအတွက် အလွန်ဝမ်းနည်းကြောင်း ဖော်ပြခဲ့သည်။ ငလျင်လှုပ်ခတ်မှု ပြီးပြီးချင်း တရုတ်သမ္မတ ရှီကျင်းဖျင့် က မြန်မာခေါင်းဆောင် ဗိုလ်ချုပ်မှူးကြီး မင်းအောင်လှိုင်ထံ ချက်ချင်း ဝမ်းနည်းကြောင်း ပြောကြားခဲ့သည်။ မြန်မာနိုင်ငံကို ကူညီကယ်ဆယ်ရေးအဖွဲ့များ စေလွှတ်ပေးခဲ့သည့် ပထမဆုံးသော နိုင်ငံသည် တရုတ်နိုင်ငံဖြစ်ပြီး ငလျင်ဘေးသင့်ပြည်သူများကို ဆက်လက်၍ အပြည့်အဝ ပံ့ပိုးကူညီသွားမည်ဟု ပြောကြားခဲ့သည်။

တရုတ်နိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေက မြန်မာနိုင်ငံကိုယ်စား ရှီ ၏ ဝမ်းနည်းကြောင်း သဝဏ်လွှာအတွက် ကျေးဇူးတင်ရှိကြောင်း ပြောကြားခဲ့သည်။

တရုတ်နိုင်ငံသည် ငလျင်ဘေး ကယ်ဆယ်ရေးတွင် အစွမ်းကုန် ကူညီဆောင်ရွက်ပေးလျက်ရှိပြီး မြန်မာ-တရုတ် ဆက်ဆံမှု၏ လေးနက်သော အဓိပ္ပါယ်ကို ပြသကာ အနာဂတ်တွင်လည်း အေးအတူပူအမျှ၊ သုခ၊ ဒုက္ခ ကိုမျှဝေ ခံစာ မည်ဖြစ် ကြောင်း ပြောကြားခဲ့သည်။ ယခုကူညီမှုကိုလည်း မြန်မာ ပြည်သူပြည်သားများက အစဉ်အမြဲ အမှတ်ရနေမည်ဖြစ်ကြောင်း ၎င်းကထပ်လောင်း ပြောကြားခဲ့သည်။
Ref: ရှင်းဟွာ