အင်အားပြင်းလှုပ်ခတ်ခဲ့သည့် ငလျင်ဒဏ်သင့်ဒေသများသို့ လှူဒါန်းမှုများအတွက် ငွေလွှဲခ ကင်းလွတ်ခွင့်ပြုမည်ဖြစ်ကြောင်း ဗဟိုဘဏ်ကထုတ်ပြန်ထားသည်။
မြန်မာ့စီးပွားရေးဘဏ်၊ နေပြည်တော်တွင် ဖွင့်လှစ်ထားသည့် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေ(OA-011834)စာရင်း၊ ရန်ကုန်မြို့၊ မြန်မာ့နိုင်ငံခြား ကုန်သွယ်မှုဘဏ်တွင် ဖွင့်လှစ်ထားသည့် နိုင်ငံခြားငွေစာရင်းအမှတ်၊ (0111284000000063) နှင့် မြန်မာ့စီးပွားရေးဘဏ်၊ နေပြည်တော်ရှိ နိုင်ငံခြားငွေစာရင်းအမှတ် (EDN-600018) သို့ ငွေလွှဲခ ကင်းလွတ်ခွင့်ဖြင့် ငလျင်ဒဏ်သင့်ဒေသများအား လှူဒါန်းငွေများလှူဒါန်းနိုင်ကြောင်း အသိပေးထားသည်။
အလားတူဖော်ပြပါဘဏ်စာရင်းများသို့ အများပြည်သူမှ မြန်မာ ကျပ်ငွေဖြင့် လှူဒါန်းလိုပါက ဘဏ်ကောင်တာမှတစ်ဆင့် ငွေသားဖြင့်တိုက်ရိုက်ဖြစ်စေ၊ အခြားဘဏ် များမှတစ်ဆင့်စာရင်း ပြောင်းနည်း Account Transfer ဖြင့်ဖြစ်စေ၊ Mobile Application တစ်ဆင့် Mobile Payment ဖြင့် ဖြစ်စေ ၊ MPU အပါအဝင်အခြား Electronic Card များဖြင့်ဖြစ်စေ Account ထည့်ဝင် လှူဒါန်းနိုင်ကြောင်း သိရသည်။
ထို့ပြင် နိုင်ငံခြားငွေဖြင့် လှူဒါန်းလိုပါက AD လိုင်စင်ရဘဏ်များမှ တစ်ဆင့် မည်သည့်နိုင်ငံခြားငွေအမျိုးအစားကိုမဆို လှူဒါန်းနိုင်ပြီး အများပြည်သူတို့၏ အလှူငွေများကို ဘဏ်များ၊ AD လိုင်စင်ရဘဏ်များ၊ မိုဘိုင်းငွေရေးကြေးရေး ဝန်ဆောင်မှုပေးသည့်အဖွဲ့အစည်းများအနေဖြင့် ငွေလွှဲခကောက်ခံခြင်းမပြုဘဲ ကူညီဆောင်ရွက်ပေးသွားမည်ဖြစ်သည်။