ငလျင်ဒဏ်သင့် စစ်ကိုင်းမြို့၌ ရှာဖွေကယ်ဆယ်ရေးလုပ်ငန်းများကို မလေးရှားနိုင်ငံမှ ရှာဖွေကယ်ဆယ်ရေးအဖွဲ့ဝင်များနှင့်အတူ ပူးပေါင်းဆောင်ရွက်နေ

စစ်ကိုင်းတိုင်း၊ စစ်ကိုင်းမြို့၌ ငလျင်ဒဏ်ကြောင့် အဆောက်အဦးများပြိုကျပျက်စီးပြီး ပိမိနေသူများအား ရှာဖွေကယ်ဆယ်ရေးလုပ်ငန်းများကို ဒေသခံမီးသတ်တပ်ဖွဲ့ဝင်များနှင့် လူမှုကူညီရေးအသင်းဝင်များက မလေးရှားနိုင်ငံမှ ရှာဖွေကယ်ဆယ်ရေးအဖွဲ့ဝင်များနှင့်အတူ ပူးပေါင်းဆောင်ရွက်လျက်ရှိကြောင်း မီးသတ်တပ်ဖွဲ့ထံမှ သိရသည်။

ထိုသို့ ဆောင်ရွက်ရာ၌ ယနေ့ မတ် ၃၁ ရက်တွင် ပြိုကျပျက်စီးခဲ့သည့် စစ်ကိုင်းမြို့၊ သုတဇေယျာ သီ လရှင်ကျောင်း၊ ရွှေမင်းဝံ(၁)လမ်းတွင် စစ်ကိုင်းမြို့ နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များက ကယ်ဆယ်ရေးလုပ်ငန်းများပြုလုပ်ရာ ည ၇ နာရီ ၁၀ မိနစ်တွင် ရှာဖွေတွေ့ရှိခဲ့သဖြင့် သယ်ထုတ်နိုင်ရန်ဆောင်ရွက်လျက်ရှိကြောင်း သိရသည်။

ထို့ပြင် မြတ်ကိုယ်ပိုင်ကျောင်းအဆောက်အဦပြိုကျပျက်စီးရာမှ ပိမိနေသူများအား စစ်ကိုင်းမြို့နယ်မီး သတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များက မလေးရှားနိုင်ငံမှ ရှာဖွေကယ်ဆယ်ရေးတပ်ဖွဲ့ဝင်များနှင့်ပူးပေါင်း၍ ရှာဖွေကယ်ဆယ်ရေးလုပ်ငန်းများကို ဆက်လက်ဆောင်ရွက်လျက်ရှိကြောင်း သိရသည်။

ထို့အတူ ဇိနောဓဏတိုက်သစ်ကျောင်းတိုက်အ ဆောက်အဦပြိုကျ၍ပိမိနေသူများအား စစ်ကိုင်းမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များမှ ရှာဖွေကယ်ဆယ်ရေးလုပ်ငန်းများဆောင် ရွက်လျက်ရှိကြောင်း သိရသည်။

ထို့ပြင် လေးကျွန်းမြေအုတ်ကျောင်းပြိုကျပျက်စီး ၍ပိမိနေသူများအား စစ်ကိုင်းမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များက ကယ်ဆယ်ရေးလုပ်ငန်းများပြုလုပ်ခဲ့ရာ ယနေ့ မတ် ၃၁ ရက်နံ နက် ၁၁ နာရီ ၂၀ မိနစ်တွင် အသက်(၈)နှစ်ခန့်အ ရွယ်ရှိ မိန်းကလေးငယ်(၂)ဦး၏ ရုပ်အလောင်းများအားရှာဖွေတွေ့ရှိခဲ့ပြီး ရှာဖွေကယ်ဆယ်ရေးလုပ်ငန်းများကို ဆက်လက်ဆောင်ရွက်လျက်ရှိကြောင်း သိရသည်။