မြန်မာနိုင်ငံတွင် မန္တလေး ငလျင်ကြီးလှုပ်ရာ၌ ဘန်ကောက်မြို့ထိ ပါ လှုပ်ခတ်သွားခဲ့ရာ အထပ်မြင့် အဆောက်အအုံ ၅၉၉၄ လုံးရှိ ဘန်ကောက် မြို့ လည်း အုတ်အော်သော်နင်းဖြစ်ခဲ့ရသည်။
၂၀၂၅ခုနှစ်တွင်ထိုင်းနိုင်ငံ၏ ကွန်ဒိုမီနီယံဈေးကွက် ရင်ဆိုင်နေရသည့်စိန်ခေါ်မှုမှာ
– နိုင်ငံတကာ ခရီးသွားများကို မှီခိုနေရသည့် အချိန်တွင် ဆောက်လုပ်ဆဲ SAO အဆောက်အဦ ပြိုကျမှုကထိုင်းနိုင်ငံ၏ ခရီးသွားလုပ်ငန်း ပုံရိပ်ကို ထိခိုက်နိုင်ခြင်း
-ကွန်ဒိုနေထိုင်သူအများစုက ကြောက်စိတ်ကြောင့် ၎င်းတို့၏ ကွန်ဒိုများကို ရောင်းချရန် စဉ်းစားနေကြခြင်း
စသည်တို့ပါဝင်သည်။
ထိုင်းကွန်ဒိုမီနီယံအသင်းဥက္ကဋ္ဌ Prasert Taedullayasatit သည် Prachachat Business နှင့် တွေ့ဆုံမေးမြန်းခန်းတွင် အဆိုပါစိုးရိမ်မှုများကို ပြောကြားခဲ့ပြီး ထိုင်းနိုင်ငံ၏အိမ်ခြံမြေကဏ္ဍအပေါ် မျှော်မှန်းထားသောအကျိုးသက်ရောက်မှုများအကြောင်း မေးခွန်း ၁၀ခုကိုဖြေကြားခဲ့သည်။
ကွန်ဒိုအခြေအနေ၊ဒီနှစ်ကွန်ဒိုဈေးကွက် ပြိုကျနိုင်လား၊ကွန်ဒိုမီနီယံအသင်းသည် အဖွဲ့ဝင်များနှင့် developer များကိုဘယ်လိုချိတ်ဆက်လုပ်ဆောင်နေလဲ၊ကွန်ဒိုဥပဒေများအကြောင်း၊အဆောက်အအုံအရည်အသွေးနှင့်အင်ဂျီနီယာများအရည်အသွေးတို့အကြောင်းများပါဝင်ဖြေကြားသွားရာမှအနည်းငယ်ကို ကောက်နုတ်ဖော်ပြသွားပါမည်။
လူနေအဆောက်အအုံများမှ လူသေဆုံးမှု မရှိခဲ့ပါ။ထိုင်းနိုင်ငံသည် ရစ်ခ်ျတာစကေး ၈.၂ အဆင့်ရှိ ငလျင်ကို ခံနိုင်ရည်ရှိပြီး ပင်မတည်ဆောက်ပုံများပျက်ယွင်းမှု မရှိခဲ့ပေ။ အက်ကွဲကြောင်းများပေါ်လာသော်လည်း အဆောက်အဦများသည် ပုံသဏ္ဍာန်ပျက်နေခြင်းမျိုး ပြိုကျခြင်းမျိုးမရှိပေ။
ပြိုကျခြင်းမှ ကာကွယ်ရန်အတွက် အဆောက်အဦများကို ကွေးညွှတ်ရန် ဒီဇိုင်းထုတ်ထားသောကြောင့် အက်ကြောင်းများသည် ရှောင်လွှဲ၍မရနိုင်ပါ။ဒိအချက်ကို ရှင်းရှင်းလင်းလင်းသိပြီး လူအများ နားလည်လာတာနဲ့အမျှ ပူပန်မှုလျော့ကျလာပါမယ်။
ကွန်ဒိုနေသူများဘေးကင်းစေရန်နှင့် ယုံကြည်မှုပြန်လည်ရရှိစေရန် Third-party အကဲဖြတ်မှုများကို လုပ်ဆောင်နေကြပြီး ကြားနေအင်ဂျင်နီယာကုမ္ပဏီများကို ခေါ်ယူနေကြပါတယ်။
လူတွေက ထိတ်လန့်နေကြတယ်။ယုံကြည်မှုတွေ ပြန်ရဖို့လိုတယ်။ လူတွေရဲ့ ခံစားချက်တွေ ပြန်တည်ငြိမ်လာတဲ့အထိ ကျွန်တော်တို့ စောင့်ရပါမယ်။ လူတွေကို လက်တွေ့ဘဝထဲ ပြန်သွင်းဖို့ အချိန်တန်ပါပြီ။ ၂၀၁၁ ခုနှစ်ကအကြီးအကျယ် ရေကြီးတုန်းကဆိုရေနှစ်မီတာလောက်နစ်သွားတဲ့ အိမ်တွေကိုပြန်နေဖို့တွန့်ဆုတ်နေခဲ့ကြတာမှတ်မိသေးလား။ ဒါပေမယ့် တည်ငြိမ်လာတာနဲ့အမျှ ပြန်လာခဲ့ကြတယ်။ ဒါကဘာကိုပြလဲဆိုရင် “ရွေးချယ်စရာမရှိ၊ ပြောင်းလဲပစ်လို့မရနိုင်” လို့ခေါ်တဲ့ မော်ဒယ်တစ်ခုပါ ဟု ကွန်ဒိုအသင်းဥက္ကဋ္ဌ က ဆိုသည်။
Ref:Khaosoad