ငြိမ်းချမ်းရေးဆွေးနွေးပွဲတွေကျင်းပဖို့နစကဥက္ကဋ္ဌကိုအကြံပြုခဲ့တဲ့သက်ဆင်

ထိုင်းနိုင်ငံဝန်ကြီးချုပ်ဟောင်း သက်ဆင်ရှင်နာဝပ်ထရာသည် ယခုလအစောပိုင်းက ဘန်ကောက်တွင် ကျင်းပသည့် နိုင်ငံတကာထိပ်သီးအစည်းအဝေးတွင် နစကဥက္ကဋ္ဌဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံခဲ့ကြောင်း ထုတ်ဖော်ပြောကြားလိုက်သည်။ သက်ဆင်က ငြိမ်းချမ်းရေး ဆွေးနွေးရန်လည်း နစကဥက္ကဋ္ဌ ကို အကြံပေးခဲ့သည်ဟု ပြောကြားခဲ့သည်။

ထိုင်းနိုင်ငံ ဘန်ကောက်မြို့မှာ ဧပြီလ ၄ ရက်နေ့က ကျင်းပသည့် ဘင်းမ်စတက် ထိပ်သီးအစည်းအဝေးမှာ မစ္စတာ သက်ဆင်က“မြန်မာနိုင်ငံမှာ ငြိမ်းချမ်းရေး ပြန်လည်ရရှိစေလိုတာကြောင့် သူနဲ့ စကားပြောခွင့်ရခဲ့ပါတယ်” ဟု ပြောသည်။

၎င်းသည် ယခင်က ကမ္ဘာ့စူပါပါဝါနိုင်ငံများနှင့် ဆက်သွယ်ခဲ့ပြီး ငြိမ်းချမ်းရေး တွေ့ဆုံဆွေးနွေးမှုများမှတစ်ဆင့် မြန်မာနိုင်ငံတွင် အကြမ်းဖက်မှု အဆုံးသတ်ရေးအတွက် ထိုင်းနိုင်ငံ၏ ဆန္ဒကို ထုတ်ဖော်ပြောဆိုခဲ့သည်။

နစကဥက္ကဋ္ဌ နှင့် တိုက်ရိုက်စကားပြောဆိုခြင်းဖြင့် ငြိမ်းချမ်းရေးလမ်းစကို ရှာဖွေရန် လိုအပ်ပြီး ထိုင်းနိုင်ငံသည် တပ်မတော်နှင့် လက်နက်ကိုင်များကြားတွင် ကြားဝင်ဖျန်ဖြေသူအဖြစ် ဆောင်ရွက်ရန် အသင့်ရှိကြောင်း ၎င်းက ရှင်းပြသည်။

“ဗိုလ်ချုပ်မှူးကြီး မင်းအောင်လှိုင်က ကျွန်တော့် အကြံပြုချက်တွေကို လက်ခံပြီး တရားဝင် ငြိမ်းချမ်းရေး ဆွေးနွေးပွဲတွေ မစခင် မှာ နောက်ထပ် ဆွေးနွေးမှုတွေ လိုအပ်နိုင်တယ်လို့ ပြောခဲ့ပါတယ်” ဟု သက်ဆင်က ပြောကြားခဲ့သည်။

“သူက ကျွန်တော့်ရဲ့ အကြံဉာဏ်ကို လိုက်နာပါတယ်။ ငြိမ်းချမ်းရေး ဆွေးနွေးပွဲ မစခင် အကြိမ်ပေါင်းများစွာ သူနဲ့ တွေ့ဆုံစကားပြောဖို့ လိုအပ်ပါတယ်” ဟု သက်ဆင်က ပြောကြားခဲ့သည်။

သက်ဆင်သည် ငြိမ်းချမ်းရေးဆွေးနွေးပွဲများတွင် နိုင်ငံရေးအကျဉ်းသားများ မပါဝင်ဘဲ ရွေးကောက်ပွဲ ကို မကျင်းပရန်နှင့် အာဆီယံ၏ ရပ်တည်ချက်ကိုမူ အသိအမှတ်ပြုကြောင်းလည်း ပြောကြားခဲ့သည်။

Ref: သည်နေးရှင်း