ပဲခူးမြို့၊ ဝင်္ဂဘော်ဆင်စခန်းတွင် မွေးဖွားခဲ့သည့် ဆင်အမွှာမောင်နှမ ဖြစ်သည့် ပုလဲဆင့်နှင့် ကျော်ပုလဲတို့၏ (၄)လ ပြည့်မွေးနေ့ပွဲကို ယမန်နေ့ ဒီဇင်ဘာ (၂၆)ရက်တွင်ကျင်းပပြုလုပ်ခဲ့ကြောင်း သိရသည်။
အဆိုပါ မွေးနေ့ပွဲတွင် ဆင်အမွှာနှစ်ကောင်အတွက် မွေးနေ့အလှူများ ပြုလုပ်ပေးခဲ့ပြီး၊ ဆင်အမွှာနှစ်ကောင်အတွက် လစဉ်ထောက်ပံ့ကြေးကျပ် (၃၀၀၀၀၀)နှင့် မိခင်ဆင်မကြီးအတွက် ဆင်ဘူဖေးစားသုံးရန် ကျပ်(၅၀,၀၀၀)ကို ၎င်းတို့အားချစ်မြတ်နိုးသည့် သူများက လာရောက်ပေးအပ်ခဲ့ကြောင်း သိရသည်။
ထို့ပြင် ဝင်္ဂဘော်ဆင်စခန်းရှိ ဆင်ဝန်ထမ်းများအတွက် တီရှပ်များ၊ ဆင်စခန်းရှိ ဝန်ထမ်းများအတွက် ဗလာမပါမဲစနစ်ဖြင့် မုန့်ဖိုးများ၊ ဆင်ဝန်ထမ်း သားသမီးကလေ-းငယ်များအား တစ်ဦးလျှင် ကျပ် (၅၀၀ဝ) နှင့် မုန့်များလှူဒါန်းပေးခဲ့ကြောင်း သိရသည်။
အဆိုပါ ဆင်အမွှာလေးနှစ်ကောင်အား မိခင်ဖြစ်သူ ဆင်မ ပုလဲစန္ဒာမှ ပြီးခဲ့သည့် ဩဂုတ်လ (၂၆) ရက်တွင်မွေးဖွားခဲ့ခြင်းဖြစ်ပြီး အထီးလေးအား ကျော်ပုလဲ ၊ အမလေးအား ပုလဲဆင့်ဟု အမည်ပေးထားခြင်းဖြစ်သည်။
လက်ရှိ ဝင်္ဂဘော်ဆင်စခန်းတွင် ဆင်မ(၂)ကောင်နှင့် ဆင်ထီး(၅) ကောင်ရှိကာ ၎င်းတို့အတွက် ဆင်ဘူဖေးကျွေးမွေးနိုင်သည်ဟုသိရပြီး ယခုရက်ပိုင်းအတွင်း ဆင်ဘူဖေး လာရောက်ကျွေးမွေးသူများရှိနေကြောင်း သိရသည်။