ပြည်တွင်းဆောက်လုပ်ရေးလုပ်ငန်းများတွင် အဓိကအသုံးပြုသည့် ဘိလပ်မြေများကို ကော့သောင်းနယ်စပ်ကုန်သွယ်ရေးစခန်းမှတဆင့် တင်သွင်းခွင့်ပြုထားကြောင်း သက်ဆိုင်ရာတာဝန်ရှိသူများက သတင်းထုတ်ပြန်ထားသည်။
ယခုအချိန်သည် ပွင့်လင်းရာသီသို့ ရောက်ရှိလာပြီဖြစ်သဖြင့် နိုင်ငံတစ်ဝန်းတွင် ဆောက်လုပ်ရေး လုပ်ငန်းများအား အရှိန်အဟုန်ဖြင့် ဆောင်ရွက်လျက်ရှိရာ ဆောက်လုပ်ရေး လုပ်ငန်းအတွက် မရှိမဖြစ်လိုအပ်သည့် ပြည်တွင်းဘိလပ်မြေ လိုအပ်ချက် ပြည့်မီစေရန်နှင့် ပြည်တွင်းဘိလပ်မြေ ထုတ်လုပ်မှုများကို အားဖြည့်ရန်အတွက် ကော့သောင်းနယ်စပ် ကုန်သွယ်ရေးစခန်းမှလည်းကောင်း၊ ပင်လယ်ရေကြောင်းမှလည်းကောင်း ဘိလပ်မြေများအား ၂၀၂၅ ခုနှစ်၊ ဇန်နဝါရီလ နောက်ဆုံးပတ်မှစတင်၍ တင်သွင်းခွင့်ပြုလျက်ရှိကြောင်း သိရသည်။
ပြည်တွင်းရှိ ဆောက်လုပ်ရေးလုပ်ငန်းများတွင် အသုံးလိုသည့် ဘိလပ်မြေကို တရုတ်၊ ထိုင်းနှင့် မလေးရှားနိုင်ငံတို့မှ အဓိကတင်သွင်းနေခြင်းဖြစ်ကြောင်း သိရသည်။
ထို့ပြင် နေပြည်တော်၊ တိုင်းဒေသကြီးနှင့် ပြည်နယ်များတွင် ဘိလပ်မြေ စက်ရုံ (၁၉)ရုံ ရှိပြီး ၎င်းတို့သည် အပြည့်အဝလည်ပတ်ရန် လိုအပ်နေသေးကြောင်း သိရသည်။