နေပြည်တော်၊ ဇမ္ဗူသီရိမြို့နယ်တွင် ငလျင်ကြောင့် ပြိူကျခဲ့သည့် တိုက်အမှတ် ၃၃၆၉ တွင် ပိတ်မိနေသူ အမျိုးသမီး (၁)ဦးအား ယနေ့ ဧပြီ (၁)ရက် နံနက် (၉)နာရီ (၁၅)မိနစ်အချိန်တွင် အသက်ရှင်လျက် ကယ်ဆယ်နိုင်ခဲ့ကြောင်း မြန်မာနိုင်ငံ မီးသတ်တပ်ဖွဲ့ သတင်းထုတ်ပြန်ချက်အရ သိရသည်။
ဇမ္ဗူသီရိမြို့နယ်တွင် ငလျင်ကြောင့် ုကျခဲ့သည့် တိုက်အမှတ် ၃၃၆၉ တွင် မြန်မာနိုင်ငံမီးသတ်တပ်ဖွဲ့ဌာနချုပ် ရှာဖွေကယ်ဆယ်ရေး(အထူး)တပ်ဖွဲ့ဝင်များနှင့် ရန်ကုန်တိုင်းဒေသကြီးရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများ ပူးပေါင်း၍ ကယ်ဆယ်ရေးလုပ်ငန်းများ ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်ခဲ့ရာ အသက် (၆၃)နှစ်ခန့် အမျိုးသမီး (၁)ဦးအား အသက်ရှင်လျက်ရှာဖွေတွေ့ရှိသဖြင့် ကုတင် ၁၀၀၀ ဆေးရုံသို့ ပို့ဆောင်ပေးခဲ့ကြောင်း သိရသည်။
အင်အားပြင်း မြေငလျင်လှုပ်ခတ်မှုကြောင့် နေပြည်တော်ကောင်စီနယ်မြေ နေပြည်တော်ကောင်စီနယ်မြေ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ် အရှေ့မြောက်ဒေသ၊ ပဲခူးတိုင်းဒေသကြီးတို့တွင် အဆောက်အဦး ထိခိုက်ပျက်စီး လူထိခိုက် ေ-သဆုံးမှု အများဆုံးကြုံတွေ့ခဲ့ရသည်။
အဆိုပါ ဒေသ(၆)ခုကို အရေးပေါ် အခြေနေအဖြစ် ကြေညာထားကာ ေ-သဆုံးသူများနှင့် ပိတ်နေသူများရှိခဲ့ရာ သက်ဆိုင်ရာ တာဝန်ရှိ အဖွဲ့များ၊ လူမှုကူညီကယ်ဆယ်ရေးအသင်းများနှင့် နိုင်ငံတကာအဖွဲ့အစည်း အသီးသီးတို့ဖြင့် ကယ်ဆယ်ရေးလုပ်ငန်းများ လုပ်ဆောင်လျက်ရှိကြောင်း သိရသည်။