အက်ပယ်လ်သည် “Project Mulberry” အမည်ဖြင့် ကျန်းမာရေးကဏ္ဍသို့ ဝင်ရောက်ရန် ပြင်ဆင်နေပါသည်။ အဆိုပါ စီမံကိန်းတွင် ၎င်း၏ ကျန်းမာရေးအက်ပ်ကို ပြည့်စုံစွာ ပြန်လည်ပြုပြင်ကာ ဆေးကုသမှုဆိုင်ရာ အကြံပြုချက်များပေးနိုင်မည့် AI ဉာဏ်ရည်တုမော်ဒယ်လ် တစ်ခုထည့်သွင်းဝထားသည်။
ထိုအက်ပ်သည် Apple Watch, iPhone နှင့် Air Pods ကဲ့သို့သော စက်များမှ ဒေတာများကို စုဆောင်းပြီး၊ ထိုသတင်းအချက်အလက်များကို ချိန်ညှိခြင်းဖြင့် လူတစ်ဦးချင်း အတွက်ကျန်းမာရေး အကြံပြုချက်များကို ပေးနိုင်မည်ဖြစ်သည်။ ယင်းအစီအစဉ်သည် ကျန်းမာရေးကဏ္ဍသို့ အက်ပယ်လ် ၏ အကြီးမားဆုံး ပါဝင်မှုဖြစ်စေရန် အဆိုပါ စီမံကိန်းကိုဆောင်ရွက်မည့် စီအီးအို တင်မ် ကွပ်ခ် ၏ ရည်ရွယ်ချက်နှင့် ကိုက်ညီသည်။
အသစ်ပြန်လည်ပြုပြင်ထားသည့် ကျန်းမာရေး Health အက်ပ်တွင် အမှန်တကယ် ဆရာဝန်တစ်ဦး၏ လုပ်ဆောင်မှုများနှင့် ပြန်လည်ထပ်တူညီစေသော ဉာဏ်ရည်တု AI ကိုယ်စားလှယ် ပါဝင်မည်ဖြစ်ပြီး၊ ကျန်းမာရေး အခြေအနေများကို အမြန် ဆုံး ထိုးထွင်း သိမြင်နိုင်ရန် ရည်ရွယ်ထားသည်။
ထို့အပြင် ၎င်း အက်ပ်တွင်စစ်မှန်သော တရားဝင် ဆေးပညာ၊ ဗဟုသုတများ ကို ထည့်ပေးထားပြီး နှလုံးကျန်းမာရေး၊ အာဟာရနှင့် စိတ်ပိုင်းဆိုင်ရာကျန်းမာရေးကောင်းမွန်မှုတို့နှင့် ဆိုင်သည့် အကြောင်းအရာများ၊ ပညာပေးဗီဒီယို များလည်း ပါဝင်မည်ဖြစ်သည်။
ထို့ပြင် ကိုယ်ဟန်အနေအထားနှင့် လှုပ်ရှားမှုကိုခွဲခြမ်းစိတ်ဖြာခြင်းအတွက် ပိုမိုကောင်းမွန်သော ချိန်ညှိမှုများနှင့် အာဟာရ ကြိုတင်ထိန်းချုပ်ခြေရာခံမှုတို့အတွက် နောက်ထပ် အစီအစဉ်များတီထွင် ဖန်တီးလျက်ရှိပါသည်။ ၂၀၂၅ ခုနှစ်တွင် iOS 19.4 နှင့်အတူ မိတ်ဆက်မည့် ယင်းစီမံကိန်းသည် အက်ပယ်လ် အတွက် ထင်ရှားသော ပြောင်းလဲမှုတစ်ခု ဖြစ်သည့်အပြင် နည်းပညာကုမ္ပဏီများသည် တစ်ဦးချင်းကို လိုက်လျောညီထွေဖြစ်စေသည့် ဆေးကုသမှု နည်းလမ်းများသို့ ဦးတည်လာကြောင်း ပြသနေသည်။
Ref : အေအိုင်ပို့စ်