တစ်ဖက်သတ်ဝါဒကို တန်ပြန်ရာတွင် တရုတ်က အာဆီယံနှင့်အတူ ရပ်တည်–ရှီကျင့်ဖျင်

တစ်ဖက်သက်ဝါဒနှင့် ကိုယ်ကျိုးစီးပွားကာကွယ်မှုဝါဒကို တွန်းလှန်ရာတွင် မလေးရှားနိုင်ငံ နှင့် အရှေ့တောင်အာရှဒေသ နှင့် လက်တွဲသွားမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်ပ်၏ အခွန်စည်းကြပ်မှုများကို အရိပ်အမြွက်ရည်ညွှန်းကာ တရုတ်သမ္မတ ရှီကျင့်ဖျင်က ကတိပြုလိုက်သည်။

ဧပြီလ၁၆ ရက်‌ေန့က သူ၏ မလေးရှားနိုင်ငံခရီးစဉ် ဒုတိယမြောက်နေ့တွင် ဂုဏ်ပြုညစာစားပွဲ၌ အာရှမိသားစု၏ အနာဂတ်ကို ထိန်းသိမ်းစောင့်ရှောက်ရာတွင် စည်းလုံးညီညွတ်မှု၏ အရေးကြီးပုံကို ရှီက အလေးပေး ပြောကြားခဲ့သည်။

“စီးပွားရေး ဂလိုဘယ်လိုက်ဇေးရှင်းရဲ့ ကမ္ဘာလုံးဆိုင်ရာ တုန်လှုပ်ခြောက်ခြားစရာတွေ၊ စိန်ခေါ်မှုတွေနဲ့ ရင်ဆိုင်နေရချိန် ပထဝီနိုင်ငံရေးဆိုင်ရာ ပြိုင်ဆိုင်မှုတွေ၊ အစားအစာ နှင့်ရိက္ခာအခြေခံ ထိပ်တိုက်ရင်ဆိုင်မှုတွေအပြင် တစ်ဖက်သတ်ဝါဒနဲ့ ကိုယ်ကျိုးစီးပွားကာကွယ်ရေးဝါဒရဲ့ ရန်လိုမှုတွေကို တန်ပြန်ရာမှာ တရုတ်နိုင်ငံနဲ့ မလေးရှားက ဒေသတွင်းနိုင်ငံတွေနဲ့အတူ ရပ်တည်သွားမှာပါ” ဟု တရုတ်သမ္မတက ပြောကြားခဲ့သည်။

အမေရိကန်အခွန်စည်းကြပ်မှုများကြောင့် ကမ္ဘာလုံးဆိုင်ရာ မသေချာမရေရာမှုများကြုံနေရစဉ် တရုတ်နိုင်ငံသည် ဆင်ခြင်တုံတရားရှိသော၊ ခိုင်မာပြီး ယုံကြည်စိတ်ချရသော မိတ်ဖက်ဖြစ်သည်ဟု မလေးရှားဝန်ကြီးချုပ် အန်ဝါ အီဘရာဟင်က အသတ်မှတ်ပြုခဲ့သည်။

ရှီ၏ သုံးရက်ကြာ မလေးရှားနိုင်ငံခရီးစဉ်သည် အမေရိကန်သမ္မတ ဒေါ်နယ်ထရမ့်က နိုင်ငံအများစုအပေါ် အပြန်အလှန်အခွန်စည်းကြပ်မှုကို ရက် ၉၀ ဆိုင်းငံ့ကြောင်း ကြေညာခဲ့ကာ တရုတ်သွင်းကုန်များကိုမူ ၁၄၅ ရာခိုင်နှုန်း အခွန်စည်းကြပ်လိုက်ပြီး ရက်ပိုင်းအတွင်း ထွက်ပေါ်လာခြင်းဖြစ်သည်။ တရုတ်သည် အမေရိကန်ကုန်စည်များအပေါ် စည်းကြပ်ခွန်များ ဆက်တိုက်တိုးကောက်၍ လက်တုန့်ပြန်ခဲ့သည်။

Ref: သည်စထရိတ်တိုင်းမ်စ်