ရှမ်းပြည်နယ်(မြောက်ပိုင်း)၊ တန့်ယန်းမြို့နယ်အတွင်း တရားမဝင် Online လိ-မ်လည်မှုနှင့် လေ-ာင်း ကစားမှုဆောင်ရွက်နေသည့် ပြည်ပနိုင်ငံသား (၁၅၀)ဦးကျော်ကို မတ် ၁၂ ရက်ကဖမ်းဆီးရမိခဲ့ကြောင်း သိရသည်။
လုံခြုံရေးအဖွဲ့ဝင်များက တန့်ယန်းမြို့နယ်၊ နားဟုတ်ကျေးရွာအုပ်စုအတွင်း၌ တရားမဝင် Online လိ-မ်လည်မှုနှင့် လေ-ာင်းကစားမှုများပြုလုပ်နေကြောင်း သတင်းအရ မတ် ၁၂ ရက်တွင်ဝင်ရောက်ရှာဖွေစစ်ဆေးမှုများပြုလုပ်ခဲ့ကြကြောင်း သိရသည်။
ထိုသို့ စစ်ဆေးရာမှ တရားမဝင် Online လိ-မ်လည်မှုနှင့် လေ-ာင်းကစားမှုများပြုလုပ်နေသည့် ပြည်ပနိုင်ငံသား(၁၆၅)ဦးနှင့် မြန်မာနိုင်ငံသား(၁) ဦးတို့အား အလျား(၂၀၀)ပေ၊ အနံ(၆၀)ပေရှိ သွပ် မိုးခန်းမ(၁)လုံး၊ (၇)ခန်းတွဲ ယာယီလူနေအဆောက်အဦ(၅)လုံး၊ လုပ်ငန်းသုံးပရိဘောဂပစ္စည်းများ၊ StarLink (၂)စုံ၊ ဖုန်းမျိုးစုံ(၃၀)လုံး၊ All in One ကွန်ပျူတာ(၅)လုံးတို့နှင့်အတူ ဖမ်းဆီးရမိခဲ့ကြောင်း သိရသည်။
ထို့ကြောင့် လုံခြုံရေးအဖွဲ့ဝင်များက ဖမ်းဆီးရမိသူများအား ဥပဒေနှင့်အညီ တရားစွဲဆိုအရေးယူနိုင်ရန်နှင့် ပြည်ပနိုင်ငံသားများအား လူသားချင်းစာနာထောက်ထားမှုနှင့် နိုင်ငံအချင်းချင်းချစ်ကြည်ရင်းနှီးမှုတို့ကိုရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးနိုင်ရန် ဆက်လက်ဆောင်ရွက်လျက်ရှိကြောင်း သိရသည်။
ထို့ပြင် မတ် ၁၃ ရက်က ကရင်ပြည်နယ်၊ မြဝတီမြို့-မင်းလက်ပံနှင့် KK Park နယ်မြေများသို့ တရားမဝင်လမ်းကြောင်းများမှတစ်ဆင့်ဝင်ရောက်နေသည့် ဗီယက်နမ်နိုင်ငံသား(၂၄၄)ဦးနှင့် အိန္ဒိယနိုင်ငံသား(၂၆)ဦး၊ စုစုပေါင်းပြည်ပနိုင်ငံ သား(၂၇၀)ဦးကို ထပ်မံစစ်ဆေးဖော်ထုတ်ထိန်းသိမ်းနိုင်ခဲ့၍ သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်းပေးနိုင်ရေး သက်ဆိုင်ရာတာဝန်ရှိသူများကဆောင်ရွက်လျက်ရှိကြောင်း သိရသည်။
ထို့အတူ မြဝတီမြို့-မင်းလက်ပံနှင့် KK Park နယ်မြေများသို့ တရားမဝင်လမ်းကြောင်းများမှတစ်ဆင့်ဝင်ရောက်နေထိုင်၍ Online လိ-မ်လည်မှုနှင့် လေ-ာင်းကစားမှုများတွင် ဝင်ရောက်လုပ်ကိုင်နေရာမှ ဖော်ထုတ်ဖမ်းဆီးရမိခဲ့သူများအနက် တရုတ်နိုင်ငံသား(၄၅၀)ဦးကို မတ် ၁၃ ရက် မြန်မာ-ထိုင်းအမှတ်(၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံသို့ လူသားချင်းစာနာထောက်ထားမှုနှင့် နိုင်ငံအချင်းချင်းချစ်ကြည်ရင်းနှီးမှုတို့ကိုရှေးရှု၍ ဥပဒေလုပ်ထုံးလုပ်နည်းများနှင့်အညီ ပြည်နှင်လွှဲပြောင်းပေးခဲ့ကြောင်း သိရသည်။
၂၀၂၅ ခုနှစ်၊ ဇန်နဝါရီ ၃၀ ရက်မှ မတ် ၁၃ ရက်အထိ မြန်မာနိုင်ငံအတွင်းသို့ တရားမဝင်ဝင်ရောက်လာသည့် ပြည်ပနိုင်ငံသား(၆၀၁၅)ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကာ ၎င်းတို့အနက် (၃၂၁၃)ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျလွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား(၂၈၀၂)ဦးကိုလည်း သက်ဆိုင်ရာနိုင်ငံများသို့ လွှဲပြောင်းပေးရန်အသင့်ဖြစ်နေကာ ကောင်းမွန်စွာထိန်းသိမ်းစောင့်ရှောက်ထားကြောင်း သိရသည်။