ပေကျင်း၊ဒီဇင်ဘာ ၁၇
တရုတ်က ပြည်ပခရီးသွားများပိုမိုဝင်ရောက်စေလိုသောရည်ရွယ်ချက်ဖြင့် နိုင်ငံမှတစ်ဆင့် လေယာဉ် ပြောင်းစီးပါက (connection flight) ၁၀ ရက်အထိ ထရန်ဇစ်ဗီဇာကင်းလွတ်ခွင့်ပေးသည့် မူဝါဒကို အတည်ပြုချမှတ်ခဲ့ကြောင်းသိရသည်။
တရုတ်နိုင်ငံ၏ လူဝင်မှုကြီးကြပ်ရေးဌာနမက အဆိုပါသတင်းကို ထုတ်ပြန်ကြေငြာခဲ့ခြင်းဖြစ်ပြီး ၎င်းတို့၏ ဗီဇာကင်းလွတ်ခွင့်မူဝါဒကို ၁၀ ရက်တာ (နာရီပေါင်း ၂၄၀) အထိတိုးမြှင့်ပေးလိုက်ကြောင်းလည်း ထည့်သွင်းကြေငြာခဲ့သည်။
ယခင်ကဥပဒေအရ နိုင်ငံတွင်းဝင်ရောက်လာသူနိုင်ငံခြားသားများအား ၎င်းတို့သွားရောက်မည့် နိုင်ငံအလိုက် နာရီပေါင်း ၇၂ နာရီ ၃ ရက်နေထိုင်ခွင့်နှင့် ၁၄၄ နာရီ ၆ ရက်တာကာလအထိ နေထိုင်ခွင့်ပြုထားခဲ့ခြင်းဖြစ်သည်ဟုသိရသည်။
တရုတ်နိုင်ငံအနေဖြင့် ယခုဥပဒေကို အတည်ပြုပြဌာန်းလိုက်ခြင်းသည် နိုင်ငံတွင်း ပြည်ပခရီးသွားများ ကို များများစားစားဝင်ရောက်စေလိုခြင်းဖြစ်ပြီး အမေရိကမှခရီးသွားများအပါအဝင် နိုင်ငံပေါင်း ၅၀ မှ ခရီးသွားများသည် ယခု ၁၀ ရက်တာဗီဇာကင်းလွတ်ခွင့်တွင် အကျုံးဝင်မည်ဟုလည်းဆိုသည်။
ယခုဗီဇာကင်းလွတ်ခွင့်ဥပဒေအရ နိုင်ငံတွင်းဝင်ရောက်လာသောနိုင်ငံခြားသားများအနေဖြင့် ဝင်ရောက်လည်ပတ်ခွင့်ကို ယခင်ကန့်သတ်ချက် ၁၉ နေရာမှ ယခုအခါ ၂၄ နေရာအထိတိုးမြှင့်ပေးလိုက်ပြီး အချို့သောနေရာများကို ဝင်ရောက်ရန်မှာမူ နောက်ထပ်ခွင့်ပြုချက်များလိုအပ်သည်ဟုလည်းသိရသည်။
Source : စီအင်န်အင်န်