တရုတ်နိုင်ငံ၏ အပြည်ပြည်ဆိုင်ရာကယ်ဆယ်ရေးအဖွဲ့(CISAR)သည် ငလျင်ဒဏ်ကြုံတွေ့ခဲ့ရသည့် မြန်မာနိုင်ငံ၌ ကူညီကယ်ဆယ်မှုများပြုလုပ်ရန် မတ် ၃၀ ရက်ည ၁၁ နာရီက နေပြည်တော်သို့ရောက်ရှိလာခဲ့ကြောင်း သိရသည်။
အဆိုပါ အဖွဲ့သည် တရုတ်နိုင်ငံလေတပ်၏ Y-20 လေယာဥ်(၂)စီးဖြင့် ရောက်ရှိလာခြင်းဖြစ်ကာ အဖွဲ့ဝင်(၁၁၈)ဦး၊ ကယ်ဆယ်ရေးခွေး(၆)ကောင်၊ ကယ် ဆယ်ရေးယာဉ်(၂)စီး၊ ကယ်ဆယ်ရေးပစ္စည်း (၆၃၄)မျိုးနှင့် ဆေးကုသရေးပစ္စည်းများသယ် ဆောင်ပါဝင်လာကြောင်း သိရသည်။
လက်ရှိအချိန်၌ တရုတ်အစိုးရသည် မြန်မာနိုင်ငံသို့ တရုတ်ကယ်ဆယ်ရေးအဖွဲ့၊ CISAR အဖွဲ့၊ ယူနန်ပြည်နယ် ကယ်ဆယ်ရေးနှင့်ဆေးကုသရေးအဖွဲ့၊ ဟောင်ကောင်အထူးအုပ်ချုပ်ရေးဒေသ ကယ်ဆယ်ရေးအဖွဲ့များမှ ကယ်ဆယ်ရေးအဖွဲ့ဝင်ပေါင်း(၂၈၈) ဦးကို စေလွှတ်ထားပြီး တရုတ်ကြက်ခြေနီအသင်းနှင့် တရုတ်နိုင်ငံ ဒေသအသီးသီးမှ အရပ်ဘက်ကယ်ဆယ်ရေးအဖွဲ့ ၁၅ ဖွဲ့ကျော်တို့မှလည်း မြန်မာ နိုင်ငံတွင် ကယ်ဆယ်ရေးလုပ်ငန်းများကို ပူးပေါင်းဆောင်ရွက်လျက်ရှိကြောင်း သိရသည်။
လက်ရှိအချိန်၌ မန္တလေးမြို့တွင်ရောက်ရှိနေသည့် တရုတ်ကယ်ဆယ်ရေးအဖွဲ့သည် မြန်မာနိုင်ငံမှကယ် ဆယ်ရေးအဖွဲ့ဝင်များ၊ ရှန်းကျန့်စေတနာ့ဝန်ထမ်းကယ်ဆယ်ရေးအဖွဲ့နှင့် ရုရှားကယ်ဆယ်ရေးအဖွဲ့တို့နှင့်ပူးပေါင်း၍ Great Wall Hotel တွင် နာရီပေါင်း (၆၀)ခန့်ပိတ်မိနေသော အမျိုးသမီးတစ်ဦးအား မတ် ၃၀ ရက်ည ၁၂ နာရီ ၄၀ မိနစ်ခန့်က အသက်ရှင်လျက်ကယ်ထုတ်နိုင်ခဲ့ကြောင်း သိရသည်။