တရုတ်အကြီးတန်းအရာရှိ ဂျပန်ကိုယ်စားလှယ်အဖွဲ့နှင့်တွေ့ဆုံ

ပေကျင်း၊မတ် ၂၀

တရုတ်ကွန်မြူနစ်ပါတီ ဗဟိုကော်မတီ၏ နိုင်ငံရေး ဦးဆောင် အဖွဲ့ဝင် လီရှူလိုင်သည် ကြာသပတေးနေ့က ပေကျင်း၌ ဂျပန်ကိုယ်စားလှယ်အဖွဲ့နှင့်တွေ့ဆုံခဲ့ကြောင်းသိရသည်။

အဆိုပါတွေ့ဆုံမှုအတွင်း မစ္စတာလီက တရုတ်နှင့်ဂျပန်တို့သည် ပီရူးနိုင်ငံ၊လီမာမြို့၌ကျင်းပခဲ့သည့် ၃၁ ကြိမ်မြောက် အေပက် စီးပွားရေးခေါင်းဆောင်များအစည်းအဝေးပြင်ပ၌တွေ့ဆုံစဉ် နှစ်ဘက်ခေါင်းဆောင်များအကြားရရှိခဲ့သည့် သဘောတူညီမှုများကို အကောင်အထည်ဖော်ရန်တောင်းဆိုခဲ့သည်ဟုသိရသည်။

ယင်းနောက် နှစ်နိုင်ငံလုံးသည် ငြိမ်းချမ်းစွာယှဉ်တွဲနေထိုင်ရေး၊ထာဝရ ချစ်ကြည်ရင်းနှီးမှု၊နှစ်ဦးနှစ်ဖက်အကျိုးရှိစေမည့်ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးလမ်းကြောင်းကိုလည်း လိုက်နာသင့်သည်ဟုဆိုခဲ့သည်။

နိုင်ငံခေါင်းဆောင်များအချင်းချင်းသာမက နှစ်ဘက်ပြည်သူများကြား၌လည်း ချစ်ကြည်ရင်းနှီးမှုနှင့် ယဉ်ကျေးမှုဖလှယ်ခြင်းများကိုပါ ထိထိမိမိပူးပေါင်းဆောင်ရွက်နိုင်စေရန် လုပ်ဆောင်သင့်သည်ဟုလည်း ၎င်းကထပ်မံပြောကြားခဲ့သည်။

ဂျပန်ကိုယ်စားလှယ်ကမူ ၎င်းတို့အနေဖြင့်လည်း နှစ်နိုင်ငံဆက်ဆံရေးတိုးတက်ကောင်းမွန်စေဖို့ အကောင်အထည်ဖော်ဆောင်ရွက်လျက်ရှိပြီး နိုင်ငံရေးအရသာမက လူငယ်များအချင်းချင်းကြားချစ်ကြည်ရင်းနှီးမှုနှင့် အစိုးရပိုင်းဆိုင်ရာမဟုတ်သည့် အခြားချစ်ကြည်ရင်းနှီးရေးများကိုပါ ပြုလုပ်သွားရန်ဆန္ဒရှိသည်ဟုဆိုသည်။

Source : ရှင်းဟွာ