တနင်္လာရီတိုင်း၊ ရခိုင်ပြည်နယ်နှင့် မွန်ပြည်နယ်တို့မှလွဲ၍ ကျန်တိုင်းနှင့်ပြည်နယ်အားလုံးတွင် ယနေ့ မတ် ၁၆ ရက်မှ မတ် ၂၀ ရက်အတွင်း နေ့အပူချိန်များ ပုံမှန်ထက်ပိုမိုမြင့်တက်လာနိုင်သည်ဟု မိုးလေဝသမြန်မာ(ရန်ကုန်ဌာနခွဲ)မှ နေ့အပူချိန်များ ပိုမိုမြင့်တက်လာနိုင်သည့်အခြေအနေ သတိပေးချက် (၃/၂၀၂၅)ဖြင့် အသိပေးခဲ့သည်။
အဆိုပါ ရက်များ၌ စစ်ကိုင်းတိုင်း(အထက်ပိုင်း) တွင် မတ်လ၏ ပုံမှန်နေ့အပူချိန်ထက်(၉)ဒီဂရီဆဲလ်စီးယပ်ခန့်၊ ကချင်ပြည်နယ်(အောက်ပိုင်း)တွင် မတ် လ၏ ပုံမှန်နေ့အပူချိန်ထက်(၈)ဒီဂရီဆဲလ်စီးယပ်ခန့်၊ ဧရာဝတီတိုင်းနှင့် ရှမ်းပြည်နယ်(တောင်ပိုင်း)တို့တွင် မတ်လ၏ ပုံမှန်နေ့အပူချိန်ထက်(၇)ဒီဂရီဆဲလ်စီးယပ်ခန့်၊ ပဲခူးတိုင်း(တောင်ပိုင်း)နှင့် ရှမ်းပြည် နယ်(မြောက်ပိုင်း)တို့တွင် မတ်လ၏ ပုံမှန်နေ့အပူ ချိန်ထက်(၆)ဒီဂရီဆဲလ်စီးယပ်ခန့်ပိုနိုင်သည်ဟု အသိပေးခဲ့သည်။
ထို့အတူ မန္တလေးတိုင်း၊ ပဲခူးတိုင်း(အရှေ့ပိုင်း)နှင့် ရန်ကုန်တိုင်းတို့တွင် မတ်လ၏ ပုံမှန်နေ့အပူချိန်ထက်(၅)ဒီဂရီဆဲလ်စီးယပ်ခန့်၊ စစ်ကိုင်းတိုင်း (အောက်ပိုင်း)၊ ပဲခူးတိုင်း(အနောက်ပိုင်း)နှင့် ရှမ်း ပြည်နယ်(အရှေ့ပိုင်း)တို့တွင် မတ်လ၏ ပုံမှန်နေ့အ ပူချိန်ထက်(၄)ဒီဂရီဆဲလ်စီးယပ်ခန့်၊ နေပြည်တော်၊ မကွေးတိုင်း၊ ချင်းပြည်နယ်၊ ကယားပြည်နယ်နှင့် ကရင်ပြည်နယ်တို့တွင် မတ်လ၏ ပုံမှန်နေ့အပူချိန်ထက်(၃)ဒီဂရီဆဲလ်စီးယပ်ခန့်နှင့် ကချင်ပြည်နယ် (အထက်ပိုင်း)တွင် မတ်လ၏ ပုံမှန်နေ့အပူချိန်ထက်(၂)ဒီဂရီဆဲလ်စီးယပ်ခန့်ပိုနိုင်သည်ဟုလည်း အသိပေးခဲ့သည်။
ထို့ကြောင့် ယင်း ရက်များအတွင်းဖြစ်ပေါ်နိုင်သည့် နေ့အပူချိန်များအရ စစ်ကိုင်းတိုင်း(အထက်ပိုင်း)နှင့် ကချင်ပြည်နယ်(အောက်ပိုင်း)တို့ကို(အားနည်း သောအပူလှိုင်း)ဟုသတ်မှတ်နိုင်ပြီး စစ်ကိုင်းတိုင်း (အောက်ပိုင်း)၊ မန္တလေးတိုင်း၊ ပဲခူးတိုင်း၊ ဧရာဝတီ တိုင်း၊ ရန်ကုန်တိုင်းနှင့် ရှမ်းပြည်နယ်တို့ကို(သိသိသာသာပို)ဟုသတ်မှတ်ခဲ့ကာ နေပြည်တော်၊ မကွေး တိုင်း၊ ကချင်ပြည်နယ်(အထက်ပိုင်း)၊ ချင်းပြည် နယ်၊ ကယားပြည်နယ်နှင့် ကရင်ပြည်နယ်တို့ကို(အသင့်အတင့်ပို)ဟုသတ်မှတ်နိုင်သည်ဟု အသိပေးခဲ့သည်။
အဆိုပါ မတ် ၁၆ ရက်မှ ၂၀ ရက်အတွင်း တနင်္လာရီတိုင်း၊ ရခိုင်ပြည်နယ်နှင့် မွန်ပြည်နယ်တို့တွင်နေထိုင်သူများမှလွဲ၍ ကျန်တိုင်းနှင့်ပြည်နယ်များတွင်နေ ထိုင်သူများအနေဖြင့် သက်ဆိုင်ရာ ကျန်းမာရေးဌာနများနှင့် အဖွဲ့အစည်းများကထုတ်ပြန်ထားသည့် အပူဒဏ်အန္တရာယ်ကာကွယ်ရေးသတိပေးနှိုးဆော်ချက်များအား ပူးပေါင်းပါဝင်လိုက်နာကြရန်နှင့် မီးဘေးအန္တရာယ်ကြိုတင်သတိပြုနိုင်ကြရန် အသိပေးခဲ့သည်။