တောင်ကိုရီးယားတောမီး‌ကြောင့် ‌ေ-သဆုံးသူ ၂၄ ဦးအထိ ရှိလာ

တောင်ကိုရီးယားနိုင်ငံ အရှေ့တောင်ပိုင်းဒေသ နေရာများစွာတွင် လောင်ကျွမ်းနေသော တောမီးများကြောင့် ‌ေ-သဆုံးသူ ၂၄ ဦးထက်မနည်းရှိလာကာ ၂၀ ကျော် ဒဏ်ရာရခဲ့သည်။ ထောင်နှင့်ချီသော မီးသတ်သမားများနှင့် စစ်သားများသည် ပျံ့နှံ့လောင်ကျွမ်းနေသော မီးလောင်ပြင်များကို အမြန်ထိန်းချုပ်နိုင်ရန် ခက်ခက်ခဲခဲ ကြိုးစားနေရသည်။

သီတင်းပတ်ကုန်ပိုင်းတွင် မီးလောင်ပြင် တစ်ဒါဇင်ကျော်ရှိခဲ့ပြီး လူဦးရေ ၂၇,၀၀၀ ခန့်ကို အရေးပေါ် ရွှေ့ပြောင်းပေးခဲ့ရသည်။ ဗုဒ္ဓဟူးနေ့မနက်ပိုင်းတွင် မီးသတ်သမားများသည် နိုင်ငံတစ်ဝန်းတွင် မီးလောင်ပြင်အသစ် ၅ ခုထက်မနည်းကို ငြိမ်းသတ်နေရသည်ဟု ကိုရီးယားသစ်တောဌာနက ပြောကြားခဲ့သည်။

လေပြင်းများကြောင့် လူနေရပ်ကွက်များကို မီးတောက်များ ကူးစက်လောင်ကျွမ်းကာ ရှေးဟောင်း ဘုရားကျောင်းတစ်ခု ပြာကျခဲ့သောကြောင့် ဗုဒ္ဓဟူးနေ့တွင် ‌ေ-သဆုံးဦးရေ ၂၄ ဦးအထိ ခုန်တက်ခဲ့သည်ဟု တာဝန်ရှိသူများက ပြောကြားခဲ့သည်။

‌ေ-သဆုံးခဲ့သူများတွင် Uiseong ခရိုင် တောင်ပေါ်ဒေသတစ်ခုတွင် ပျ-က်ကျခဲ့သော မီးသတ်ရဟတ်ယာဉ်၏ လေယာဉ်မှူး တစ်ဦးလည်း အပါအဝင်ဖြစ်သည်။

ထို့အပြင် အင်္ဂါနေ့ညပိုင်းက ကားလမ်းတစ်ခုပေါ်တွင် ‌ေ-သဆုံးလျက်တွေ့ရှိခဲ့သူ လေးဦးလည်း ပါဝင်ခဲ့ပြီး ၎င်းတို့သည် တောမီးဘေးမှ လွတ်မြောက်ရန် ကြိုးပမ်းရာမှ ၎င်းတို့ကားသည် တိမ်းမှော-က်ကာ မီးလောင်‌ေ-သဆုံးခဲ့ခြင်းဖြစ်သည်ဟု တောင်ကိုရီးယားအစိုးရပိုင် ယွန်ဟပ်သတင်းဌာနက ဖော်ပြခဲ့သည်။

သောကြာနေ့အနှောင်းပိုင်းက မြောက်ပိုင်း Gyeongsang ပြည်နယ် Sancheong စီရင်စုတွင် စတင်လောင်ကျွမ်းခဲ့သော တောမီးသည် ဆိုးလ်မြို့တော် အရှေ့တောင်ဘက် ၁၁၁ မိုင်အကွာရှိ အိမ်နီးချင်း Uiseong စီရင်စုကို ကူးစက်လောင်ကျွမ်းခဲ့ကာ နောက်ပိုင်းတွင် Andong၊ Cheongsong၊ Yeongyang နှင့် Yeongdeok စီရင်စုများသို့ပါ ထပ်မံကူးစက်လောင်ကျွမ်းခဲ့သည်။

Ref: အယ်ဂျာဇီးယား