ရှမ်းပြည်နယ်၊ တောင်ကြီးမြို့နယ်တွင် ရပ်ထားသည့် (၂၂) ဘီးကုန်တင်ယာဉ်အား (၆)ဘီးယာဉ်က အရှိန်မထိန်းနိုင်ဘဲ ဝင်တို-က်မိရာမှ ယာဉ်ပေါ်ပါသူများအနက် အမျိုးသမီး (၃) ဦးအသက်ဆုံးရှုံးခဲ့ရကြောင်း မီးသတ်တပ်ဖွဲ့ သတင်းများအရ သိရသည်။
ယနေ့ နိုဝင်ဘာ (၁၆)ရက်၊ နံနက် အစောပိုင်း (၄)နာရီ (၂၂)မိနစ်အချိန်ခန့်က ရွှေညောင်မြို့မှ တောင်ကြီးမြို့နယ် ပင်ဖြစ်ရွာသို့ မောင်းနှင်လာသော MITSUBISHI CANTER အမျိုးအစား(၆)ဘီးယာဉ်မှာ အရှိန်မထိန်းနိုင်ဘဲ လမ်းညာဘက်တွင် ရပ်ထားသော HINO(၂၂) ဘီး ကုန်တင်ယာဉ်အား ဝင်တို-က်မိခဲ့ခြင်းဖြစ်သည်။
အဆိုပါ ယာဉ်တို-က်မှုကို တောင်ကြီးနှင့် ရွှေညောင်တို့ရှိ မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ လုပ်ဆောင်ခဲ့ရာ နံနက် (၆)နာရီအချိန်တွင် ပြီးစီးခဲ့သည်။
ယာဉ်တို-က်မှုကြောင့် အမျိုးသမီး(၃)ဦး အသက်ဆုံးရှုံးမှုအပြင် ယာဉ်ပေါ်ပါ ယာဉ်မောင်းအပါအဝင် အမျိုးသား (၄) ဦး၊ အမျိုးသမီး (၆)ဦး မစိုးရိမ်ရထိခိုက်ဒဏ်ရာများ ရရှိခဲ့သည့်အတွက် ၎င်းတို့အား ရွှေညောင်မြို့ မဟာဝီရ ရက္ခိတလူမှုကူညီရေးအသင်း လူနာတင်ယာဉ်ဖြင့် တောင်ကြီးမြို့ စဝ်စံထွန်းပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။