၁၈ ဘီး ထရပ်ကားအောက်၌ ခိုလိုက်လာသည့် မြန်မာနိုင်ငံသားရှစ်ဦးကို ထိုင်းနိုင်ငံ၊ မဲဆောက်မြို့၌ ဖမ်းဆီးရမိကြောင်း တာ့ခရိုင် လူဝင်မှုကြီးကြပ်ရေးဌာနက ပြောသည်။
ဘန်ကောက်လိုင်စင်နံပါတ်တပ်ထားသည့် ၁၈ ဘီးကားကို ထိုင်းစစ်တပ်၊ မဲဆောက်ရဲစခန်းနှင့် အုပ်ချုပ်ရေးအဖွဲ့များက ယမန်နေ့ နိုဝင်ဘာ ၁၆ ရက်က စစ်ဆေးချိန် ယင်းကဲ့သို့ ဖမ်းမိခဲ့ခြင်း ဖြစ်သည်ဟု သိရသည်။
ယင်းရှစ်ဦးသည် မြန်မာနိုင်ငံသား အမျိုးသား ၆ ဦးနှင့် အမျိုးသမီး ၂ ဦး စုစုပေါင်း ၈ ဦးဖြစ်ကြပြီး ယာဉ်အောက်ပိုင်း၌ ကလန့်ထိုးထားသည့် သစ်သားပြားများကို တွေ့ခဲ့ရာမှ စစ်ဆေးရာတွင် ယင်းအပေါ်၌ ခိုလိုက်လာသူများကို တွေ့ရှိခဲ့ခြင်း ဖြစ်ကြောင်းလည်း တာ့ခရိုင် လဝကက ပြောသည်။
လက်ရှိတွင် ထရပ်ကားမောင်းသည့် ထိုင်းယာဉ်မောင်းကို အာဏာပိုင်များက ထိန်းသိမ်းထားပြီး နိုင်ငံခြားသားများကို တရားမဝင်ပြည်ဝင်ခွင့်ရအောင် ပူးပေါင်းကြံစည်မှုဖြင့် တရားစွဲထားကာ မြန်မာရွှေ့ပြောင်းအမျိုးသား ၈ ဦးကိုလည်း တရားရေးကိစ္စများ ဆောင်ရွက်နိုင်ရန် မဲဆောက်ရဲစခန်းကို လွှဲထားကြောင်းလည်း သိရသည်။
