ထိုင်းနိုင်ငံရောက် မြန်မာနိုင်ငံသား မိဘ (၂) ပါးမှ မွေးဖွားသည့် ကလေ-းများအတွက် မွေးဖွားခြင်း မှတ်ပုံတင်နိုင်ပြီဖြစ်ဖြစ်ကြောင်း ထိုင်းနိုင်ငံ၊ ဘန်ကောက်မြို့ရှိ မြန်မာသံရုံးက အသိပေးကြေညာထားသည်။
ကလေ-းများအတွက် မွေးဖွားခြင်းမှတ်ပုံတင်ရာတွင် မွေးဖွားသည့်နေ့မှစ၍ တစ်နှစ်အတွင်း မြန်မာသံရုံး၊ ဘန်ကောက်မြို့ (သို့မဟုတ်) မြန်မာကောင်စစ်ဝန်ချုပ်ရုံး၊ ချင်းမိုင်မြို့တို့တွင် မိဘ (သို့မဟုတ်) အုပ်ထိန်းသူကိုယ်တိုင်လာရောက်၍ ကလေ-း၏ မွေးစာရင်းမိတ္တူ (အင်္ဂလိပ်ဘာသာပြန်)၊ မိဘနှစ်ပါး၏ မြန်မာနိုင်ငံကူးလက်မှတ်မိတ္တူ၊ နိုင်ငံသားစိစစ်ရေး ကတ်ပြားမိတ္တူများနှင့်အတူ လိုအပ်သော လျှောက်လွှာပုံစံများ ဖြည့်စွက်၍ မှတ်ပုံတင်နိုင်ကြောင်း အသိပေးထားသည်။
မွေးဖွားခြင်းမှတ်ပုံတင်ပြီးပါက ထိုင်းနိုင်ငံတွင် ဆက်လက်နေထိုင်ရန်လိုအပ်ပါက မြန်မာနိုင်ငံကူးလက်မှတ် (မွေးတိုး) အား လျှောက်ထားနိုင်ပြီး ကိုယ်ရေးလျှောက်လွှာနှင့် ကိုယ်ရေးအချက်အလက်ပုံစံများ (ဓါတ်ပုံ ကပ်လျက်)၊ ကလေ-းမွေးစာရင်းမိတ္တူ (ထိုင်း/အင်္ဂလိပ်)နှင့် မိဘ (၂)ပါး၏ လိုအပ်သည့်စာရွက်စာတမ်းများကိုပါ ပူးတွဲလျှောက်တင်ရမည် ဖြစ်သည်။
အဆိုပါ မြန်မာနိုင်ငံကူးလက်မှတ် (မွေးတိုး) လျှောက်ထားလာမှုအပေါ် ဆောင်ရွက်ရန် အချိန်ကာလခန့်မှန်း (၄)လခန့်ကြာမြင့်နိုင်ကြောင်း သိရသည်။
အကယ်၍ မလျှောက်ထားဘဲ မြန်မာနိုင်ငံသို့ အမြန်ပြန်လည်ခေါ်ဆောင်လိုပါက တစ်ခါသုံးမည်သူမည်ဝါဖြစ်ကြောင်း သက်သေခံလက်မှတ် (One way Certificate of Identity- CI) ကို လျှောက်ထား ရယူနိုင်မည်ဖြစ်ပြီး လိုအပ်သည့်ပုံစံလျှောက်လွှာများကို ဘန်ကောက်မြို့ရှိ မြန်မာသံရုံးတွင် ထုတ်ယူနိုင်မည်ဖြစ်ကြောင်း သိရသည်။