လာမည့် ဒီဇင်ဘာ ၈ ရက်နေ့တွင် ထိုင်းနိုင်ငံ၌ ကျင်းပပြုလုပ်မည့် လုမ္ဗဏီချန်ပီယံခါးပတ်လုပွဲတွင် ရိုးရာဖိုက်တာ ထွန်းမင်းနိုင်(ခ)စူလိုင်မန် ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။
လုမ္ဗဏီချန်ပီယံခါးပတ်သည် ထိုင်းနိုင်ငံ၏ အဆင့်မြင့်တန်း ချန်ပီယံ ခါးပတ်ဖြစ်ပြီး၊ ဆန်ချိုင်း၊ ဘူခေါင်၊ ရော့ထန် ကဲ့သို့သော မွေထိုင်းလက်ဝှေ့ကျော်များကိုမွေးထုတ်ပေးခဲ့သည့် ပြိုင်ပွဲတစ်ခုလည်းဖြစ်သည်။
လက်ရှိ ကျင်းပပြုလုပ်နေသော ONE ပြိုင်ပွဲများတွင်လည်း လုမ္ဗဏီချန်ပီယံခါးပတ်ရရှိသူများ၏ အမည်များ ကြေညာပေးလျက်ရှိကာ၊ ယင်းချန်ပီယံခါးပတ်သည် ထိုင်းနိုင်ငံ မွေထိုင်းကစားသမားများ အလိုချင်ဆုံးသော ချန်ပီယံခါးပတ်တစ်ခုလည်းဖြစ်သည်။
ထွန်းမင်းနိုင်(ခ)စူလိုင်မန်သည် ONE၏ ပွဲစဉ်များအတွင်း နိုင်ပွဲများ ဆက်တိုက်ရရှိထားရာမှ မလေးရှားဖိုက်တာ ဂျလီဗန်ကို (၂ )ပွဲ ဆက်တိုက်ရှုံးနိမ့်ထားသူဖြစ်သည်။
ထို့နောက် ဂျပန်ဖိုက်တာ ဆာတိုကို အနိုင်ရရှိပြီးနောက် ကရင်နွယ်ဖွား ထိုင်းဖိုက်တာ ကော့ဖိုင်နှင့် ဆက်လက်ယှဉ် ပြိုင်ထိုးသ-တ်ရာ သတိလစ်သည်အထိ ထိုးသ-တ်ခံရပြီးနောက် ONE ၏ ပွဲစဉ်များဖြင့် ကင်းကွာခဲ့ရသည်။
ထို့ကြောင့် ယခု ထိုင်းနိုင်ငံ၏ မွေထိုင်းလက်ဝှေ့ပြိုင်ပွဲတစ်ခုဖြစ်သည့် LUI Muay Thai ပွဲစဉ်အတွင်း ပြန်လည်ဝင်ရောက် ယှဉ်ပြိုင်နေရာမှ လုမ္ဗဏီချန်ပီယံခါးပတ်လုပွဲတွင် ပါဝင်ယှဉ်ပြိုင်လာခဲ့ပြီဖြစ်သည်။