ဘန်ကောက်၊ဧပြီ ၄
ထိုင်းနှင့်အိန္ဒိယတို့သည် အရေးကြီးသောမိတ်ဖက်ဆက်ဆံရေးစာချုပ်ကို လက်မှတ်ရေးထိုးခဲ့ပြီး ကာကွယ်ရေးကဏ္ဍ၌ ပူးပေါင်းဆောင်ရွက်ရန်နှင့် အရေးကြီးသည့် အခြေခံအဆောက်အဦ စီမံကိန်းတစ်ခုကိုပါ မြန်မြန်ဆန်ဆန်တိုးမြှင့်ဆောင်ရွက်သွားမည်ဖြစ်ကြောင်းကတိပြုခဲ့ကြသည်။
အဆိုပါစီမံကိန်းသည် လူဦးရေအများဆုံးနိုင်ငံဖြစ်သည့် အိန္ဒိယကို တောင်အရှေ့အာရှအနီးအနား နိုင်ငံများနှင့် ချိတ်ဆက်ပေးမည့် စီမံကိန်းတစ်ခုလည်းဖြစ်လာနိုင်မည်ဟုသိရသည်။
တောင်အာရှနှင့်အရှေ့တောင်အာရှကြား ချိတ်ဆက်မှုကိုမြှင့်တင်ရာ၌ အရေးပါသည့်အခန်းကဏ္ဍမှ ပါဝင်ရန် နှစ်နိုင်ငံသဘောတူညီခဲ့ကြကြောင်း ဝန်ကြီးချုပ် ပေတုန်တန်ရှင်နာဝပ်ထရာကပြောကြားခဲ့သည်။
နှစ်နိုင်ငံသည် အိန္ဒိယအရှေ့မြောက်ပိုင်းမှစတင်မည့် ကီလိုမီတာ ၁,၃၀၀ ရှည်လျားသော အဝေးပြေးလမ်းစီမံကိန်းကို အရှိန်မြှင့်ရန်ရည်ရွယ်ထားပြီး ထိုစီမံကိန်းသည် ထိုင်းနိုင်ငံမြောက်ပိုင်းသို့ မရောက်မီ မြန်မာနိုင်ငံမှတစ်ဆင့် ဖြတ်သန်းသွားမည်ဖြစ်သည်ဟုလည်းသိရသည်။
ထိုင်းအစိုးရ၏ အထင်ကရစီမံကိန်းဖြစ်သည့် မြန်မာဖြတ်ကျော်စီမံကိန်းကိုလည်း မိတ်ဆက်ခဲ့ပြီး ထိုစီမံကိန်းသည် ပစိဖိတ်သမုဒ္ဒရာနှင့်အိန္ဒိယသမုဒ္ဒရာတို့ကို ချိတ်ဆက်ပေးနိုင်မည့် သယ်ယူပို့ဆောင်ရေးလမ်းကြောင်းအသစ်အဖြစ် သတ်မှတ်ထားကြောင်းလည်း မစ္စပေတုန်တန်ကပြောကြားခဲ့သည်။
ထို့ပြင် အိန္ဒိယနှင့်ထိုင်းနိုင်ငံကြားရှိ အခွန်လွတ်ရေးသဘောတူစာချုပ်များ၊အာဆီယံဆိုင်ရာသဘောတူစာချုပ်များကိုပါ ပြုပြင်နိုင်ရေးအတွက် ဆွေးနွေးပွဲများပြုလုပ်ရန်အဆိုပြုခဲ့ပြီး ၎င်းသည် နှစ်နိုင်ငံအကြား လွတ်လပ်သောကုန်သွယ်ရေးနှင့် ရင်းနှီးမြှုပ်နှံမှုတိုးတက်ရေးအတွက်လည်း အရေးကြီးကြောင်းပြောကြားခဲ့သည်။
Source : ဘန်ကောက်ပို့စ်