ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ ပဲခူးမြစ်လမ်းနှင့် မြနန္ဒာလမ်းဆုံအနီးတွင် ကားတို-က်ခံရ၍ အိမ်ခြေမဲ့ အမျိုးသားတစ်ဦး ေ-သဆုံးခဲ့သည့်ဖြစ်စဉ် ဖြစ်ပွားခဲ့ကြောင်း နယ်မြေခံ လူမှုကူညီရေးအသင်းတို့ထံမှ သိရသည်။
ယမန်နေ့ အောက်တိုဘာ (၃၁) ရက်၊ ည(၁၁)နာရီခွဲအချိန်ခန့်က အဆိုပါနေရာတွင် ယာဉ်တို-က်မှုဖြစ်ပွားပြီး ထိခိုက်ဒဏ်ရာရသူရှိကြောင်း သတင်းပေးပို့ချက်အရ Yangon Rescue Organization (YRO)၏ အဖွဲ့ဝင် ပိတောက်ကွေ့လူမှုကူညီရေးအသင်း(ဒဂုံဆိပ်ကမ်း)နှင့် မိတ်ဖက်ဖြစ်သော ရွှေသန်လျင်နာရေးကူညီမှုအသင်းတို့မှ စေတနာ့ ဝန်ထမ်းများ သွားရောက်ကူညီခဲ့ကြောင်း သိရသည်။
အဆိုပါ ယာဉ်တို-က်မှု ဖြစ်စဉ်ကြောင့် ေ-သဆုံးခဲ့ရသူမှာ အသက် (၄၅) နှစ်ခန့်အရွယ် အိမ်ခြေမဲ့ အမျိုးသား တစ်ဦး ဖြစ်ကြောင်း စစ်ဆေးတွေ့ရှိရပြီး ရုပ်အလေ-ာင်းအားမြောက်ဥက္ကလာပ ဆေးရုံကြီးသို့ ရွှေသန်လျင်နာရေးကူညီမှုအသင်း၏ နာရေးယာဉ်ဖြင့် ကူညီပို့ဆောင်ပေးခဲ့ကြောင်း သိရသည်။
အလားတူ အောက်တိုဘာ (၃၀) ရက်၊ ည(၁၀)နာရီခွဲအချိန်ခန့်ကလည်း မင်္ဂလာဒုံမြို့နယ်၊ ပြည်လမ်း၊ ရဲဘော်ဟောင်းမှတ်တိုင်အနီးတွင် လူတစ်ဦးကို ယာဉ်တစ်စီးမှ မတော်တဆ တို-က်မိမှု ဖြစ်ပွားခဲ့သေးကြောင်း သိရသည်။
ဖြစ်စဉ်ကြောင့် ထိခိုက်ဒဏ်ရာရရှိခဲ့သော အမျိုးသား (၁) ဦးအား မြေပြင်ဆေးကုသမှုပေးပြီး မြောက်ဥက္ကလာပ ဆေးရုံကြီးသို့ မြသီတာလူမှုကူညီရေးအသင်း(မင်္ဂလာဒုံ)၏ အရေးပေါ်လူနာတင်ယာဉ်ဖြင့် ကူညီပို့ဆောင်ပေးခဲ့ကြောင်း သိရသည်။