ဒါရိုက်တာဝိုင်းက “ရွှေကြာ” ရုပ်ရှင်ဇာတ်ကား ရိုက်ကူးဖို့အတွက် အဓိကသရုပ်ဆောင် မင်းသမီးနေရာမှာ ဖွေးဖွေးကိုရွေးချယ်ခဲ့ပါတယ်။ ဒါရိုက်တာဝိုင်းအနေနဲ့ မင်းသမီး တွေများစွာရှိပေမယ့် သရုပ်ဆောင်ဖွေးဖွေးနဲ့ ဇာတ်ကားရိုက်ကူးမှုများပြားတဲ့အတွက်လည်း ပရိသတ်တွေရဲ့ဝေဖန်မှုတွေရှိခဲ့ပါတယ်။ ဒီလိုဝေဖန်မှုတွေအပေါ် ဒါရိုက်တာဝိုင်းက..
” တစ်အချက်က ဖွေးဖွေးနဲ့ ရိုက်ကူးတာများတယ်ဆိုတဲ့အပေါ် ပြောစရာရှိပါတယ်။ တချို့သရုပ်ဆောင်တွေက တော်တယ်။ ထူးချွန်တာတွေရှိတယ်။ သို့သော်ငြားလည်း ဇာတ်ကောင်အရ အရွယ်ကကြီးသွားပြီ။ တချို့ ဇာတ်ကောင်တွေကျတော့လည်း ဒီရဲ့ ဇာတ်ကောင်အရ ရိုက်ကူးလို့ရတာမှန်တယ်။ သို့သော်လည်း ကျွန်တော့်ကို သူတို့ အချိန်မ ပေးဘူး။ ကြိုတင်ပြင်ဆင်မှုအပိုင်းတို့၊ လေ့လာမှုအပိုင်းတို့၊ ရှင်းရှင်းပြောရရင် ဆင်းန်ပေါ်ရောက်မှ တွေ့ရမယ်ဆိုတဲ့ လူမျိုး တွေများတယ်။ ဒါကြောင့် ကျွန်တော့်အနေနဲ့ ဇာတ်ကား ရိုက်ကူးတာကလည်း နည်းတယ်။ စိစိစစ်စစ်လည်း ရိုက်ကူးတယ်၊ ကိုယ်ပြောရင် ပြောသလို နာခံတဲ့တပည့်ကို ရွေးလိုက်တာပါ။ ကျွန်တော့်အနေနဲ့ ကျွန်တော့်ကိုအချိန် ပေးမယ့်၊ ကြိုတင်ပြင်ဆင်မှုအားကောင်းမယ့်၊ သရုပ်ဆောင်နဲ့ပဲ လက်တွဲဖို့စဉ်းစားပါတယ်။ ဒါမှ အလုပ်မှာကောင်းမယ်လေ။ နောက် တစ်ခု စဉ်းစားရမှာတစ်ခုက ကျွန်တော်တို့ ရုပ်ရှင်ရိုက်ကူးတဲ့နေရာမှာ ပရိသတ် အားပေးမှု အခိုင်အမာရတဲ့မင်းသမီးဖြစ်ဖို့ လည်းလိုတယ်။ ပရိသတ်တွေက သူတို့ရဲ့ အထင်၊ သူတို့ရဲ့အမြင်ကို လွတ်လပ်စွာ ဝေဖန်ပိုင်ခွင့်ရှိပါတယ်။ ကျွန်တော်မှန် ကန်ကြောင်းကို ဇာတ်ကားထွက်ရှိလာတဲ့ အချိန်မှာ ပရိသတ်ကြီးတွေ့မှာပါ” လို့ ပြော ပါတယ်။
“ရွှေကြာ” ရုပ်ရှင်ဇာတ်ကားက ဇာတ် ကားကောင်းတစ်ကား ဖြစ်မယ်လို့ယုံ ကြည်ကြောင်းပြောတဲ့ ဒါရိုက်တာဝိုင်းက ဒီဇာတ်ကားအတွက် တခြားသရုပ်ဆောင် များကို ရွေးချယ်ခဲ့ဖြစ်ပုံကိုလည်း ” အလင်းရောင်က ကျွန်တော်နဲ့ရှေ့ မှာ ရိုက်ကူးဖူးတော့ အလားအလာရှိတဲ့ လူငယ်တစ်ယောက်၊ ဖြစ်နိုင်တဲ့လူငယ်တစ် ယောက်လို့ မြင်တယ်။ အဲဒါကြောင့် သူကို လက်တွဲခေါ်ယူသင့်တယ်လို့ ကျွန်တော် ယုံကြည်တယ်။ ဒါကြောင့် အလင်းရောင်ကို ရွေးချယ်တာပါ။ ထုတ်လုပ်သူတွေက နာမည်ကြီးတဲ့ တခြားမင်းသားတစ် ယောက်ကိုရွေးချယ်စေချင်တယ်။ ကျွန်တော့်အနေနဲ့ကတော့ အရည်အချင်းရှိ တဲ့သူတစ်ယောက်ကို အခွင့်အရေးပေးချင် လို့ပါ။ သင်ဇာကတော့ ဗီစီဒီခေတ်တည်းက ကျွန်တော်နဲ့ အလုပ်အများကြီးလုပ်ဖူးပါတယ်။ အေးတယ်။ အလုပ်အပေါ်မှာ ကြိုးကြိုးစားစားရှိတယ်။ စည်းကမ်းရှိတယ်။ ဒီကြားထဲမှာသာ သူနဲ့ကျွန်တော်နဲ့က ကာရိုက်တာအရ မဆုံလို့သာမတွေ့ဖြစ်တာပါ။ ဒီဇာတ်ကားထဲက စံထားညိုနေရာ က သင်ဇာနဲ့ လိုက်ဖက်တယ်ဆိုပြီး ကျွန် တော်ပဲ ရွေးချယ်ခဲ့တာပါ” လို့ပြောပါတယ်။
ခိုင်ဝေလွင်
ဓာတ်ပုံ- မင်းမင်းထွန်း