ဒေါ်လာဈေးနှုန်းကို ဗဟိုဘဏ်က သတ်မှတ်သည့် ရည်ညွှန်းငွေလဲနှုန်းအပေါ် +_၀.၃ ရာခိုင်နှုန်းသာခွာပြီး အရောင်းအဝယ်ပြု လုပ်ရန် ဗဟိုဘဏ်ညွှန်ကြား
နိုင်ငံခြားငွေ ရောင်းချခြင်း၊ ဝယ်ယူခြင်းနှင့် လဲလည်ခြင်းတို့အတွက် ဈေးနှုန်းသတ်မှတ်ရာတွင် ဗဟိုဘဏ်၏ ရည် ညွှန်းဈေးနှုန်းနှင့် ၀.၃ ရာခိုင်နှုန်းသာ ကွာဟရာင်းဝယ်ကြရန် မြန်မာနိုင်ငံ ဗဟိုဘဏ်က ကန့်သတ်လိုက်ကြောင်း သိရသည်။
အဆိုပါ ကန့်သတ်ချက်ကို မြန်မာနိုင်ငံ ဗဟိုဘဏ်က ဩ ဂုတ်လ (၁၀) ရက် ရက်စွဲဖြင့် အမိန့် ထုတ်ပြန်ခဲ့ခြင်း ဖြစ် သည်။
ပြည်တွင်း ဒေါ်လာဈေးကွက်တွင် အမေရိကန် (၁) ဒေါ် လာလျင် မြန်မာ ကျပ်ငွေ(၂၇၀၀) ဝန်းကျင်အထိ မြင့်တက်ခဲ့သည့်အတွက် ပြီးခဲ့သည့် ရက်ပိုင်းအတွင်းကပင် မြန် မာနိုင်ငံ ဗဟိုဘဏ်က နိုင်ငံခြားငွေ ရည်ညွှန်းဈေးကို (၁) ဒေါ်လာလျင် (၂၁၀၀)ကျပ်အထိ ပြောင်းလဲသတ်မှတ်ခဲ့ခြင်းဖြစ်သည်။
အဆိုပါ အမိန့် ထုတ်ပြန်ချက်တွင် နိုင်ငံခြားငွေ ရောင်း ဝယ် ဖောက်ကားသည့် လုပ်ငန်းလိုင်စင်(AD) လိုင်စင်ရ ဘဏ်များ၊ နိုင်ငံခြားငွေ ဝယ်ယူရောင်းချလဲလည်ခွင့် လိုင်စင်(MC) လိုင်စင်ရ ဘဏ်များ၊ MC လိုင်စင်ရကုမ္ပ ဏီများအားလုံး အဆိုပါ ညွှန်ကြားချက်ကို လိုက်နာ ဆောင်ရွက်ကြရန် ဖော်ပြပါရှိသည်။
ယနေ့ထုတ်ပြန်သည့်အမိန့်ကြော်ငြာစာတွင် ပြည်ပငွေလွှဲလုပ်ငန်း လိုင်စင်ရ ကုမ္ပဏီများအနေဖြင့်လည်း ပြည်ပသို့ ငွေလွှဲခြင်းနှင့် ပြည်ပမှ ငွေပို့ခြင်း လုပ်ငန်း လုပ်ကိုင်ရာတွင် အဆိုပါ +_ ၀.၃ ရာခိုင်နှုန်း (CBM reference rate +_ 0.3) ဘောင်အတွင်း သတ်မှတ်ချက်ကို လိုက်နာ ဆောင်ရွက်ရန် ညွှန်ကြားထားသည်။
” သဘောကတော့ သူတို့ သတ်မှတ်ထားတဲ့ ၂၁၀၀ နဲ့ အ လွန်ဆုံး +_၀.၃ ရခိုင်နှုန်းပဲ ခွာပြီး ရောင်းတာဝယ်တာ လုပ်ဖို့ ညွှန်ကြားတဲ့သဘောပါပဲ။ ဒေါ်လာဈေး ကျအောင်လုပ်ချင်တာပေါ့နော်။ ကျမကျဆိုတာတော့ စောင့်ကြည့်ရမှာပေါ့။ မချရင် အရေးယူမှုတွေ လာမှာပေါ့နော်” ဟု ဗဟိုဘဏ်နှင့် နီးစပ်သူ တစ်ဦးက ပြောသည်။
အဆိုပါ ညွှန်ကြားသတ်မှတ်ချက်ထက် ကျော်လွှန်ကာ ဈေးနှုန်းမြှင့်တင် ရောင်းဝယ်ခြင်း ပြုလုပ်ပါက နိုင်ငံ ခြားငွေ စီမံခန့်ခွဲမှု ဥပဒေ၊ နိုင်ငံခြားငွေ စီမံခန့်ခွဲမှု စည်း မျဉ်းတို့အရ အရေးယူဆောင်ရွက်သွားမည် ဖြစ်ကြောင်း သိရသည်။
ယနေ့ထုတ်ပြန်သည့် အမိန့် ကြေညာစာသည် ၁၀၊၈၊၂၀၂၂ (ယနေ့) မှာပဲ အကျိုးသက်ရောက်စေမည်လို့ ဖော်ပြထားပါသည်။