နိုင်ငံကျော်တေးသံရှင်များစွာသီဆိုဖျော်ဖြေမည့် နေပြည်တော်နှစ်သစ်ကူးည

နေပြည်တော်ရှိ ဝဏ္ဏသိဒ္ဓိအားကစားကွင်း(၁၊၂) တွင် Myanmar Countdown 2025 အား ဒီဇင် ဘာ ၂၉ ရက်မှ ၃၁ ရက်အထိ နိုင်ငံကျော်တေးသံရှင်များစွာ၏ ဖျော်ဖြေမှုများနှင့်အတူ (၃)ရက်ကြာစည်ကားသိုက်မြိုက်စွာကျင်းပသွားမည်ဖြစ်သည်။

နိုင်ငံကျော်တေးသံရှင်များဖြစ်သည့် Bobby Soxer ၊ ပုံရိပ်၊ လွှမ်းပိုင်၊ ချမ်းမြေ့မောင်ချို၊ ထက်ယံ၊ Examplez ၊ Double J နှင့် Team 143 တို့မှ ဒီဇင်ဘာ ၂၉ ရက်ညပိုင်းတွင် ဖျော်ဖြေတင်ဆက်သွားမည်ဖြစ်သည်။

ထို့ပြင် ဒီဇင်ဘာ ၃၀ ရက်ည၌ ဝိုင်းစုခိုင်သိန်း၊ အိမ့်ချစ်၊ ဖြိုးပြည့်စုံ၊ Jewel ၊ နေမင်းအိမ်၊ ဝေလ၊ ဘိုဖြူ၊ ဟဲလေး၊ နေနော်တို့က ဖျော်ဖြေတင်ဆက်သွားကြမည်ဖြစ်သည်။

ထို့အတူ ဒီဇင်ဘာ ၃၁ ရက်(နိုင်ငံတကာနှစ်သစ်ကူးည)တွင် အိုင်းရစ်ဇင်မာမြင့်၊ ရဲရင့်အောင်၊ ယွန်းမြတ်သူ၊ ရတနာမိုင်၊ J Fire ၊ အစ္စဏီ၊ သိန်းလင်းစိုး၊ အောင်ထက်၊ Jason Ace ၊ မဟော်၊ ချစ်ကောင်း၊ Project K နှင့် Awasome Boyz တို့က ဖျော်ဖြေတင်ဆက်သွားကြမည်ဖြစ်သည်။

အဆိုပါ (၃)ရက်ကြာကျင်းပမည့် Myanmar Countdown 2025 အားလာရောက်ကြည့်ရှုလိုသူများကို အခမဲ့ဝင်ရောက်ကြည့်ရှုခွင့်ပြုသွားမည်ဖြစ်သည်။