နိုင်ငံဂုဏ်ဆောင်နိုင်ခဲ့သူ မြင်းစီးအားကစားသမား ဖြိုးကျော်မြင့်သန်းသည် ယမန်နေ့ ဒီဇင်ဘာ (၁၁)ရက် ညနေ(၆) နာရီအချိန်တွင် မြန်မာနိုင်ငံသို့ ပြန်လည်ရောက်ရှိလာသဖြင့် ရန်ကုန်လေဆိပ်တွင် ကြိုဆိုဂုဏ်ပြုခဲ့ကြကြောင်း မြင်းစီးအားကစားအဖွဲ့ချုပ်ထံမှ သိရသည်။
၎င်းသည် ယခုလ ဒီဇင်ဘာ (၇)ရက်မှ (၁၀)ရက်နေ့အထိ ထိုင်းနိုင်ငံ၊ ပတ္တယားမြို့၌ ကျင်းပသည့် ထိုင်းဘုရင့်သမီးတော်ဖလား၊ အသက်(၁၄)နှစ်မှ (၁၈)နှစ်အတွင်း၊ မြင်းစီးတန်းခုန်ပြိုင်ပွဲဝင်ရောက်ယှဥ်ပြိုင်ခဲ့ရာ ကြေးတံဆိပ်ဆုဆွတ်ခူးခဲ့ခြ င်းဖြစ်သည်။
ပြိုင်ပွဲတွင် နိုင်ငံပေါင်း (၇)နိုင်ငံ ဝင်ရောက်ယှဉ်ပြိုင်ခဲ့သည့်အနက် ပထမရွှေတံဆိပ်ဆုကို အိမ်ရှင်ထိုင်းကလည်းကောင်း၊ ဒုတိယ ငွေတံဆိပ်ဆုကို ကမ္ဘောဒီးယားက လည်းကောင်း၊ တတိယ ကြေးတံဆိပ်ဆုကို မြန်မာကလည်း ကောင်း အသီးသီးဆွတ်ခူးခဲ့သည်။
ထို့အပြင် စတုတ္ထဆုကို အင်ဒိုနီးရှား၊ ပဉ္စမဆုကို မလေးရှား၊ ဆဌမဆုကို ဖိလစ်ပိုင်၊ သတ္တမဆုကို စင်္ကာပူနိုင်ငံတို့က ရရှိခဲ့သည်။
နိုင်ငံ့ဂုဏ်ဆောင် ဖြိုးကျော်မြင့်သန်း၏ အိမ်ပြမ်ခရီးစဉ်အား မြန်မာနိုင်ငံမြင်းစီးအားကစားအဖွဲ့ချုပ်မှ ဗဟိုအလုပ် အမှုဆောင်များ၊ အားကစားနှင့်ကာယပညာသိပ္ပံ (ရန်ကုန်)မှ ဒုတိ ယကျောင်းအုပ်ကြီး ဦးအောင်မျိုးဝင်းနှင့်တာဝန်ရှိသူများ၊ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေး ဒီဂရီကောလိပ်မှဆရာ/ဆရာမများနှင့် ကျောင်းသား/ကျောင်း သူများ၊ ရန်ကုန်မြင်းစီးအသင်း (YECC)မှ ဝန်ထမ်းများ ဂုဏ်ပြုကြိုဆိုခဲ့ကြသည်။