ငလျင်ကြောင့်ပြိုကျနေသည့်အဆောက်အဦးများအတွင်း ပိတ်မိနေသူများကို နိုင်ငံတကာမှကယ်ဆယ်ရေးအဖွဲ့ဝင်များနှင့်အတူ လုံခြုံရေးအဖွဲ့ဝင်များ၊ မီးသတ်၊ လူမှုကူညီရေးအသင်းဝင်များနှင့် သက်ဆိုင်ရာဒေသခံများပူးပေါင်း၍ ကယ်ဆယ်မှုများကို ဆက်လက်ပြုလုပ်နေသည်။
ထိုသို့ ကယ်ထုတ်ရာ၌ နေပြည်တော်၊ သပြေကုန်းရပ်ကွက်၊ သစ္စာ(၂)လမ်းအပျက်စီးအောက်တွင် (၄၄)နာ ရီကြာပိတ်မိနေသည့် အမျိုးသားတစ်ဦး ယနေ့ မတ် ၃၀ ရက်နံနက် ၉ နာရီခွဲခန့်က အသက်ရှင်လျက်ကယ်ထုတ်နိုင်ခြင်း၊ ဥတ္တရသီရိမြို့နယ်၊ ပင်လုံဆေးရုံကြီးအဆောက်အဦပြိုကျ၍ ပိတ်မိနေသော အသက်(၇၀)ကျော်အဘွား(၁)ဦးကိုလည်း ယနေ့ နံနက် ၅ နာရီကအသက်ရှင်လျက်ကယ်ထုတ်နိုင်ခြင်းတို့အား စင်ကာပူနိုင်ငံမှတပ်ဖွဲ့ဝင်များနှင့်အတူပူးပေါင်း၍လုပ်ဆောင်ခဲ့သည်။
ဇမ္ဗူသီရိမြို့နယ်ရှိ တိုက်အမှတ် (၂၃၃၆)ပြိုကျ၍ပိတ်မိနေသူများအား ရန်ကုန်တိုင်းနှင့် နေပြည်တော်မှ ရှာဖွေကယ်ဆယ်ရေးတပ်ဖွဲ့ဝင်များပူးပေါင်း၍ ကယ်ဆယ်ရာ အမျိုးသား(၁)ဦးအလေ-ာင်း၊ တိုက်အမှတ် (၁၃၀၇)အောက် ပိတ်မိနေသူများကိုလည်း ဇမ္ဗူသီရိမြို့နယ်မီးသတ်တပ်ဖွဲ့ဝင်များ၊ ပုလဲအရန်မီးသတ်တပ်ဖွဲ့ဝင်များနှင့်ပူးပေါင်း၍ ကယ်ဆယ်မှုများပြုလုပ်ခဲ့ကြသဖြင့် ယနေ့တွင် အမျိုးသား(၂)ဦး၊ အမျိုးသမီး(၃)ဦးနှင့် ကလေ-းငယ်(၁)ဦးတို့၏ ရုပ်အလေ-ာင်းများသယ်ထုတ်နိုင်ခဲ့သည်။
မန္တလေးမြို့ရှိ Sky Villaနေရာတွင် မီးသတ်တပ်ဖွဲ့ဝင်(၅၀)ဦးက တရုတ်နိုင်ငံနှင့်ပေါင်း၍၎င်း၊ Great Wall Hotelပြိုကျပျက်စီးသည့်နေ ရာတွင် မီးသတ်တပ်ဖွဲ့ဝင် (၃၅)ဦးတို့က အိန္ဒိယနိုင်ငံမှ ရှာဖွေကယ်ဆယ်ရေးတပ်ဖွဲ့ဝင်များနှင့်အတူ ကူညီကယ်ဆယ်ရေးလုပ်ငန်းများကို ယနေ့ မတ် ၃၀ ရက်နံနက်ပိုင်းမှစတင်ကာဆောင်ရွက်လျက်ရှိနေသည်။
ထို့ပြင် မန္တလေးတိုင်း၊ ရမည်းသင်းမြို့နယ်၊ မြို့မအုပ်စု၊ ကြည်တော်ကုန်းရပ်ကွက်၊ မင်းနန်သူဘုရားတွင် စေတီပြိုကျပျက်စီး၍ပိတ်မိနေသူများအား ရမည်းသင်းမြို့နယ်မီးသတ်စခန်းမှရှာဖွေကယ်ဆယ်မှုများပြုလုပ်ခဲ့ကြရာ ေ-သဆုံးနေသူ(၁)ဦး၏ရုပ်အလော-င်းအားသယ်ထုတ်နိုင်ခဲ့ပြီး ပျော်ဘွယ်မြို့ရှိ ကမ္ဘောဇဘဏ်အဆောက်အဦနှင့် မြင်းဘက်ရပ်ကွက်ရှိနေအိမ်များပြိုကျပျက်စီး၍ ပိတ်မိနေသူများအနက် ယနေ့ နံနက်ပိုင်းတွင် (၃၃)ဦးကို အသက်ရှင်လျက်ကယ်ထုတ်နိုင်ခဲ့ပြီး ေ-သဆုံးနေသူ(၁)ဦး၏ရုပ်အလေ-ာင်းကိုလည်း သယ်ထုတ်နိုင်ခဲ့ကြောင်း သိရသည်။
မန္တလေးတိုင်းရှိ ဦးလှသိန်းသာသနာ့ဗိမာန်အဆောက်အဦပြိုကျပျက်စီးရာတွင် ပိတ်မိနေသူများအား မီးသတ်တပ်ဖွဲ့ဝင်(၅၅)ဦးက ဟောင်ကောင်မှရှာဖွေကယ်ဆယ်ရေးတပ်ဖွဲ့ဝင်များနှင့်အတူ ဆောင်ရွက်လျက်ရှိပြီး ရမည်းသင်းမြို့၊ မြို့မရပ်ကွက်၊ ပန်းတိမ်ရပ်ရှိ စံကျူရီစား သောက်ဆိုင်နှင့် နှစ်ထပ်အဆောက်အဦပြိုကျပျက်စီး၍ ပိတ်မိနေသူများအနက် (၄)ဦးကို မီးသတ်တပ်ဖွဲ့ဝင်များက အသက်ရှင်လျက်ကယ်တင်နိုင်ခဲ့ပြီး ေ-သဆုံးသူ(၅)ဦး၏ရုပ်အလေ-ာင်းများကိုလည်း သယ်ထုတ်နိုင်ခဲ့ကြောင်း သိရသည်။
စစ်ကိုင်းမြို့ရှိ ဆွမ်းဦးပုညရှင်ကျောင်းတိုက်၊ မြို့မဗလီ၊ ခရိုင်ပြန်/ဆက်ရုံး၊ လေးကျွန်းမြေအုတ်ကျောင်း၊ သကျမိတာသီလရှင်စာသင်တိုက်၊ မြတ်ကိုယ်ပိုင်ကျောင်း၊ ရတနာသိင်္ဂီသီလရှင်စာသင်တိုက်၊ ကမ်းနားလမ်းရှိလူနေအိမ် (၂)လုံးနှင့် တိုက်ဝါကြီးဘုန်းတော်ကြီးကျောင်းတို့တွင် ပိတ်မိနေသူများအား ယနေ့ မတ် ၃၀ ရက်တွင်လည်း စစ်ကိုင်းတိုင်းဒေသကြီးမီးသတ်က သက်ဆိုင်ရာအဖွဲ့အစည်းများနှင့်ပူးပေါင်း၍ ရှာဖွေကယ်ဆယ်မှုများပြုလုပ်လျက်ရှိကြောင်း သိရသည်။